بيفرلي هيلز وتجميل الانف!!!

[اماراتيه_دبي]

السلام عليكم ورحمه الله وبركاته

شحالكن خواتي ربكم بخير انا اختكم ساره من الامارات عيبني المنتدى مالكم وعيبني اكثر انكن تتبادلون الخبرات بينكم

وهالشي مانحصله عندنا فالامارات لانه محد يخبر حد بتجاربه في عمليات التجميل ويستحي يرمس عن هالاشياء ووايد

استانست يوم شفت انه كل وحده تستفيد من الثانيه ومشكورين وفديتكم ياهل الكويت......

مابطول عليكم بس صراحه انا فخاطريه اسوي عمليه تجميل لخشمي ومايهمني الماده واخر شي افكر فيه بس اهم شي عندي

الحرفيه والشغل النظيف انا وايد سمعت عن الدكاتره فايران وعن بور صادق ولطفي زايده فهالمنتدى ووايد يمدحونهم وبعدني

استشير واستخير بس ليش محد رمس وتطرق للدكاتره اللي في بيفرلي هيلز اللي يسوون عمليات تجميل لمشاهير هوليوود

ومن فتره وايد بعيده عندهم خبره فهالمجال وبعض المناطق في امريكا بعد وانا يالسه احينه ابحث عنهم اللي حابه تبحث وياي

فهالموضوع وتشاركنا اتمنى اني اسمع ردودكم وشو رايكم فهالموضوع لاني شفت كمن وحده يالسه تبحث وتدور للافضل

وهالشي وايد حلو خصوصا العضوه wolfa تعيبني

ردودها وواقعيتها وانا معجبه فيها واتمنى تكون هي من بين الردود وبستانس يوم بشوفها وكل عضوه فالمنتدى اتمنى اسمع

ردودهن واستفيد منهمن وياريت نستوي شراتكم فالامارات وكل وحده تعرض خبرتها ونستفيد

احبكم وايد ياهل الكويت فديتكم....

تحياتي​

 

[jilnar]

هلا اختي ..

أنا إماراتية ومن دبي ويالسه أدور دكتور زين عندنا في الامارات ..

أنا في استراليا وما أرد دبي الا شهرين في السنه .. وعقب ما وافقوا أهلي اني اسوي تجميل حق خشمي قلت بشوف الدكاترة الي عندنا في استراليا .. مريت على كم واحد اشوف الصور الي عنده اتعيبني بس لما يسويلي بالكمبيوتر ما يعيبني !!! أحس ما يفهم أنا شو ابغي بالضبط .. أنا أحب الخشم العربي الضعيف في نفس الوقت ومرتب .. فقلت خلاص بدور دكاترة في دبي لأنهم يعرفون ذوق العرب كيف وعندهم تجارب وايده مع العرب ..

وانا نزلت موضوع اسأل عن هالشي .. وخلاص نويت ان شا الله شهر 10 أرد البلاد وأمر عند الدكاترة الي لقيتهم وبستخير وبشوف عند منوه بسوي العمليه ..

 

[حنون المزيون]

رد : بيفرلي هيلز وتجميل الانف!!!

بيفرلي هيلز ... دكاترتهم وايد ويحطونهم بالتلفزيون شكلهم يشوق بس عاد ما يندرى عن الواقع
دخلي يوتيوب وشوفي Dr.902010 وشوفي بعض الدكاتره وعناوينهم .. بس نصيحتى لج لا تروحين كوزومسيرج دبي فااااااااااشل عندهم دكتور لبناني ما اعرفه بس اللي ا>كر عندهم دكتوره عراقيه فاشله روحي أمريكا وإنتي مغمضه على الأقل عندهم مصداقيه وأمانه بعملهم مو مثل عربنا

 

[اماراتيه_دبي]

رد : رد: بيفرلي هيلز وتجميل الانف!!!

هلا والله اختي jilnar
والله اختي انا صراحه بحكم تجربتي مانصحج تسيرين لاي دكتور فدبي خاصه كوزمسيرج والدكاتره اللي فيه لانهم حاسين انهم فاهمين كل

شي ومايعطونج فرصه تعبرين رايج والله اني سرتلهم وشفت الدكتور غابرييل صعب اللي فرحانين فيه وانه قالي انتي متاكد انج بتسوين عمليه

قلتله هيه السوال الوحيد اللي سالني اياه شو اللي مايعجبج فخشمج قالي اوكيه انا بسويلج جيه وجيه ويالله يوم تكونين جاهزه خبريني بنسوي

العمله على طول جيه يعني خذوه فغلوه شو هذا وين عايشين حسسني اني داش صيدليه وانصحج تخلين اختياراتج بين ايران وامريكا ومشكوره

على ردج فديتج

 

[اماراتيه_دبي]

رد : بيفرلي هيلز وتجميل الانف!!!

