تأثيث المطبخ ومستلزماتها في الشقة

[ترتر وزري]

مرحبا بنات

اسمحولي ماني عارفه وين احط الموضوع بالضبط هل احطه هنيه او في مطبخ كويتيات

انا الحين رايحة شقه جديدة وانا عروس جديدة
وزوجي قالي خليت المطبخ عليج

وتوهقت .. شحط شسوي

اسالكم يا بنات اذا تقدرون تفيدوني

شنو اللي اشتريه والمطلوب كبدايه وايضا لما ييون يزوروني اهلي وحمولتي وصديقاتي

اهم شي ابي احط الضروريات من الي

ثم بعدين لما اسكن واتم فتره يبين عندي شوي شوي شنو اللي احتاجة كإضافات

وجزاكن الله خيرا

 

[ღ Prettyღ♥ღWoman ღ]

اول شي مبروكيين والله يتمم عليكم ويهنيكم
وبالنسبه لموضوعج سووري ما عندي خبره بهالاشياء
بس اعتقد انه اهم شي تشترين اشياء التقديم للضيوف مثل دلة القهوه والجاي والفناجيل والاستكانات وقلاصات للعصير وجذي

وانشالله البنات يفيدونج اكثر وسوري ع القصوور:eh_s(17): :eh_s(17):​

 

[QUMAR]

الله يبارك لج حبيبتي ويسعدج
روحي الشلاحي بمجمع الأوقاف حق القلاصات وأستكانات الجاي وفناجيل القهوه والصواني الكشخه وقند الشكر
وA2z حق أطقم الصحون والقفاش والسجاجين والقلاصات العمليه بس روعه وصواني يعني فناتق
والله يوفقج

 

[bnt_kwt]

بالبدايه اشتري لج طقم مطارات واستكانات وفناجيل القهوه مع صينيه حق الضيوف
وقلاصات طقم حق العصير والماي وبوادي حق المكسرات حق الضيوف بعد واخذي من كل شي درزن مع صوانيهم يعني اكيد مع المطارات اكو صينيه
واخذي طقم ثاني صواني حق الماي والعصير حق الضيوف
انيي حق الاشياء الاساسيه اللي تحتاجينها بمطبخج تبين لج 3 او 4 جدور مقاسات مختلفه وتبين لج مقلتين وحده كبيره والثانيه وسط وتبين لج طقم صحون للاكل مع البوادي مالوتهم وكل هالاشياء تلقينهم بايكيا
ويبيلج قلاصات عاديه للشرب حقكم للاستعمال اليومي واكواب حق الحليب والنسكافيه وهالسوالف وقفاش صغار وكبار وشواك صغار وكبار وسجاجين
يبيلج القطعه مالت تقطيع الخضار البيضه اذا تعرفينها يبيلج عصاره ليمون يبيلج ملاس واقفاش كبار حق المقالي وشي حق المروقات ويبيلج باديتين حق السلطات والشوربات يبيلج هاون حق الثوم او اللي تهريسين فيه الثوم
ويبيلج مشخال وسط حق العيش او المعكرونه
وبعد يبيلج صواني للاستعمال اليومي
ويبيلج سخان ماي وغوري استيل حق الماي ويبيلج توستر وشوايه وخلاط كيك وخلاط عصير

وانا انصحج بايكيا وسوق المعلم اللي بحولي الصراحه كل عله تلقينها اهناك
وانصحج بالجدور الستانلس ستيل احسن من المعدن

وبالتوفيق يارب والف مبروك

وملاحظه انتي تلقائي بعدين كل ما رحتي السوق وشفتي شي يديد راح تاخذينه وسألي مجرب

 

[bnt_kwt]

اي صج نسيت اقولج حبيبتي اخذي امج او اختج الكبيره معاج واهما راح يفيدونج بكل شي

 

[فن وذوق]

مبروووووك عالزواج والله يتمم عليكم
وبالنسبة للمطبخ فأنا بقولج عن تجربتي
شوفي حبيبتي اول شي خذيت طقم كامل من صحون من 3 احجام ومعاه اكواب الشاي وعده الملح والفلفل والحليب يعني الطقم فيه اشياء وايد للأستعمال اليومي من لاند مارك عنده اطقم حلوه وراقيه واسعارها زينه ورخيصه وهم بعد خذيت منهم طقم قفاش وشوك وسجاجين وبصراحه عجيبين يلمعون والمتيريال وايد حلو

ورحت ايكيا وشريت منه جدور ومقالي ام 3 احجام وهذوله كفايه في البداية
وهم خذيت منهم القاعده مالت تقطيع الخضار واللحم ( ما اعرف اسمها والله ) واخذي منهم ثلاث وحده حق الخضار بس ووحده حق اللحوم ووحده حق الفطاير
وخذيت قلاصات حق الاستعمال اليومي وطقم النجابات الكبار
وبعدين رحت حق الشلاحي وشريت منه اطقم الاستكانات الفناييل وقلاصات التقديم للعصير والماي وماعون السكر وصواني حلوه حق الاستكانات وحق القلاصات .
ورحت بعد حق فياصل حق المطاطير
وبعد رحت حق المعلم والمحاميد حق المواعين الكبيرة مثل القناج وماعون الكيك والكب كيك بس لا تكثرين منهم لأنج بعدين بتعرفين شنو تحتاجين وتاخذين حسب حاجتج .. وهم بعد خذيت نجابات التقديم الصغار وصواني الاستعمال اليومي .

