بيني وبين الجنون شعره :(

[حلوه بس هبله]

السلام عليكم خواتي

ادري طفشتكم كل يوم والثاني منزله موضوع بس ماعندي غيركم اشكيله :eh_s(22):

بدش بالموضوع على طول
بصراحه انا مشكلتي الكبيره بحياتي هي امي
يعني تصرفاتها معانا احنا عيالها وبالذات معاي
يعني بنات انا اشوف انها تفضل اخواني اكثر مني
مثلا عندي اخو عمره 16 سنه والله يابنات كلمه انه نذل ودعله شوي عليه والله كل صفات الخبث والحقاره فيه

بنات اقسم بالله لمن يتهاوش مع اهلي والله والله يكلمهم بتهديد واسلوبه زي حقين الشوارع ماعنده اسلوب للحوار ومن كم يوم تهاوش مع اخوي الي اكبر منه قسم بالله مد يده على الي اكبر منه اذا انا مد يده علي :rgewrg:
بنات تدرون وين المشكله!؟' المشكله ان اهلي مايعاقبونه
امي ماتعاقبه كلش وان غلط عليها او على ابوي والله مايعتذر
امس انا واخوي الي اكبر منه نتناقش بموضوع اخوي الي عمره 16 سنه اقوله صدقني انه مو طبيعي يمشي من غير عقله

طيب ليه امي ماتعاقبه وليه لمن يغلط مايعتذر لاين كان والله صدقوني ان اهلي هم الي يروحون وراه وطيحون الحطب كانه ماغلط اما انا والله اذل روحي عشان يسامحوني
طيب ليه التفرقه بالمعامله ' انا ادري ان امي تفضل اخواني علي بس مو لهدرجه ان مايتعاقب كلش !!!

وامس امي رايحه البحرين وشاريه شنطه ظهر ماركه اصليه لاحظو انها اصليه عشان منو عشان الكلب هذا ( حشا الي يقرون ) والله لمن نادته تبي توريه الشنطه يقولها هااااه خلااص خلااص بمعنى اسكتو بنات والله مقهووووره من القهر مو عارفه انام ' بسببه انحرمت من كل شي احبه من ظمنهم تلفوني واللاب توب اخخ ياربي

احد مر منكم بالي انا فيه ؟ او احد سمع بهالشي ؟
طيب انا بحكم اني الكبيره شلون اتصرف والله تعبت يا بنات

 

[حلوه بس هبله]

محد رد علي كلش ليه

 

[لمى الهاجري]

خليه بحاله ولا تكلمين معاه حتى انا عندي اخو عود دعله وعم دعله حسبي الله ونعم الوكيل وما يرضون يزوجني مافي اقول غير حسبي الله ونعم الوكيل يالله على الاقل هو اصغر منج انا لاسف محد يوقف معاي ولا حد ياخذ حقي بس شنقول الله كريم

 

[حلوه بس هبله]

ياعمري ماعندنا غير كلمه حسبي الله ونعم الوكيل

 

[ميرآل]

انتي حاولي تكسبينه يعني اجلسي معه سولفي امزحي
اذا رحي السوق خذي له شي واهديه له اطلعو مع بعض استانسو
هو مراهق وشكله حيل عنيد يعني اسلوب التهديد والعقاب مايمشي معه
راح يعاند اكثر
حاولي تكسبينه بالطيب مو بالغصب
هو بعد مو غريب اخوك لحمك ودمك
اتحمليه شوي مرحله مراهقه وتعدي ان شاء الله

 

[متيمة بالشعر]

​

الله يهديـه و يصلح الحآل ...
​

 

[brettey]

اي شي وانتي ساكنه عنه ؟
اصغر منج وتسكتينه والله لو انا اشلخه بعد هذا الي ناقص
ما سكت عن الي اكبر مني عشان اسكت عن الي اصغر مني
وهدديه بالاحداث خل يستسنع قولي له ان مديت ايدك مايردني عنك الا المخفر ولا راح اهتم لكلام امي وابوي

 

[جنون العاطفه]

مدري بس الله يهديه ادعي له ربي يهديه ويصلحه
ممكن بعدين يكون اقرب الناس لك هوو ,,

الله يصلح فيما بينكم ي رب ​

 

[Tom ♥ Jerry]

.