بيفرلي هيلز ... دكاترتهم وايد ويحطونهم بالتلفزيون شكلهم يشوق بس عاد ما يندرى عن الواقع
دخلي يوتيوب وشوفي dr.902010 وشوفي بعض الدكاتره وعناوينهم .. بس نصيحتى لج لا تروحين كوزومسيرج دبي فااااااااااشل عندهم دكتور لبناني ما اعرفه بس اللي ا>كر عندهم دكتوره عراقيه فاشله روحي أمريكا وإنتي مغمضه على الأقل عندهم مصداقيه وأمانه بعملهم مو مثل عربنا

هلا والله اخت حنون

مشكوره فديتج على ردج الحلو والله صح كلامج كوزمسيرج فاشل اللهم بس دعايه ومسوين عمارهم

بروفيشنال ويسوون عمليات على كيفهم هب شرات برع في ايران ولا امريكا يهتمون فالمريض ويشوفون اللي يناسبه

ويعطونه فرصه عشان يعرفون شو رايه فديت روحج على الرد الحلو

 

[اماراتيه_دبي]

رد : بيفرلي هيلز وتجميل الانف!!!

افا كله مشاهدات وين الردود يابناااااااااااااااااااااااااااااااااااات

 

[شنشووونه]

لوووووووووووووول على قلبي والله

مبارك عليكم الشهر بالاول

انا والله حاطه في بالي اروح هناك اسويها لاني سويتها كذا مره ولا ضبطت الحمدلله خشمي مب مخترب بس ولاكني مسويته

مادري ليش الدكاتره يقصون علي خخخخخخخخخخخ ولا خشمي فيه بلا ؟؟

وللحين قاعده ادور دكتور زين اتمنى اني استفيد من موضوعج

في نفس الوقت بعد حاطه في بالي ايران اشوف البنات وايد يمدحون دكاترتهم بس لحد الحين ماقررت

انا عمليتي كانت شهر واحد فـ بنطر لين اخلص سنه وان شاء الله على بدايه السنه الجايه يكون ربي هداني على الدكتور الزين

دعوووواتكم بنااااااااااااااااات في هالشهر الفضيل الله يحقق لي اللي في بالي

وينولكم اللي في بالكم ان شاء الله

وسلامتكم

 

[دبي العز]

رمضان كريم امة محمد @@

:nocommint:


شو السالفة انتوا ترمسون عن شي محرم ترا مب شي عادي بكل سهولة وفرح وثقة والمصيبه تبادل خبرات يعني مجاهرة بالمعصية مع المشاركة والتشجيع

اسميها الحاله كسيفة هني من قلب

ترا هاي خلقة رب العالمين مب ابجورة ولا اثاث غرفة مستانسين تغيرونها


عن النبي -صلى الله عليه وسلم- حيث قال: ( لَعَنَ اللَّهُ الْوَاشِمَاتِ وَالْمُوتَشِمَاتِ وَالْمُتَنَمِّصَاتِ وَالْمُتَفَلِّجَاتِ لِلْحُسْنِ الْمُغَيِّرَاتِ خَلْقَ اللَّهِ( أخرجه مسلم والبخاري.



اللعن يعني الطرد من رحمة الله


ومبروك عليكم مقدماً للي بيسون والي سووو مبروك عليكم انطردتوا من رحمة الله عشان عملية تجميل تافهه غبيه مال امها داعي


ترا والله الجمال الصناعي ما يجدم ولا يأخر مب طبيعي يعني لو تقطعين عمرج لو ملكة جمال والله ما تكونين حلوه لانج في النهاية ام عمليات التجميييييييييييييييييييييييييييييييييييييييييل جمالج مب طبيعي
مززززززززززززييييييييييييييييف


وامحققققققققققق جمال الي بيحل غضب الله عليه ويسوقني لجهنمممممممممممممم


بعدين ترا الثقه بالنفس هي اساس الجمال !!!!!!!!!! :nocommint: وهالشي مفقود عندكم للاسف



