بولد بعد ثلاث شهور إن شاء الله ومن اليوم أبجي

[أحلى عنابية]

بنات بدخل فالموضوع على طول

أنا في نص السادس وبولد قيصريه عندي بنت عمرها سنه وثلاث شهور يعني لما أولد بتكون سنه ونص تقديبا
بنات انا ساكنه في شقه وما عندنا الا غرفه وحده والصاله بنتي الحين ترقد ويانا ومب عارفه شلون بيكون النظام لما أولد حدي متوهقه أبي وحده مرت بنفس هالتجربه وشلون تنظم رقادها و رقاد البيبي ورقاد الياهل

والله اللي ترد علي بدعي لها في ظهر الغيب الله يحقق لها اللي تبي ساعدوني :eh_s(11):

 

[غنوة ستايل]

شوفي ياقلبي انتي نفسي بس انا شقتي اكبر
لازم تحاولين تلاقين شقه اكبر
على الاقل يكون فيها غرفتين
غرفه لج انتي وزوجك والبيبي الجديد . والغرفه الثانية لبنتج ام سنه ونص ( وتحطين فيها الجهاز ) اللي تسمعين فيه الجاهل لما يبجي !
ثاني شي ضبطي نومة بنتج الكبيره
يعني شوفي حالي .
انا ولدي يوم ولدت البنت كان عمره سنه والبنت توها جايه للدنيا

اول شي . الطفل الكبير ما ينام الظهر ابدا ! ابدا . حاولي تشغلينه من الحين من قبل ما تولدين .
يعني شوفي نظامي .
ولدي يقعد الصبح الساعه 8 الصبح . بعدين ارجع انومه وما يقعد الا الساعه 12 الظهر . اخلص الغدا على 2 الظهر . ياكل ( طبعا ) يشرب حليب ما يسأل عن الريوق . وما يبي اصلا ريوق .

يتغدا . العب معاه ليما الساعه ( ثلاث ونص ) اوديه الحضانه من الساعه 4 للساعه 8 الليل . وتفرغ بالوقت هذا لنفسي ولزوجي . ولبنتي الصغيره اللي طبعا تكون نامت لها شوي بهدوء .

عقب يبي ولدي 8 باليل ما انومه لا .. اعشيه واخليه يلعب او اطرشه مع ابوه لبيت عمه ( جيرانا ) أنا شقه وهم ما شاء الله بيت . المهم يلعب للساعه 9 او تسع ونص .. يرد البيت احط له تلفزيون ولعب مع البنت ومعاي ومع الخدامه

ع الساعه 10 انومه . اعطيه رضعه وينام ..

وثاني يوم نفس النظام .

بس الحين انا شقتي 3 غرف وصاله يعني اكبر من شقتج . والحين قاعده ادور على دور ارضي عشان يكون في حوش او حديقه العب فيها الولد والبنت لاني ما شاء الله حامل وبعد 13 يوم ولادتي
وعيالي مثلج صغار
الكبير سنه الا شهر
والصغيره سنه وشهر
والحين الصغيره الجايه بعد 13 يوم

وترا والله اتدبر . بس بتتعبين بالنفاس والاربعين لان الطفل صغير .. وانتي قيصري .( انا بعد ولادتي كلها قيصري )

 

[غنوة ستايل]

على فكره انا عندي سيلانيه .
وامسكت بنتي من عمر 3 شهور . وتنام مع الخدامه بالغرفه والغرفه اطل على الصاله وانا الحين قاعده بالصاله يعني اسمع صوت بنتي اذا بجت . يعني انا وحده من الغرف الكبار مخليتها لها ولبنتي ومضبطتها على الاساس هذا
وولدي الكبير ينام بروحه بالغرفه الثانية وحاطه الجهاز اللي اسمعه فيه
وانا زوجي بغرفه

 

[أإلع ـشق دلع ـهـأإ]

اول شي لازم عندج خدامه

ثاني شي اذا انتي موظفه اخذيلج امومه

من ولادتج لين ولدج يصير تقريبا عمره ٦ شهور الا انتي رديتي للوظيفه جذي زين

بالنومه الرضيع صعب يتعدل نومه اما بنتج مفروض معدل نومها انتي اذا نامت بنتج العصر او اي وقت خليها ساعه وبعدها قعديها غصب وديها عند اهلج اي مكان علشان اذا جت ساعه ١١ الا اهي نايمه

وتتفرغين بالليل حق ولدج بس راح تشربينه حليب وسهري معاه لين ساعه ٧ الصبح اذا قعدت الخداممه خليها تبدي بشغل البيت وتنظف وتغسل المميات وانتي روحي غرفتج ومعاج البيبي وسكري عليج الباب ونامي

وعلميخدامتج اذا قعدت بنتج تحرس عليها وبنتج راح تقعد ساعه ١١ او ١٠ الظهر خليها تغسلها وتلبسها وتوكلها وتطالع الرسوم اللي تحبها