طبعا مو تنسين الاشياء الصغيره مثل المبشارة والمفجاجه وقطاعه البيض والسجاجين الحاده مو اللي تيي مع الاطقم

هذا اللي اذكره بس نصيحه روحي اول حق المحلات الشعبيه وبعدين المحلات الكبيرة لأن ساعات تحصلين اشياء وايد حلوه ورخيصه عندهم وهم ساعات تلاقين هالاشياء موجوده نفسها وغاليه في المحلات الكبيرة.

 

[New Mum]

بس بغيت اقولج نصيحه لا تكودين اطقم وايد لانج اولا بشقه صغيره و يبلج مكان كبير للتخزين و ثانيا بتملين منهم .. اخديلج ست للضيوف و ست للاستعمال اليومي فقط و تالي لا مليتو غيرو
و مبروك و عسى الله يتمم عليكم

 

[حصة]

شكراً لكي اختي الكريمه على هذا المشاركة

 

[ترتر وزري]

ويه يا عسا كل ايامكم خير وسعاده وهنا

بديت استوعب شوي شنو اللي ابي وما ابيه

والله احس بلويه وراسي يفتر من الفرارة

مشكلة زوجي انه يبي كل شي ابيض في ابيض الصحون الاكواب الباديات الخ الخ ..

وانا تشتت مخي .. وكثر ما اشتري واقط بالمطبخ ما يبين

ومطبخي مطابخ الشقق . جدا صغير حجم الكبت ومحدوده مساحته

فالحين تقريبا خلصت باجي جم شغله
بس هم احس مخي متخبط ومشوشة

ان شاء الله سهالاات وتسلمون ما تقصرون جميعا عالرد

 

[طرقية]

شوفي الاغراض اللي غي مطبخ اهلج واكتبي قائمة فيها
اما من وين والالوان فعلى ذوقج

 

[Brounzi_girlly]

آنا انصحج تشترين من ايكيا وسنتر بوينت شغلاتهم حلوة ومرتبة والله يوفقج
مع تحياااااااااااتي.........​

 

[Brounzi_girlly]

آنا انصحج تشترين من ايكيا وسنتر بوينت شغلاتهم حلوة ومرتبة والله يوفقج
مع تحياااااااااااتي.........​

 

[طرقية]

احسن المواعين تلقينها في
مركز سلطان الجملة
سيتي سنتر السالمية والشيوخ
الاسواق الشعبية المعلم والامتياز وغيرهم

 

[Berlant]

تشترين من ايكيا : قاعده خشب لتقطيع الخصار ترى كد و مد و اشتري منهم طقم القفاش و السكاكين و الشوك و القفاش الصغار حلوين و رخاص و اخذي منهم درزن قلاصان الماي هم حلوين و رخاص و عندهم شغله حلوة تبروير بلاستيك و لها غطا ثاني حديد حق بشر الجبن و الخضره وايد حلو و الاثنين بدينار عندهم شغله حللللللللللللللللللوة الا و هي علاق حديد بالعرض يتعلق بالمطبخ بالطوفه اللي ورى الكاونتر مال الكبتات و معاها علاليق حق تقليق الفوط او القفاش او اداوات الطلخ من ملاس و غيره اذا رحتي راح تشوفين شغلات وايد تفيدج و رخيصة

من رامز : صواني كبار ثنتين و ثنتين صغار حق الماي اخذي طقم و اشتري منهم سلال بلاستيك حق غسل الخضرة و اخذي منهم مشاخيل حجمين و عندهم مثل عليه خشب مصفوف فيها علي قراش صغار حق البهار

جمعيه الفيحاء : ماتخلا من اطقم الاستكانات و الفناجين و المطاطير

بالتوفيق حبيبتي و الف مبروك

 

[طماشه]

روحي رامز ولا تخلين شئ الا واخذيه لوووووووول


ايونس حق البيت وخاصه المطبخ

البايركسات + حوافظ الاكل شكلها اذرب حق الثلاجه + مقات + سلال الفواكه والخضره + مواد التنظيف + تبوب الماي والمخام ايهبلووون

والموضووع واايد حلو والكل بيستفيد منه واولهم انا