الله يصلحكم ويهديكم في هالشهر الكريم ناس تفكر كييف تتوب وكيف تصلي وتصووووووم كييف تستغل الشهر بالطاعات وناس تفكر اي دكتور تجميل تروح

اوييه عاد تخيلوا متوا بعد عمرٍ طويل !!!!!! شو هالذنب التافهه الي تحملونه نفسكم يالله


يا سلامي عليكم بنات بلادي انا مستغربة مالهم اثر بس انا اماراتيه هني ما دريت انكم متيمعات هني تخططون لعمليات التجميل


بعدين بنات بلادج حبيبتي الي مب عاجبينج ناس تخاف الله وعالاقل حتى الي مسويه تجميل بعد ارحمم ضرت نفسها بس ما تبغي تعلم غيرها وتستأثم من وراهم !!!!!!!!! وتتجاهر وتشجع ........ألخ وتاخذ ذنوب الناس الي تسوي بعدها



الله يعينكم على نفسكم لانه بحد ذاته ابتلاء وربي

ادعوا لنفسكم بالهدايييييييييييية ادعوووووووووووووا عسى الله يستجيب دعوتكم وتتوبون الله غفور رحيم توبوا الي سوت توووووووووووووووووووووبي لله والي ما سوت تلاحقي على عمرج وتووووووووووووووبوا جميعاً


لاحول ولا قوة الا بالله

 

[دبي العز]

وبخصوص الفلووووس الي بتفرونها على هالدكاتره الي ما يخافون الله وعلى عملية سخيفه مثل هاي !!

تصدقوا فيها وعطوها الي يحتاجها وجملوا فيها حياة الناس بدال ما تجملون به خشمكم خخخخخ شر البلية ما يضحك

روحي حبيبتي لاي جمعية خيرية اسميج بتفرحين الناس الحين الناس رمضان مساكين افطار صايم وبعدها عييد كم محتاج بيلبس من وراج ويدعيلج

بدال خشمج الي بيدعي عليج

 

[اماراتيه_دبي]

رد : رد: بيفرلي هيلز وتجميل الانف!!!

وبخصوص الفلووووس الي بتفرونها على هالدكاتره الي ما يخافون الله وعلى عملية سخيفه مثل هاي !!

تصدقوا فيها وعطوها الي يحتاجها وجملوا فيها حياة الناس بدال ما تجملون به خشمكم خخخخخ شر البلية ما يضحك

روحي حبيبتي لاي جمعية خيرية اسميج بتفرحين الناس الحين الناس رمضان مساكين افطار صايم وبعدها عييد كم محتاج بيلبس من وراج ويدعيلج

بدال خشمج الي بيدعي عليج

ـ والله ياختي اول شي شكرا على النصيحه بس فيه حالات تتطلب هالشي وافتوا انها ضروريه وهب حرام وشكرا عالاهتمام مره ثانيه

 

[اماراتيه_دبي]

رد : رد: بيفرلي هيلز وتجميل الانف!!!

لوووووووووووووول على قلبي والله

مبارك عليكم الشهر بالاول

انا والله حاطه في بالي اروح هناك اسويها لاني سويتها كذا مره ولا ضبطت الحمدلله خشمي مب مخترب بس ولاكني مسويته

مادري ليش الدكاتره يقصون علي خخخخخخخخخخخ ولا خشمي فيه بلا ؟؟

وللحين قاعده ادور دكتور زين اتمنى اني استفيد من موضوعج

في نفس الوقت بعد حاطه في بالي ايران اشوف البنات وايد يمدحون دكاترتهم بس لحد الحين ماقررت

انا عمليتي كانت شهر واحد فـ بنطر لين اخلص سنه وان شاء الله على بدايه السنه الجايه يكون ربي هداني على الدكتور الزين

دعوووواتكم بنااااااااااااااااات في هالشهر الفضيل الله يحقق لي اللي في بالي


وينولكم اللي في بالكم ان شاء الله

وسلامتكم

هلا والله الشيخه مشكوره فديتج عالرد بس بغيت اعرف عن تجربتج الللي في بيفرلي هيلز وهل كانت ناجحه ولا لا وشو

الدكاتره اللي هناك وليش تبين تسوينها مره ثانيه..... وابا اعرف رايج فالدكاتره الايرانيين وهل تفكرين فيهم ومقتنعه فيهم

ومشكوره فديتج

 

[شنشووونه]

لا انا ماسويتها هناك

افكر اسويها ان شاء الله السنه الجايه

 

[اماراتيه_دبي]

رد : رد: بيفرلي هيلز وتجميل الانف!!!

