بچريه وماعرف شنو سبب المغص ساعدوووووني بليز

[أميـ الورد ـرة]

السلام عليكم ورحمة الله وبركاته

شششلونكم ي حلوين شخباركم

حبايبي انا هالاسبوع حللت وطلعت حامل ولله الحمد وانا بچريه وماعرف شي عن الحمال ابدا
اتوقع لي اسبوعين من حمالي وكان موعد دورتي السبت اللي طاف تاريخ 6-10
والاثنين حللت

بس المغوصه ليما الحينها موجوده احس كان الدوره بتجي

عادي هالشعور او لا
وليمتى بيتم المغص ملازمني

وجزاكم الله خير كل من ترد علي

وعسى الله يرزقنا وكل محرومه بالذريه الصالحه امين
ويسهل علينا الحمال والولاده يا رب

 

[غلاي انا]

ألف مبرؤووك حبيبتي

وعسئ ربي يثبته وتقر عينج فيه يأرب


أيٌ حبيبتي عادي المغص بَـس ديري بالج على نفسج وريحي نفسج عدل

ؤالمغص كلها يومين ويرؤوح عأااادي

 

[أميـ الورد ـرة]

الله يبارك فيج يالغلا
مشكوره عالدعوه الطيبه
وعسى الله يسهل عليج ولادتج ويجعله من الذريه الصالحه امين

راحه ماضنتي برتاح الكل يقوولي ريحي نفسج
بس وراي مراجعات وزاره والعصر مدرسه وشغل ببيتي بكم اني بروحي وماعندي خدامه
الله يعين ويثبته ويحميه امين

مشكوره حبوبه*

 

[خوخه.22]

الف مبروووك حبيبتي ربي يثبته لج وتشوفينه بحضنج وبخص وص المغص ماعندي فكره والله

 

[أميـ الورد ـرة]

الله يبارك فيج ي الغلا
ومشكوره عالدعوه الطيبه ولكم بالمثل يا رب
والله يسهل عليج الولاده ويجعله من الذريه الصالحه امين

 

[روحي محمد]

مبروك الحمل وربي يثبته لج وتشوفين الياهل بعد 9 شهور ان شاءالله بحضنج
بالنسبه للمغص اذا جنه مغص الدورة ع خفيف عادي واصلا كل شهر بتاريخ الدورة راح يجيج نفس المغص
لان المبيض متعود ع الفتره هذي فترة تبويض
لاتخافين من شغل البيت والمشي بس اهم شي لاتشيلين ثقيل ومتى مافضيتي من الشغل نامي ع ظهرج ورفعي ريولج ريحي

 

[مناوووي]

الله يتمم عليج
العوار عادي
سوي تحليل هرموني عشام اتطمنين علي النسبه انها تزيد ماتقل
والله يعينج عالحركه حاولي تريحين فالبدايه بس

 

[اخت خالتهم]

ربي يتمم عليج


و ديري بالج على نفسج ولا تشربين شي حار

 

[أنفاسي دخون]

الله يتمم عليش واهم شي الراااااااااااااااحه التاااااااااامه لين تسمعين النبض

 

[زمردة مشعة]

ربي يتمم عليج يا رب .

 

[mi corazon]

مبروك أختي

انتبهي على روحج وسوي تحليل هرمون الحمل كل اسبوع علشان تتابعيين حالة الحمل

والألم عادي .. كل موعد دورة راح تعورج بطنج سبحان الله

اهم شي لا تنسين الدعاء لج والبيبي وأبوه والصدقه

الله يتمم لج بخير وعافيه

 

[Flower20]

الله يتمم علي عادي انا استمر معاي لبعد موعد الدورة باسبوع يمكن بعدين راح
بس الاحسن تروحين للدكتورة وتاخذين مثبتات لانج تقولين شغلج متعب

 

[~رحيل~]

الف مبرووووك والله يتمم لج يا رب

 

[ملاك ^ الحب]

كل شهر راح تحسين بعوار الدوره

ويمكن اكثر من مره بالشهر عادي بس اذا عوار ما تستحملينه تروحين الطبيب

والله يتمم عليج

 

[أميـ الورد ـرة]

فديتكم خواتي
الله يبارك فيكم ويتمم علينا كلنا ويسهل حمالنا وولادتنا يا رب
مشكوراات يالغوالي ماقصرتوا والله يعين ويسهل الامور يا رب
الحمدلله طمنتوني لاني كنت احاتي والله

 

[مشتطـه]

انا كان يجيني الم واذكر راجعت حتى البيبي نتفه كلش مايبين ولا اكو نبض توني بالاسبوع الخامس

خفت بما اني بجر وطرت عالسلام
بس ماذكر اذا الالم مثل الدورة او غير
بس كان مغص

 

[امـ خــزامـى]

مبروك حبيبتي عسى ربي يثبته ويتمم عليك
ويفرح قلبك بشوفته بحضنك سليم ومعافا

عادي حبيبتي المغص طبيعي انت ببداية حملك

الاشياء اللي ابتعدي عنها لاتشيلين اي شي ثقيل
ولاتشتغلين شغل شاق ومتعب
اما المشي عادي
اهم شي ترتاحين بين فتره وفتره

ابتعدي عن الزنجبيل والاناناس والقرفه

والبنات مايقصرون اي شي تبين تعرفينه بتلقينه بهالقسم

 

[أميـ الورد ـرة]

مشتطه مشكوره ع ردج وتطمينج لي

ام خزامى
الله يبارك فيج وبذريتج امين
مشكوره خيتي عالنصايح لاخلا ولاعدم جزاج الله خير