تأخر الدوره..

[ليالي العاشقين]

سلام عليكم ..
شلونكم .. اتمنى كل وحده تدش .. تجبر بخاطري لووو بكلمه... وعسى لله يوسع عليها دنيا واخره...
بنات انا متزوجه ... بس عندي مشكله تتاخر الدوره..لا تقوليلي حليلي ..لاني اساسا عندي تكيس بالمبايض.. ومابي اعود جسمي على حبوب تنزيل الدوره ابي اعشاب وادويه عربيه .. من خبراتكم.. وتجاربكم ..بسس ابيها قويه وتنزلها... على طول .. لاني نفسيتي تعبت ..حييييييييييييييل ... ولله يوفق كل من مهتم بأمري.. موفقين ..بحفظ الرحمن..

 

[shaikhat elbnat]

هلا حبيبتي
دفي جسمج عدل .. خصوصا بطنج و ريلج .. لبسي دلاقات
و حيلج بالدارسين و الزعتر .. معرورفين ينزلون الدوره خصوصا الدارسين .. الافضل انه يكون عوادة الدارسين مو الشاي الي بالجمعبات عشان يكون مركز

 

[كنكونه86]

سلامتج ياقلبي مااااااااااالج الا الحسوووووووووو تشترينه من العطااار والله موووصج ينزل الدوره وينظفلج جسمج بعد جربيه وادعيلي بالذريه ان شالله

 

[ليالي العاشقين]

مشكورين حبايب قلبي ...والله ينولكم الي ببالكم ...

 

[حكاية شهرزاد]

عمري هاج احسن شي كلنا بنات البحرين نسويه علشان ننزل العاده ..

تعرفين بودرة الدارسين (( يعني دارسين مطحون )) يعني قرفة .. تحطينه بماي حار وتشربينه وتنزل لج العاده عدل ..

وفي حب شي ثاني اللي اهو حب الرشاد ..

هذي تنقعينه بماي وينتفخ ترى اوهو وتغسلينه وتحطينه في حليب حار وتشربينه ..

بس انا عندي الدراسين احسن شي شربيه قبل العاده وبترتاحين ..

ادعي لي لاتنسين ..

 

[moone GRL]

دارسين وزعتر

والرشاد حطيه مع التمر او الحليب

 

[dla3_princess]

الله يشاافيج

بعد شربي مرقدووش يوميا كوب الى كوبين

انا نظم لي الدوورة

 

[um hamed]

الله يعينج نفس معاناتي بس انا اخذ حبوب علشان تنزل
واشرب مرقدوش واشرب عشبة الخزامى بس طعمها مو شيء بصراحه
وفي وحده من المنتدى تقول الكركم ينزلهااا عدل

 

[dla3_princess]

هااا اشصااار علييج ؟؟

طمنينا

 

[ام عبدالله2006]

الي اعرفه طلع غبار النخل وحبوب غذاء ملكات النحل وعسل كل يوم قفشه لمده 4 شهور يعدل التبويض وباذن الله تروح التكيس

 

[الحــــــلا كله]

اخذي زنجبيل مطحون وفلفل ابيض مطحون كل ووحده منهم نص قلاص
وكوب ماش مطحون
اخلطيهم واخذي ملعقه الصبح وسط مع كوب حليب وملعقه ثاني بليل
يوم والثاني وبتشوفين الدوره انزل انا نفسج وعندي تكيس كل ما صار موعدها سويت الطريقه
وليمى تنزل استمر على الخلطه لين تخلص تنظف الارحام

 

[sweet loOosha]

نفس حالتك وانا تقعد بعض الاحيان 6 و7 شهور مااشوفها

بنسبه لي ارتحت على خلطه من تاليفي وهي اجيب مغلفات فاضيه من محلات دايسو نفس الي يحطون فيها الشاهي

واحط فيها ملعقه كبيره شمر وملعقة يانسون وملعقة مراميه وملعقة بردقوش ملاعق كبيره بس ماامليها واحطها بكوب واصب عليها مويه مغليه واغطيها شوي لين تدفى واشربها مرتين فاليوم

انتبهي تغلينها يروح مفعولها وبس دعواتك

 

[ليالي العاشقين]

بردقوش وين يبعونه .؟

 

[صمت الرمال]

انصحك بالكركم وربي اني مجربته ونزل الدوره (