تأجيل قرار فصل الطالب عن ولي أمره

[soso jordan]

صباحو بنات مبرووووووووووووك لأولياء الأمور تم تأجيل قرار فصل الطالب عن ولي امره للمرحلة الابتدائية والمتوسطة للسنة القادمة وسيتم تطبيق القرار هذه السنة فقط على المرحلة الثانوية :eh_s(17):

 

[*مطبخ الذواقة*]

جذي صح
مشكورة على الخبر

 

[soso jordan]

جذي صح
مشكورة على الخبر

هلا حبيبتي واللي استانست على الخبر عشان عيالها تدعيلي الله يسهل علي زواجي ويهديني انا وزوجي

 

[soso jordan]

كل هالمشاهدات ولااااااااااااااااااااااااااااااااا رد معقولة

 

[ماما فله]

بصراحه مادري ليش كبروا الموضوع
احتجاجهم هذا دليل على ان الطلاب مستفيدين من وجود امهاتهم او ابائهم معاهم بالمدرسه
يعني بالعربي قاعدين يتوسطولهم وينجحونهم بالمدرسه
ولا ليش كل هذا​

 

[soso jordan]

والله يا ماما مادري لكن صديقتي استانست لانها احتاست وين بتودي بنتها ومنو بيوصلها وتاخير التوصيل والزحمة لكن الباقي الله اعلم

 

[PuPa^^SWeeT]

العجييب بوزارة التربية


تخبطها


يعني تتخذ قراار و اتطبقه بدون دراسة بعدين اتنازل عنه



وهذا دلييل انه السالفة كانت فقط لفرض قراار يديد لا اكثر ولا اقل

 

[نونا 3000]

والله احلا قرار واشجع قرار صدر من وزارة التربيه وليتهم يضمون معاهم اقارب المدرس بعد ويفكونا من المحسوبيات عااااااااشت وزارة التربيه بالقرار المستحق هذاااا والف شكر لوزير التربية نايف الحجرف اللي حسمها وانا سمعت ان الوزير قال ان الطالب ماراح ينقل التحرك والنقل للمعلم نشكر اهتمامه بعيالنه الطلبه


 

[gorasm]

نونا ٣٠٠٠الله يكملج بعقلج ماله داعي التعليق اذا ماعندج عيال بالمدرسه مثلنا ماله داعي هالاستفزاز وهالكلام اللي يدل على التخوين وعدم الثقه وربي شايف اشلون نراعي عيال خلق الله قبل عيالنا والله الشاهد ولله الحمد واثقين بنفسنا وعارفين شنسوي بس اعتراضنا على عدم دراسة الموضوع والربكه اللي راح تصير لنا ولعيالنا بسكم استفزاز وحسد واذا عندج شكوى ضد اي معلم او معلمه للتمييز روحي اشتكي محد رادج

 

[كويتيه مول]

هالقرار راح يلغي من مصادر موثوقه
بس الميزه الوحيده من هالقرار المغلي باذن الله عرفنا تفكير بعض اولياء الامور فينا وانانيتهم امثال الاخت نوناااا

 

[نونا 3000]

للعلم انا معلمة حالي حالكم وشفت الضيم والظلم اللي يمارس ع الطالب العادي ومريت ع خمس مدارس مو مدرسه وحده بعدين شنو المشكله اذا انفصل الطالب عن ولي امره اتوقع الشاطر شاطر لو وين يحطونه بس اللي مايبي هالقرار يتطبق اكيد راح يفقد اشياء كثيرة ورا تطبيق هالقرار واللبيب بالاشاره يفهم ترا كل موظفين الدوله عندهم عيال بكل المراحل ويوصل عياله ويروح دوامه ماتذمر من شي اشمعنا احنا المدرسين نتذمر الباب اللي يجيك منه الريح سده واستريح انا اشوف بكل نشاط رازين بنات الابلات وبكل رحله عيالهم رايحين ترا حرام كلهم عيال الكويت والمفروض يتعاملون نفس المعامله وياااارب يتطبق هذا القرار بشكل نهائي وماعتقد وزارة التربية حطته عبط لو ماكو شكاوي ما حطوه

 

[sasa1234]

القرار حسب ما فهمت راح يطبق بالتدريج هالسنه على الثانويه والسنه اللي بعدها على المراحل الباقيه
بس يمكن يبون يعطونكم فرصه عشان تظبطون اموركم للنقل وما يصير في ربكه اول السنه

 

[ترف بابا]

القرار في ثغرات عشان جذي اربك الناس

وتطبيقه ع الثانوي كبدايه عين العقل

 

[PuPa^^SWeeT]

اصلن حتى القرااار ما ناقشو فيه الحجرف



اي وزارة اللي اتعدى على القوانين


وتشن قراااار يربك العملية التعليمية من اول سنة


من غير دراسة

ولا تحليلات ولا احصائيات ولا شي




و هذا كلام الحجرف



وزارة بكبرها يبيلها تربية و تتسمى وزارة تربية

والله عشنا و شفنا




والله البلى بهالحريم اللي قاعدين ويفكروون


شلون انقث الابلات طلعووولنا قرااار يقثهم




يعني العملية التعليمية ترا فيها ثغرات و بلاوي مايعلم فيها اولياء الامور



واحنا ساكتين و بالعيين موووس


يقومون على قرااار مثل هذا يربكونا من اول السنة و بصوورة فجائية



بس شنو اللي سووه مرة ثانية


فتحو العيوون على الابلاات مرة ثانية و ثالثة و رابعة




للاسف الوزارة اتحرش بنفسها بالمعلمين



حسبي الله علييهم

 

[بخـــارى]

الحجرف اليوم صرح انه ماعنده علم بهالقرار

والطالب الشاطر وين ماتحطينه ينجح
اذا بنت وكيلتنا ساقطه

 

[هند الرشدان]

جان زين بعد غير قرار فصل الطالب اللي عاجبكم ومستأنسين منه ينزلون قرار ان الطالب مايدرس بالمنطقه اللي ساكن فيها ولايدرس بالمحافظه اللي اهو فيها افضل بعد

 

[ReD&FoSHia]

سمعت انه انلغى الحين انتهى امره

 

[المهجنه]

انا اتمنى ان يفصلونهم عن بعض تدرووون ليش لان صاير ظلم بالمدارس ولد المدرسه كسلان وكلا غياب وممتاز وطالع الاول على الصفووف شلون ما ادري وين الناظره وين الوكيلا ما ندري يبااااااااااب وهلاهييييل انهم يشيلووون الامهات

 

[أم جوري]

هالقرار غير مدروس بتاتا وراح يسبب ربكة كبيرة السنة الياية مثل ما سبب السنة اللي فاتت
حركة التنقلات راح تسبب نقص في الادارة التعليمية والادارية في وايد مدارس ...