غالبا الاهل يستسلمون حق الي شخصيته متهورة و عصبي
المفروض ما يستكتون عنه و عن تصرفاته
لانه مو لصالحهم اصلا .. الحين اهوة بفتره مراهقه يقدرون يحطون له حدود
و يقولون له Stop بس باجر ليه كبر على هالتمرد
ماراح يحسب حساب لا حق ام و لا ابووو .. و اهمه الي راح يتضررون اولا و اخيرا !
فـ كلش مو لصالحهم يخلونه على هالحال
خل اخوج الكبير يكلم ابوج بخصوصه و ان شاء الله يفهم قصدكم
الله يعينكم يارب

 

[أضعف بطة]

حبيبتي اهو مراهق وهذا حال المراهقين مرد بيعقل ديريبالج تدعين عليه بالعكس ادعيله ان الله يهديه ويصلحه وتحمدي ربج ع النعمة اللي انتي فيها بيكبر ويعقل وبيكون لج عضيد باذن الله كل ماقثج بشي قولي الله يهديك صدقيني مع الايام بيطخ ويهدا وتلقينه راح يحبج ويرتاحلج الله يصلح ويهديه ويهدي جميع المسلمين ويفرج كربتج ويسعدج دنيا واخرة ... اللهم امييين

 

[توته الحـــلوة]

الله يهديه يارب

 

[عتآق الخيل]

تدرين حبيبتي
انه مسكين
لان حالته هذي بتنقلب ضدهـ
الان هو بحـآلة نزوة وباين عليه مايسمع لأحد
لازم تحـآولون يتدخل احد يعزه عم او خال او حتى صديق
الاخ عامل حالهـ فوق العالم بيأثر بكره عليه وممكن على دراسته
ولا تحطين رآسك برآسه انتبهي ولاتحسين بالظلم
مافيه شيء يجلس على وتيره واحده
وبتربية الابناء : لابد تشدين وترخين اللعب معاه
وامك وابوك ممكن مايقدرون يقولون حاجه لانهم خائفين من تهديداته
يبونه مع الوقت يرجع
وادعي له ان الله يصلحه ويهديه .~
​

 

[جيلان الصحرا]

الباب الي يجي من الريح سده واستريح ..

وطنش تعش

يعني لما تفرق امج بينج وبين اخوج اخذي الامر عادي ..والمشاكل اتبعدي عنها

وعيشي حياتك بسعاده .وضعي حاجز امام من لا يحترمك .

 

[شيخه العود]

الله يصلحه صغير بكره يكبر ويعقل ان شاءالله

 

[solitude]

حاولي تقربين منه
احس اسلوبه تاثير ربع سيئين
اجذبيه صوبج حسسيه انه مهم وانه ودج علااقتج ف اخوج تكون احلى وانج محتاجته
ترى الكلمة الطيبه مفعولها قوي
والله يصلحه ويهدي بالج

 

[حـــنــــان]

اخوج عاده ياهل
وانتي كبر ي عقلج

 

[ام محمد النصار]

فتره مراهقه باجر يكبر وكبر عقله عليج بالصبر والاستغفار

 

[تبيني آرضى عليك]

حبيبتي اصبري هو يمر بفترة مرااهقه ومراهقة الولد غير البنيه
الله يعنيج

 

[قلب طفـــله]

عيب تقولين هالكلام عن اخوج مهما سوى يبقى اخوج ولد امج وابوج ادعي ان الله يهديه ! وامج تفضله يمكن لانه اصغر منكم وقاعده تدلعه كل الأمهات جذي

 

[ونـــة خفوووق]

حبيبتي هاااذا حال اغللب المراااهقين