بيت العايلة

[Peace Soul.Q8]

بسم لله الرحمن الرحيم


بدش بالموضوع علطول ...
اقصد فبيت العايلة اهوا البيت الي يحتوي على اطفال صغار مشاكسين خخخخخخ اتوقع اغلب البيوت عندهم هالحالة ... 'ماكو احد بدنيا ماوده يكون عشة كشخه من الوان واثا ودديكورات وقطع زينه .. بس شالحل ؟؟ شلون نكشخ بيوتنا بطريقة الي ما تخلي عيالنا ياذون نفسهم او يكسرون ظهورنا بتكاليف التنظيف والتصليح

باختصار ششنو اساسيات تصميم بيت العايلة ... موضوع مهم جدا لاغلب البنات بالمنتدى فياريت لذوي الخبرات يلتفتون لنا وفيدونه

 

[Peace Soul.Q8]

ببلش انا باول مشاركة .. بنسبة للارضيات السراميك ما يخترب بس حيل بارد بالشتى ..
الارضية الخشب عجيبه بس اي بللةيحوشها تخترب
والزوالي مصيبتهم مصيبة تلقط كل الوصاخه

بنسبة للقنفات
الون الفاتح بسرعة يتوصخ والغامج يقمت
بنسبة للنوعيه الجلد وايد مريح للتنظيف بس يسحب الحراره البرودة والحراره

الديكورات الارضية ما تسلم من ايد اليهال العبثيه معنه شكلها الجمالي وايد حلو حتن الاغراض الي تنحط على الطاولات الارضية


الطوفه
طبعا لازم على قولت نانسي شخبط شخابيط بس من غير لاتشخبط عالحيط بس وين الي يسمع الكلام
حق الي يحبون الالوان الفاتحه ماراح يسلمون من هالشخابيط

 

[Peace Soul.Q8]

اب
اب اب
اب اب اب
اب
اب
اب
اب

 

[Peace Soul.Q8]

Up
up up up
up up up up up
up up
up up
up up

 

[snowfoshya]

لسهوله التنظيف وعدم التكسيير

١- الارضيه سراميك افضل لتنظيف
٢- الغنفات جلد لسهولة التنظيف لغرفه المعيشه .. اذا ماودج جلد يفضل تفصلين كفر للغنفات قماش مو نايلون وتكرفينها بالقعده واذا زارووج ناس شيلي الكفر وتلق لق غنفاتج جنهم يدد
٣- الطوفه النوع اللي يلمع عرفتووه ! لو يشخيط ويلون يروح ويتنظف بسرعه
٤- الزينه والتحف اذا كانت كبيره حطي داخلهم رمل عشان يثقلوون وصعب يطيحون وعن تجربه بس اليهال لايدرون انه داخلها رمل لووول
٥- اذا التحف صغيره بعدي عن الزجاج والخزف اعتمدي ع بلاستك او خشب افضل لبيت كله اطفال
٦- التلفزيون بلازما ومرفووع غيره لا


ومثل ماذكرت الاخت اللي فوق الجلد والسراميك يبردون بلشته فلايتعرضون للبروده فحافظي ع البيت يكون دافي كثر ماتقدرين بلشته

بالنهايه لو سهل عليج التنظييف بجذي ماراح تتقيدين بالوان معينه ولج حريه بالاختياار الديكور والالوان والصبغ

 

[دهورتني يازين]

اب اب اب اب اب اب

 

[ديما الكويت]

بالنسبة لي قنفاتي مخمل اسود الكل يقولي ليش اسود؟ طبعا عشان يقمت ويداري الوصخ وانظفة بسرعة ويروح
الطوفة انصح تصبغونها نص لمعة عشان لو توصخ ينظف بسرعة ما يأثر بالطوفة
وفيه شي مهم جدددددددددددا طاولات الصالات دايما خلوها خشب للي عندهم يهال لانه اقل حركة للطاولات بتنكسر الجام اللي عليها وهذي عن تجربة خبركم اليهال يحبون المناقز على الطاولات لووول

 

[لهيب الثرى]

هلاااا

في قماش اسمه شانيل متين واذا توصخ ممكن تفركينه بماي وصابون

وعندج المساند واطراف الكراسي فصلي عليهم قطع كل ما تتوصخ غسليهم بس يفضل من لون قماش الكرسي او المخاد

