بَنَات فِيْه وَحْدَه صَار مَعَاهَا الطَقْطِقِه بِالْفَك و تَعَالَجْت مِن هَشِي .؟؟

[رُۈحَ ۈ رْيحَآن]

بَنَات فِيْه وَحْدَه صَار مَعَاهَا الطَقْطِقِه بِالْفَك و تَعَالَجْت مِن هَشِي وَلَا لَا


و اذَا تَعَالَجْت شَلُّون و شِنُو سَوَّت

وَجَزَاكُم الْلَّه خَيْر
​

 

[أميرة-]

اخوي جذي فيه مادري شلون بس مرات لما يفج حلجه او ياكل او يتثاوب يعلق فكه استغفر الله مادري شلون

قالوا له جراحة بس اهو مو راضي

 

[~Princess~]

كان فيني وراح الحمدلله ..

بس للأمانه مادري شلون راح ..

- كنت احط فوطه مبلله بماي حار على فكي وادلك تريحني وايد هالشغله
- بعدين اسوي تمارين للفك طلعتها من الانترنت ..

وخف الصوت والألم وايد...

بس مره خذيت مضاد حيوي (حق مشكله بالأذن) وماشالله بعدها تعالجت من مشكلة الفك مادري يمكن صدفه؟؟

 

[~Princess~]

أميره قالو لي جراحه وقالو لي تقويم وقالو لي شيلي ضرس العقل كله خرابيط الحمدلله قدرت اعالج بتمارين وكمادات كان يعورني وما اقدر افتح حلجي الا شوي

اكتبوا بالقوقل او باليوتيوب tmj exercises

 

[!الجادل الصعب!]

مرآت تحوشني هالطقطقه ..!
اعتقد نقص كآلسيوم ..
علآجي .. زيت زيتون ادفيه وادلك شوي منطقه الفك من ورآ مكآن الطقطقه ..
وتخف ..

 

[رجــــه بـس رزه]

انا كان فيني وراح بس احس وجهي مو متساوي نفس قبل !!!

 

[{ شيوخهـ ~]

آنآ آلفك عندي وآيد يطقطق وسسآعآت آحسسه يعلق *لكن مآ يآثر على ششكلي آلخآرجي* بس يآذيني وآآآآيد وآآآيد..
وليلحين مآتعآلجت للآسسف.. ​

 

[رُۈحَ ۈ رْيحَآن]

مشكووووورين بنات وجزااكم الله خير والله يشافيكم ويبعد عنكم جميع الامراض وعسى ربي يوفقكم

 

[فاهييه]

انا تحوشني وتستمر ساعات وتروح بروحها / و ترجع بعد فتره ترد
ماادري شنو السبب او شنو العلاج ؟

 

[! هُوْ وِينِه !]

أنآ بعد تصير معآي وقآلوآ لي جرآحه بس طنشت
والحمدلله آللحين بس تصير معآي مرآت

 

[rosesseller]

انا جاتني الطقطقة من فترة وراجعت عند دكتور بخصوص هالشي

سوالي اشعة وكل شي لأنه خاف انه يكون في تآكل بس طلع الحمدلله مافي شي

بس قال الدكتور هذه الطقطقة حصلت يمكن بعد مالخلعت ضرس وحصل عندي عدم توازن في الفم فحولني عند دكتور ثاني عشان يسوولي جهاز يوازن الجهتين عندي بالفم


ورحت للدكتور الثاني و رَكّبلي الجهاز وقالي هذه تحطيها قبل تنامي ... بس والله تضايق وماتقدري تتلكمي وضاعت واهملتها صراحة ... رجعت مره ثانية للدكتور الاول قالي خلاص مولازم تحطيها مره ثانيه

قال عادي كثير ناس تجيهم هذه الطقطقة ويتعودو عليها مع الزمن

عموما انا ماكنت مهتمه لموضوع الطقطقة هذا بس لأني كنت بسوي تقويم فقالي دكتور التقويم مااسويلك الا لما تشوفي الطقطقة هذه حيأثر عليها التقويم ولالا

والحمدلله الآن انا مركبة التقويم

 

[Ice Princess]

عندي اياها بس خفيفه وتصير بس ليمن اتثاوب اكثر

وقالي قبل الدكتور نسوي لج اياها

امي وابوي ما رضوا واللحين توني اكتشف ان حتى واحد من خواني فيه نفس الشي

وما صار فينا الا بعد ما خلعت ضرس مثل ما قالة اختي روس