وانتي نامي لي حزة الغدا وتتغدون والعصر او المغرب ضايق خلقج روحي مع عيالج بيت اهلج


وبس. لين مايتعدل نوم ولدج الرضيع سويه نفس اخته ينام بالليل ويقعد الظهر وانتي ترتاحين

وبالنومه خليهم معاج بالغرفه اذا قعدت الخدامه طلعي بنتج بسريرها بالصاله علشان الخدامه تنظف وتشوفها

على ماتوظفين تسوين جذي بعد


انا ماعندي عيال بس هذي طريقة البنات اللي معاي بالدوااام

ولا تبجين ولا تضيقين خلقج اعرف وح
ه عايشه ع غرفه وحده وحمام بسس وعندها ٤ اطفال وغرفتها النوم تهي اللي تنام فيها وتاكل فيها

وعايشه وكل سنه طفل ولا شكت

فحمدي ربج عندج صاله وغرفه

والله يسهل ولادتج ويرزقج الولاده الطبيعيه ياارب

 

[سارة ة]

ااااااب

 

[Aloe Vera]

الحل انج تروحين مكان اكبر او تسوينلج جزء من الصالة غرفة حق الاطفال اذا ماتقدرين تطلعين من مكانج

و عيالج خليهم ينامون و يقعدون مع بعض بشكل منتظم و انا انصح اليهال ينامون مبجر ٨ مثلا نايمين عشان يشبعون نوم و يكونون بمزاج حلو

و ثاني شي اذا ماتبين تحملين ورا بعض اخذي مانع و اتفقي مع زوجج

لمن تحطين فترة راحة بين العيال هالشي وايد يريحج

انا بين عيالي ٣ سنين و الحملة الياية ان شاءالله بخليها اكثر من ٣ سنين

يكونون عيالي بالمدارس و معتمدين على روحهم و نومتهم منتظمة


اني حاولي ترتبين حياتج و التعب اكثر شي اول شي

اهم شي تخلينهم مع بعض نومتهم و اكلهم

الله يسهل عليج

 

[أحلى عنابية]

ظروفي ما تساعد كلش يا بنات
ما نقدر نطلع من شقتنا لانه شهر مارس بنطلع بيت العمر ان شالله وقاعدين نصرف كل اللي عندنا عليه و الصاله صغيره وما نقدر نجيب خدامه حتى نهائيا هلايام لازم اصبر عندي ممر بين الغرفه والصاله اتوقع ممكن احط سرير بنتي فيه واخلي المولوده معاي فالغرفه هل يعتبر حل وانا ناويه اصلا انظم نومها لاني بدخلها حضانه عقب العيد ان شالله


وابي اعرف متى الياهل يرقد متواصل في اي عمر ؟

 

[أحلى عنابية]

ساعدوني احس مااقدر ارقد بسبة هالموضوع

 

[جـــواهر]

اي بنتج العوده خليها بالصاله
.وبنتج المولوده تنام بغرفتج

 

[sosowaty]

بالضبط خلي بنتج تنام بصاله و خلاص هانت ما بقا الا جم شهر و تروحون لبيت العمر

و حطي لها سررير يشووق عشان تحبه و تنام فيه

و بنتج الصغيرة خليها تنام بغرفتكم

و الله يعينج حبيبتي

 

[Aloe Vera]

زين ماشالله بتروحون بيت خليج متفائلة

الحل سهل بس نظمي نومة الكبيرة و خلي الصغيرة معاها بالروتين
و خلي مكان مخصص حق الكبيرة سرير و العاب تنام فيه
و الصغيرة معاج
او خليهم ثنينهم معاج لحد ما شوي تتنظم نومة الصغيرة خليهم ينامون بمكان ثاني مثلا الصالة مثاا عال٣ شهور
ينامون بره الغرفة بس مكان قريب شوي

و حاولي تييبين لج خدامة نص دوام تساعدج بالنهار

الطفل اذا المفروض من عمر سنه ينام متواصل
نومة العصر تكون قصيرة او معدومة حسب نشاط الطفل

 

[غنوة ستايل]

انتي لو وقفتي نومه العصر يتعدل نومه بنتج الكبيره
حاولي قبل ما تولدين توقفين نومه العصر او تخلينها ساعه اكثر شي وبعدين تنومينها بالليل يصير نومها متواصل
من عمر سنه ونص تضبط النومه

 

[q8 knosha]

حبيبتي حتى لو الصاله صغيره تقدرين تحطين سرير فيها

يصير ورا قنفه على زاويه مثلا او انا مادري شلون شكل صالتج بس تقدرين ادبرين سرير بصاله

عادي وحتى اذا حابه تقدرين تحطين بارتشن

 

[q8helwa]

الله يعينج ويساعدج