تأثيث و لا سفر ؟؟؟

[Dalal85]

السلام عليكم

انا وحدة محتاااااااااااره ،،،، اول زواجي كنت اشتغل و كنت متعوده اسافر مع زوجي بالسنة اكثر من مره :/ بس بعدين قدمت استقالتي لاسباب قهرية على قولتهم و هم زوجي كان موافقني لانه دوامي طويل و متعب ، و احنا كنا ساكنين ابيت حمولتي بس صارتلنا مشاكل معاهم و "طلعونا" لووول ،، المهم سكنت بشقه و انا ما اشتغل و على معاش زوجي ليلحين بس ناطرة الوظيفه ،، شقتي فااااااظية لاني لمن كنت ابيت حمولتي قاعده بغرفه و حمامها تكرمون يعني ما عندي شي يترس الشقه ،،، عاد انا شريت قنفة و طاولة قهوة بس و المطبخ حطيت فيه الاساسيات من غير كبتات مطبخ اللهم الكبت اللي شريته صغير للاشياء اللي تحتاج مكان مسكر و تخزين ، الحين صارلي مدة ماسكة نفسي بالمصروف و الحمدالله يبقى من معاشه مبلغ وااايد زين و انا نوعي ما اطلع من البيت كللللللش بس حق اهلي ...
عاد النفسية الحين تعبت ،، الميزانية صارت عالقد و الشقه ممله ماكو روح فاظية ودي اعزف فيها بس تفشل شوي ،، و هم صارلي سنة مو مسافره !!! و الشقه بقعد فيها مؤقت يعني 6 اشهر تقريبا ،،السؤاااااااال .....

ايمع حق السفر ولا ااثث الشقه الفاضية ؟؟

 

[أغلى حبيبه]

رد : تأثيث و لا سفر ؟؟؟

اذا مؤقت لا تفرشينها حسافه بعدين وين اتودين الاثاث

يمعي حق سفرتج واستانسي

 

[لـولـو الحلوه]

انا مع اختي اغلى حبيبه بالراي ..

 

[ام الدرر]

مؤقت يعني بتنقلون شقة ولا بيت
ولا بتسافرون مدة طويله يعتمد ياقلبي
اذابتنقلون شقة ثانية اوبيت تبين اثاث يعني لازم المبلغ توفرينه للمكان اللي بتنتقلون له

 

[Dalal85]

لا مؤقت يعني بننتقل لبيت ،، البيت فلوس اثاثه حزتها بتكون متوفره ما راح احاتي تاثيث البيت ،، انا بس الحين مكاني يضيق الخلق ( يعني ودي اصبغ و ارتب ... و السفر راح يكون عشرة ايام او اسبوعين بالكثير ،، يعني نفس فلوس السفره هم اقدر ااثث الشقه ،، انا بين هالاثنين :/

 

[Miss Cherry]

والله مادري اذا بتنزلون بيت جديد خلي الفلوس لتأثنيث البيت أحسن

 

[كلنا عشاق لكن]

رد : تأثيث و لا سفر ؟؟؟

إختاري السفرة
لأنها بتضيع الوقت عن الشقة وبعدها بتسكنون
​

 

[انا مو هني]

رد : تأثيث و لا سفر ؟؟؟

مكانج احسن والله حلاته البيت يشرح النفس
اخذي اثاث مو لازم غالي
بس خل يكون كل شي عندج
وهمن تقدرين تشترين اثاث كشخا وتاخذينه معاج بيتج اليديد
انتي فكري وراح تحسين بمسوليه بيتج لان انا اشوفه اهم من السفرا لاحقه عليها

 

[^kloOot^]

ماااااااااااااااااااا يبيله سؤال


تشترين اثاث ليش وانتى بتطلعين بشقه وكلها 6 شهور حرررررررررررام الصبغ والامور بروحها تكلف وغير كبتتات المطبخ واخرها بتبيعين هالاثاث وتبين اشياء حق بيتج اليديد


انا اقول لا سفره ولا شقه

خشيهم حق البيت احسن ماتدرين يمكن تحتاجينهم

 

[ام حماده2010]

رد : تأثيث و لا سفر ؟؟؟

الشقه اهم

 

[كويتية صغيرة]

رد : تأثيث و لا سفر ؟؟؟

مدام الوضع المادي صعب
مولازم سفر
الانسان ماراح يموت اذا ماسافر

خصوصا ان وراكم بيت ....و الحال عل القد
وفري فلوسك لشي اهم من هذا كله

وفري حق البيت
واذا الفلوس موجودة وفري حق نفسك وللزمن لاتخلين نفسك ابدا على الحديدة لان الانسان مايدري شنو الظروف
اعرف ناس
متعودين كل سنة يسافرون من ديرة لديرة

شرو بيت
ومن لحظتها يمكن صارلهم 5 سنوات ماسافروا
يوفرون لتأثيث البيت (يبي ميزلنية)
و اثثو بيتهم من احسن مايمكن و شرو كل اللي بخاطرهم للبيت

 

[lolwah]

ماااااااااااااااااااا يبيله سؤال


تشترين اثاث ليش وانتى بتطلعين بشقه وكلها 6 شهور حرررررررررررام الصبغ والامور بروحها تكلف وغير كبتتات المطبخ واخرها بتبيعين هالاثاث وتبين اشياء حق بيتج اليديد


انا اقول لا سفره ولا شقه

خشيهم حق البيت احسن ماتدرين يمكن تحتاجينهم

انا معاها تفكير سليم

واذا بخاطرج تسافرين شوفي عروض السقريات عروضهم حلوه حق دبي روحي غيري جو بو ثلاث ايام

 

[برد ابو الذهب]

اب اب

 

[حمووو]

رد : رد: تأثيث و لا سفر ؟؟؟

ماااااااااااااااااااا يبيله سؤال


تشترين اثاث ليش وانتى بتطلعين بشقه وكلها 6 شهور حرررررررررررام الصبغ والامور بروحها تكلف وغير كبتتات المطبخ واخرها بتبيعين هالاثاث وتبين اشياء حق بيتج اليديد


انا اقول لا سفره ولا شقه

خشيهم حق البيت احسن ماتدرين يمكن تحتاجينهم

نفس الكلام علشان على الاقل تشترين اواني منزليه كشخه ولا مفرش غالي لاحقه على السفر