بيوت الحكومه سعد العبدالله

[أحلام العمر]

ابي منو شافها وشرايكم فيها اللي يعرف بالله يرد

 

[q8_hala]

بما اني بالجهراء كل يوم امر عليها اذا رحت الدوام لانها تطل على الخط السريع
ولي الحين ما خلصت..بس اللي اشوفه انها 3 ادوار صراحه مستغربه انا قلت يمكن قسايم بس بنيانها عادي عشان جذي قلت اكيد بيوت حكومه
وراح اجيك عليها المره الجايه ان شاء الله
وبصراحه موقعها حلو قريب من الخط السريع يعني بسرعه توصلين الديره
اذا بيطلع لج بيت هناك وما اعجبج انا اشتريه منج لا تزعلين

 

[أحلام العمر]

للرفع

 

[نوووووسه]

انا رحت وشفت البيوت من بره تصاميمها حلوه تقريبا نفس تصاميم بيوت منازل وغيرها
وهم 6تصاميم تقريبا والوانهم مختلفه والارتداد جدامهم كبير ودخلت كذا بيت وشفتهم من داخل
الدوانيه حلوه وكبيره اما الصاله شوي اصغيره وفي غرفه لستخدامات اخرى والمطبخ كبير وحلوى وفيه غرفه كيل كبيره وحوش واسع
وطبعا كله سراميك والدرج رخام ومسكته حلوه
وغرفة سائق وحمامها في الحوش والدور الاول من 4 غرف موكبيره والصاله حلوه ومطبخ تحضير صغير وبلكونه والسطح غرفة خدامه وغرفة غسيل كبيره والسطح زين

 

[الهاجريه]

انا شفتهم بس بصراحه لاني ساكنه سلوي حسيت انهم بعاد
وانا خفت منهم لانهم قراب من المفبره بس شكلهم لا باس فيه

 

[اليتيمهـ]

اي مقبره اختي


صراحه عجبني اكثر شي الدور الثاني تقريبااا مقارب لبيوت النسيم
اربع غرف ومطبخ تحضيري وتكرمين حمامين


والدور الاول صراحه مو ذاااك الزود غرفتين ومطبخ وداخله مخزن

غرفه السايق بالحوش الجانبي بس دخلته وطلعته من الحوش وانا ما حبيت جذي ودج السايق معزول عن البيت


بعظهم حوشهم حلووو والبعض صراحه مهضوم
ارتدادهم روعه بره ماخذين حقهم وزياااده

 

[رنيـم]

انا شفت البيوت صراحه حلوه واحلى شيء انها ما تتشابه ( علشان ماتضيعين بين بيتج وبيت جيرانج لووول )
وصراحه ما شفت غرفة سايق اللي تقولون عنها ؟ يمكن النماذج اللي دخلتها ما فيها غرفة سايق !!

 

[ام ديما]

انزين ماتدرون فيها تكيييف سنترال او لا؟

 

[رنيـم]

لا ما فيها بس احنا نركب فيها لأن مافيها فتحات مكيف

 

[ام ديما]

هلا والله رنيم

حسافة عاد انا سامعة ان فيها سنترال




الله يجعلها منزل مبروك

 

[ام ديما]

المصدر جريدة النهار
6-1-2008

من جهة اخرى، ذكر الوزير العوضي ان الدولة ستشرع في تطبيق خدمة حيوية جديدة في مشاريعها الاسكانية المقبلة من شأنها ان تغني المواطنين عن الحاجة الى شراء وحدات التكييف المركزي والصيانة وقال ان المشاريع الجديدة ستوفر لها وحدات تكييف مركزي كبيرة تتولى تزويد القسائم بكل احتياجاتها عن طريق تمديد خطوط الى كل بيت وهو تطور يمكن ان يقلل من استهلاك الطاقة الكهربائية التي تستهلك الان في تشغيل معدات التكييف الى النصف. واوضح ان مواطني كل قطعة او قاطع سكني او مجموعة ستجمعها مثل هذه الخدمة سيكونون مسؤولين عن هذه الخدمة التي ستقل تكاليفها الى الربع ما لم يكن أكثر. مشيرا الى ان هذه الخدمة مطبقة في الاحمدي منذ اربعين عاما وهي موجودة في نظم المستشفيات القديمة وتشكل نظاما عصريا يختلف تماما عما ورد في تصورات لدى البعض ممن لم يطلعوا على كامل التفاصيل ولهم العذر في تسرعهم بابداء الملاحظات.

 

[رنيـم]

الله يبارك فيج ام ديما

احنا حاشنا الدور بالبيوت الجاهزه واحنا صراحه مو راغبين المنطقه لأنها بعيده من منطقة اهلنا
فنبي نبدلها مع بيت بالمنطقه العاشره او طلب ,,,, والله يوفق يارب

 

[hnooy]

واللة انا ودي بيت باي مكان لو بالمريخ لان انا من النوع اللي كل جم شهر اغير ومنو مستفيد غير العمارة اللي ساكنة انا فيها

 

[sulafa]

انا شفتها من بره بس صراحه حلوه واشكال والوان وقالو في 6 تصاميم غير
هذا غير ان كل مادشين داخل الفريج يزيد الارتداد


وعلى قوله اختي hnooy انا ابي البيت وين ماكان لان السكن بالعماره لوعت جبودنا

 

[ام ديما]

الله يرزقنا ويوسع علينا يارب

 

[ام ديما]

خواتي في احد استلم بيتة من دفعة 11-5


تقولنا عن البيوت

 

[رنيـم]

حبيبتي ام ديما
هذا رابط موضوع ثاني عن بيوت سعد العبدالله وانا والبنات حطينا صور البيوت من برا ومن داخل
وان شاءالله يفيدك

http://www.q8yat.net/showthread.php?t=351168