لا انا ماسويتها هناك

افكر اسويها ان شاء الله السنه الجايه

بالتوفيق انشالله وطمنينا عنج وتقومين بالسلامه يارب

 

[jilnar]

رد: رد : رد: بيفرلي هيلز وتجميل الانف!!!

هلا والله اختي jilnar
والله اختي انا صراحه بحكم تجربتي مانصحج تسيرين لاي دكتور فدبي خاصه كوزمسيرج والدكاتره اللي فيه لانهم حاسين انهم فاهمين كل

شي ومايعطونج فرصه تعبرين رايج والله اني سرتلهم وشفت الدكتور غابرييل صعب اللي فرحانين فيه وانه قالي انتي متاكد انج بتسوين عمليه

قلتله هيه السوال الوحيد اللي سالني اياه شو اللي مايعجبج فخشمج قالي اوكيه انا بسويلج جيه وجيه ويالله يوم تكونين جاهزه خبريني بنسوي

العمله على طول جيه يعني خذوه فغلوه شو هذا وين عايشين حسسني اني داش صيدليه وانصحج تخلين اختياراتج بين ايران وامريكا ومشكوره

على ردج فديتج

هيه أدريبه الي في كوزموسرج .. سرتله وما ارتحت له حتى هونت قلت ما بسوي العمليه خلاص .. بس بعدين دورت ودورت حصلت بروفسر هندي عيادته في jbr the walk .. ودكتور ثاني هندي ..وانا مادري ليش ابا اسوي عند دكتور هندي :wqedqw:

أحس يعرفون حق خشوم العرب :eh_s(10): المهم اني برجع وباخذلي موعد إستشاره عند هالاثنين ويمكن دكتور أحمد غانم بعد .. لاني مابا اسوي العملية برع وارد البلاد واتوهق .. ولا ارد استراليا واتوهق أكثر !! ف بمر على كم دكتور وبشوف

وعلى فكره .. العضوه مهره مدحت دكتور أحمد غانم .. وقلت انا حق خالتي عنه وسارتله قبل اسبوع تقريبا .. وارتاحت له وعمليتها عقب العيد على طول .. وقالتلي سوي عنده قتلها جربي انتي في عمرج اول وبشووف :wqedqw:

 

[اماراتيه_دبي]

رد : بيفرلي هيلز وتجميل الانف!!!

هههههه حلوه هاي جربي فعمرج وبشوف انزين هاي خالتج على طول بعتيها لوووول انزين وين هالدكاتره الهنود خبربني عنهم وين

اماكنهم بالضبط عشان اخذ استشاره ودكتور غانم بعد فديتج

 

[شنشووونه]

اماراتيه_دبي

ايران ولا امريكا خخخخخخخخخخخخ حددي موقفج

لوووووووول انا بسويها بعدج اول بشوف تجربتج

شرايج نروح مع بعض بداية السنه لوووووووووول

 

[اماراتيه_دبي]

رد : بيفرلي هيلز وتجميل الانف!!!

لووووول لا خلاص ايران اقولج ضحكني بروفيسور هندي عندنا فدبي في الممشى اونه مسوي اعلان سوي عمليتيين تجميليتيين

وبنسويلج خصم 10 فالميه حسسني انه فجمعيه ههههههههههه اسمه اشوك اللي تقول عنه الاخت الللي فوق... يالله انا صراحه اجلت قررت اني بسويها فايران اكيد بس بعدني بختار الدكتور العدل خليج وياي وبنختار احسن دكتور وبنسير رباعه

 

[شنشووونه]

خخخخخخخخخخخخخ

زين ومافي غرشة فيمتو بعد مجانا لزوم رمضان هههههههههههههه

انا معاااج لاخر الدرب الله يستر علينا خخخخخخخخخخ

 

[اماراتيه_دبي]

رد : بيفرلي هيلز وتجميل الانف!!!

ههههههههه حلوه غرشه فيمتو لوووول خلاص تم فديتج

 

[عيون السواهي]

حيااااكم بنات الامارات عندنا حيااااكم اللله