 

[دلال و غلا]

يعطيج العافيه ع الطرح

ما قصرتو بناات

فوووووق

 

[dalo0oa121]

والله صادقة واهم شي نبتعد عن السجادات والارضية اللي تزلج
والزجاج لانه مؤذي والديكور المرتفع يعني مثل الدرج المرتفع
واللي خطر

 

[توتاتوتا]

انا اشوف ناس تبدل كل سنة تقريبا الاولي من الرخيص للوسط بس تجدد بيتها و الثانيه ماشاء الله من الزيين


عالعموم قي فرف المعيشه مشجر او منقط كنب او زل


الرخام انظف بس بارد


التعلييييم لازم نعلم الاطفال ان ما يحركون التحف و الزينات من مكانها وهذا تعب مع هاالاجيال

 

[bnt_kwt]

والله حلو الموضوع

بالنسبه لي افضل حق الاماكن اللي تكون مستهلكه
الاقمشه اللي تكون حق القنفات حلاتها مشيره او غامجه عشان لا يبين فيها الوصخ والاستهلاك

وطبعا بالنسبه لي السيراميك انظف شي الباركيه حلو بس مو عملي
والزل يدفي المكان بس يجمع الوصخ فأنسب شي حق نظافه المكان السيراميك

عندج يهال الله يعينج مو لازم ورق جدران مالج الا الصبغ وبو نص لمعه عشان سهوله التنظيف

التحف افضل بالاماكن اللي فيها يهال ما تنحط على الارض لانه الياهل بطبيعته عبثي وما يرتاح الا اذا كسر
فالافضل وضع ارفف على الطوف واتحطين عليهم الاكسسوارات الناعمه اللي يتحمل وزنها الرف

وشكرا لصاحبه الموضوع لطرح موضوع مفيد للنقاش

 

[دلع الشمال]

موضوع مهم

ماشاء الله اليهال نعمه ونقمه يعني انا عندي بس بنت وولد كبار بسن الزواج

وكل شي عادي عندي ومافي شي يتكسر بس لما زوجت ولدي وصار عنده عيال الله لايوريكم الي صار

جبت تلفزيون بلازما اكبر حجم للصاله ولد ولدي اخذ لعبه عنده صلبه وكسر الشاشه بس خط

وشركه الغانم قالو مايتصلح وتكرمون قطيته بالزباله
غير طاولات الصاله يقلبونهم ويركبون عليهم

الحين صالتي فاضيه شنو اسوي فيها طقم عادي مايخلون شي كل شي يخربونه

 

[بنت العقربيه]

لازم تكون لهم غرفه خاصه بالالعاب لان الجو مايسمح نحط العاب برى في الحر والرطوبة مساكين الاطفال مايتحملون احنا اضطرينا نخلي غرفه في البيت فيها العاب مراجيح وطاولة هوكي وشبكة لكرة السلة وتكلفتها بسيطة جدا

 

[*الهنوف*]

ممكن تحطين الاكسسوارات علي ارفف مرتفعه واللي عالطاولات تشيلينهم ووقت زوارة الضيوف تطلعينهم
لازم تكون الالوان بعيده عن البيج والابيض والالوان الفاتحه والساده
الطوف ورق جدران قابل للتنظيف
الارضيه ماحو غير الرخام وتفرشون سجاد اكثر بالشتا

 

[ولــه]

الله يعين عليهم

 

[عزتي مالهاآ حد]

م عندي خبرة وايد لان توني بنوته هههه بس اشوف السيراميك تنظيفة اسهل ومنظرة احلى والصبغة نفس م قالت وحدة من الاخوات ابو لمعه هم سهل تنظيفه بما ان بيتنا البيت العود اللي عيال اخواني كله عندنا وبما ان جدتهم امي مدلعتهم فبيتنا جذي اسهل بالنسبة لي تنظيف السيراميك ومسح الجدران سهل عندي القنفات والتحف وهالشغلات اذا عندكم وحدة قوية بس خلوها تعطي اليهال نظرة مخترمة وم راح يسون شي هع وبس م عندي خبرة وايد اتمنى استفيد منكم