بي فندق ياخبيرات ميونخ ساعدوني

[عيد الفرح]

بنات انا قررت اروح ميونخ وهذي اول مره لي
ابيكم ترشحولي فندق موقعه قريب جدا من شارع المطاعم والقهاوي والاسواق اعتقد اسمه مارينزبلاتس اذا مو غلطانه
شلون هالشارع يسوى احجز فيه لان بالليل الوقت ميت قلت نقعد بالقهاوي
المكتب السياحي رشحلنا المريديان والشيراتون
ووحده من اهلي رشحتلي فندق هوليدي ان وميركوري
قلت افضل شي اسال بنات المندى اغلبهم خبره بميونخ وبيساعدوني
عفيه بنات ردو علي بسسسسسسسسسسسرعه عشان احجز
ناطرتكم

 

[عيد الفرح]

ياحسرتي كل هالمواضيع عن ميونخ ولا وحده ردت علي
ليييييييييييييييييييييييييييييييييييييييييييييش

 

[أحلى^حياه]

انا حاجزة بهوليدان ميونخ سيتي سنتر
الكل يمدحه

 

[jomana]

هلا حبيبتي انا رايحه ميونخ وايد وصج حلاته تاخذين فندق قريب هوليديان بعييد
انا انصحج بمريديان بالسنتر ويم المطاعم والقهاوي والسوق وهو حلو او جباله السوفيتال هم حلو و كمبنسكي واييد حلو
بس ميركري لا مانصحج فيه

 

[الشيهانة]

السوفتيل رووعه
عند محطه القطار .. يعنى لو احتجتى اى شى بالليل وكل شى مسكر المحطه بقالتها ماتسكر.... وخمس دقايق مشى عن المارين بلاتز

 

[سهارا]

انا حاليا بميونخ وبالمريديان\

ابصراحه يهبببببببببببل وجدام المحطه وقريب من السوق

وريوقهم عجيب ونظيف وذرب

انصحج فيه والميركووري يلوووووووع الجبد مانصحج فيه

مراسلتكم من المانيا سهارا

ورايحه باريس الاحد ان شاء الله

 

[Oba3deen]

الكمبنسكي بيطلعج على السوق دايركت

حلو و راقي

 

[عيد الفرح]

فديتكم بنات ماقصرتوا يعني احجز مريديان انشاء الله
ماقصرتوا حبيباتي
انزين شنو احلى الاماكن برى ميونخ غير قارمش وزلمسي وسلزبورغ والليقو
اختي عطتني اكثر من قريه وسطرة شلالات ومنتجعات بس انا بعرف احسن شي منهم اللي ونيسه
ساعدوني

 

[معلمة انجليزي]

المريديان بينة و بين شارع المارين بلاتز مشي خمس دقايق بس انا ما حبيته مع ان مطعم الفندق كان فيه ليلتين بالاسبوع اكل عربي
اما الهوليدي ان لازم تركبين السب بان الى السوق و دقيقتين الا انتي بنص السوق مو نفس المريديان يخيب تعبك و انتي نا خلصتي السوق و الرجعة كابوس و الهويلدي ان مع ان غرفته اصغر الا انهم يسمحون لك تصعدين ريوق من البوفيه حق عيالك اذا نايمين و تحته مطعم السب وي و جمعية قمة و فيها كل شي انا انصح بالهوليدي ان