بين دفتي كتاب "9" "ألف شمس مشرقة "للأفغاني خالد حسيني

[نونة حبيبها]

شكلها حلوو
بس ماعتقد موجودة عندنا بالسعودية

 

[آحبه حب هآلكني]

رد : بين دفتي كتاب "9" "ألف شمس مشرقة "للأفغاني خالد حسيني

يعطيج العافيه

 

[رحيل المرافيء]

نونة حبيبها
ليش ؟؟ الا ماتلاقينها هي مترجمة عن دار دال للنشر دوريها
وحياج



احبه
الله يعافيج
شاكرة مرورج

 

[وهج الحب]

السلام:
وانا اقرأ بداية الموضوع قاعدة اقول صج ابي اشتري كتب عن افغانستان وخاصة اني بالمعرض اللي راح شفت كتب بس ما تشجعت لاني قلت عن قهر وعذاب وتاصق بالاوربين لاني كل مذكرات اقراها فيها جذية ..بس من كم يوم اشوف فيلم امريكي وكان البطل يتكلم عن قصة الهمته افغانية ..
لكن يا رحيل وانا اقرا التلخيص قلت حلوووو هذه الرواية اللي باشتريها ..بس بصراحة حسيت بقهر وانا اقرأ من كم القهر اللي تعانية النسوان هناك ولا يوم انها تاكل الحصى ..
ما فيه بصيص امل لهم مساكين ..
تسلمين حبيبتي موضوع حلو ومؤلم لحال المسلمين ..
لاني بصراحة من اللي يخافون ان تصير دولة اسلامية لانهم اكيد اول ما تطيح على راس المراة مسكينة

 

[رحيل المرافيء]

والله شفت صور لافغانستان بالسبعينات شي والله متطورين
والاااان الحال عدم صراحة الله يفرج عنهم
وانا ادور بعد عن كتاب عن افغانستان ماقريت عنها شي
شاكرة مرورج وهوووجة ولاتقاطعين نشتاق لج

 

[هوية غريب]

كتاب ألف شمس مشرقة .. ممنوع في الكويت

سألت عنه مكتبة فيرجن ومكتبة جرير .. وقالولي انه ممنوع في الكويت رغم انه متوفر في جرير السعودية

عموماً .. الله يعز أمازون .. شريته من شهر .. بس خايفة أقراه

شسويت فيني يا خالد حسيني .. ليلحين قلبي يعورني من رواية The Kite Runner

عموماً .. الحلو في مواضيعج رحيل ان نشتاق نرجع لها بين فترة والثانية مهما كانت قديمة

 

[رحيل المرافيء]

جان دورتيها بدار العروبة او الربيعان او ذات السلاسل

 

[هوية غريب]

اي والله ما دورتها هناك لأن البياع اللي بجرير طلعلي لستة وقاللي هالرواية ممنوعة في الكويت
حتى هو اللي قال انها موجودة بجرير السعودية

 

[نجمة الروح]

مشكووووووووووورة ربي يعطيك العافية

 

[بنوتة طموحة]

رحيل ...انتي مبدعة

 

[ScarletteO'Hara]

شكو ممنوعة من الكويت و انا اساسا شاريتها من جرير؟؟؟
رواية تهبل مع اني افضل The Kite Runner عليها
كرهت وضع المرأة عندهم شلون مظلومة
و هالكتابين علموني اشياء وايد عن افغانستان ما كنت اعرفها من قبل
رحيل قريتيه؟؟؟؟
اذا لأ و الله جد انصحج فيه

 

[هوية غريب]

سكارليت انتي شاريتها قبل المنع
انا الريال الهندي اللي بجرير قاللي قبل كنا نبيعها لكنهم منعوها قبل فترة .. وطلعلي لستة وقاللي هذي لستة الكتب الممنوعة مؤخراً
حتى هو مستغرب ويتحلطم .. يقوللي شلون يمنعونها مافيها شي يستحق المنع
وقال عادي ان يحصل عندنا في الكويت ان الكتب تنمنع من وجهة نظر واحد .. قراها شاف من وجهة نظره فيها شي أمر بالمنع .. يعني مو لجنة تقرا وتوصي ..

 

[ScarletteO'Hara]

^^^^
صدمتيني الصراحة شنو فيها عشان تنمنع؟؟
ما حسيت فيها شي
و صاجة انا مو توني ماخذتها من زمان
ما عندهم سالفة الصراحة القصة تينن حرام يمنعون الناس من قراءتها