انا سمعت عن هالعيادة بالصدفة بالمنتدى ورحت لهم وحطيت تقويم عند الدكتور خالد الخياط بفرعهم اللي ببرج الخرافي
صراحة العيادة كل شي فيها روعه ودكتور خالد اينن ماكو منه محترم وحبوب وينصح ومريح بالتعامل
اسعارهم عادي
تنظيف الاسنان انا منتظمة عليه كل 3 او 4 شهور (صارلي سنه الحين)
سعر التنظيف 30 دينار بس ولا مرة دفعت 30
كل ما اروح يكون في عرض
يا اما ب 20 او 15 انا وحظي
وخلي الفنية الفلبينية ام شعر كاريه اللي مع دكتور خالد هي تسويلج التنظيف
تخيلي انا مع التقويم تنظف اسناني ولا حسيت بشي ولثتي كل مالها تتحسن تهبل صارت كانت ملتهبة قبل
اختي شلعت ضرسها عند دكتور هادي الصفار عجيب حده دمه خفيف وغشمرجي مع ان اختي جبااااااااااااااااانه هذا وهي مره ام عيال 30 سنه بس تقول ماحسيت بشي كلش
ماشاء الله شغله مضبوط
موتني من الضحك يوم يقز اختي ابره البنج وهي تقول لا اله الا الله <<<<على بالها بتموت
جان يقولها من ابره تهللين لاشلعت ضرسج شبتسوين؟ شكلج بتصلين ركعتين خخخخخخخخخخخ
اختي الثانية سوت تبييض مع انه ضروسها مافيهم شي بس عاد تدرين الدلع
تبييضهم كان عليه عرض 120 دينار بالليزر ومعاه تنظيف ببلاش
يعني صاروا منورين لان مافيهم شي ضروسها اتوقع اللي ضروسهم صفرا اكثر بيبين
