بيت العمر ساعــــــــــــوني

[عشقي أرض الكويت]

مسا الخير خواتي انا اول مره اسكن بيت ملك الحمد لله والبيت كان يبيله تعديلات كبيييييييره الحمدلله عدلت فيه وتغير مـررره سويت له اعادة تصميم ودييكورات وسيراميك ولا هو من قبل يخرع حتى مافيه دهانات ابد صار شكل البيت ثااااني بعد التعديلات بس الحين انا محتار :eh_s(10): ومحتـاسه مررره بشكل واللوان البويات ابي اللوان فخمه تمشي مع كل الوان الاثاث عشان مااتقيد بولن معين با الاثاث ابيكم تساعدوني ومتاءكده انكم ماراح تقصرن ابد ابي الوان للمداخل والصاله وغرفة الحريم ودي بالكلاسيك او اخلي الصاله كلاسيك وغرفة الحريم مودرن ابي افاجىء الكل ابيتي السيراميك حطيته سكري ع بيج الدهانات افكر احط3 طوف لون و1 لون غامق بس مو مره زيتي او احمر او عسلي ابي رايكم لانه يهمني زوجي الاسبوع الجاي بيجيب عمال البويه وانا ماقررت اي لون :krkrkr: الله يسعد ويوفق من ترد علي ويفرج عليها [

 

[ناتشوو]

انا اقول شوفي الاثاث اول
يمكن تلفت نظرج الوان معينة
ممكن تحطينها بالصبغ
والصبغ سهالات بسرعه ممكن تتفقون معاهم ويصبغون
وحتى لو ماعجبج تعيدين الصبغ لأنه رخيص ومايتعب لو عدتيه

ومنزل مبارك
الله يهنيكم فيه يارب

 

[عشقي أرض الكويت]

مشور ه حبيبتي ع الرد بس مستحيل زوجي يعيد الصبغ لان ماخذ سلف وهو مصمم ان البويه اول بعدين الاثاث

 

[بنت النوخذا]

الدهانات افكر احط3 طوف لون و1 لون غامق بس مو مره زيتي او احمر او عسلي ابي رايكم لانه يهمني زوجي الاسبوع الجاي بيجيب عمال البويه وانا ماقررت اي لون

[

هلا بالغاليه

منزل امبارك يا رب .. و تشوفين خيره باذن الله

اذا تبين راينا و نصيحه من اخت لاختها ... وماااا تندمين فيها

و مدام انك بعد ما قررتي اي لون
نصيحه نصيه نصيحه
اول شئ روحو يوم كامل لمنطقه الضجيج .... و اخذي لفه علي الاثــــاث
بعدها مع شوفتج لاوان الاثاث بتختارين الوان الصبغ اللي تتناسب مع الاثاث
لانه ممكن تحطين اثاث ما تناسب مع لون الحائط

و نصيحه ..... ترا الان الموضه هي اللاوان هادئه اللي تتناسب مع جو البيت بشكل عام

و عندج اصباغ الجوثـن واااااااااااااايد روعه عندهم
رش فوق الصبغ بلون فضي يعطي لمعه حلوه علي الصبغ كانه ورق جدران
روووحي ابيات و شوفي الاصباغ و اللاوان
و اخذي نماذج اللاوان
و بعدها .... روحوا الاثاث و قــــراري شنو الي يتناسب مع بعض

امــــــــــــــــــا تصبغين من غير قرار عن لون الاثاث فهذا اكبر غلط يا الغاليه :rerrerek::rerrerek:

و للعلم فكره ثلاث طوف لون و الطوفه الرابعه لون غير.... ترا كانت هبه و انتهت

و انتي علي راحتج

 

[بنت النوخذا]

:eh_s(10)::eh_s(10):

للاطفـــــــــــــال

اذا ودج رسم عالحائط

صاله و مداخل ممكن تخلين فيها لون حائط غير بس مو كل الغرف ترا بيكون حيييل ممل مع الوقت

 

[بنت النوخذا]

شوفي هالاوان بعد حلوه الذهبي او الفضي الحين موضه


اثـــــــــــــــــــــاث ميـــــــــــــداس

رسام علي الحائط و اسعاره روعه و شغله حيييييييييل روعه 66359118
اسمه جاكي .............جنسيته كوري

 

[عشقي أرض الكويت]

مشكوره يا الغاليه على الرد الوافي ولا هنتي على المرور

 

[بنت النوخذا]

يماااا قلبي

 

[عشقي أرض الكويت]

ماقصرتي حبيبتي انا مو ساكنه با الكويت عموما الله يعطيك العافيه على مجهودك

 

[إسكادا]

صح الأول المفروض تلفين محلات الأثاث لااااااااااااااااااااااااازم يمكن تطلع لك ألوان مو ع البال
و خلي نظامك مودرن وتفنني بالأكسسوارات احسه مريح أكثر من الكلاسيكي..
لاتحطين ألوان قويه للصاله والمداخل والممرات
مثل الأحمر السماوي التفاحي الأورانج الوردي لاااااااا ماعمرها الألوان هذي اعطت فخامه
حطي بيج أو سكري او رمادي فااتح ومن هالدرجات يعني بس تكون فيهم لمعه او بريق ..ولاتحطين ثلاث جدران لون والرابع لون لا خلي مثلا ثلاث جدران لون بيج عادي وواحد بيج بس فيه شغل منه وفيه او عليه رشة اللمعه
وموفقه ان شاء الله

 

[ريـــم إلغـــلآ]

رفع

 

[الوردة المكنونة]

شوفي حبيبتي انا نفس حالتج ومحتاره بس قررت اني اصبغ الصالات بيج فاتح لان البيج يمشي مع جميع الوان الاثاث ما يقيدني وغرف بناتي قررت وردي وبنفسجي فاتح وغرفت نومي افكر اسويها مشمشي بس للحين ما صبغت لان البيت للحين ماخلص قاعدين نركب الحمامات حاليا

 

[عشقي أرض الكويت]

اشكر كل من رد ورفع الموضوع والله ماقصرتوا ابد وانا استفدت من نصايحكم والصور اللي حطيتوها الله يجزاكم خير الجزاء اخت اسكادا معاج حق الالوان اللي ذكرتيهم مافكرت ابد احطهم با الصاله لانهم فعلا ماتعطي فخامه وتقيد نويت احط الصاله سكري اوبيج عشان ماتقيد با الاثاث بس مجلس الحريم محتاره با الجدار الرابع احمر غامج شوي مع ذهبي وعجبتني فكرة الاخت اسكاد انه يكون الجدار الرابع نفس لون الغرفه ويكون فيه لمعه ورسومات منه وفيه بس ابي اللون اللي يعطي الغرفه منظر حلو انا والله ادري اني تعبتكم وياي اسمحولي ماخاب من استشار انا مزاجي شوي صعب ماحب اسوي شي الابعد تفكير طويل خصوصا انه ماقدر اصبغ مره ثانيه لان فلوس البويه سلف وزوجي ع قد حاله فقلت دام بسوي لازم استشيركم لاني والله واثقه بذوقكم الراقي اكرر شكــــــــــــــري وتقبلو ودي واسفه طولت با الحجي

 

[Beautiful soul]

انصحج بورق الجدران يهبل واشكال والوان تفتح النفس

 

[رحيق]

منزل مبارك حبيبتي

والله يهنيج في بيتج

حبيبتي المفروض تشترين الاثاث وبعدين تحددين الصبغ لكن ما دام انتي متوهقه بسبب رفض زوجج ان يشتري الاثاث اول فأنصحج صبغي درجات البيج وخاصه استقبال الحريم الي هي صاله الحريم ودخل الذهبي بشكل خفيف

وصاله الحريم لا تحطين أثاث مودرن من وجهة نظري المودرن افضل لغرف المعيشه

أما الصالات الي تستقبلين فيها الناس الافضل كلاسيك يعطي فخامه أكثر للمكان

حاول تدخلين على مواقع مصممين الديكور راح تشوفين ان صالات الاستقبال كلاسيك وتاخذين أفكار

 

[عشقي أرض الكويت]

مشكورات حبيباتي ع النصايح وفكرة ورق الجدران مـــــــره اعجبتني بس مادري اهو عملي ولا لا خاصة بوجود اطفال