تأخر تطوري شامل

[أهداب]

السلام عليكم




بنات انا ولدي عمره اربع سنوات شخصوا حالته بتاخر تطوري يتكلم تقريبا عشر كلمات والباجي كلمات مومفهومه فودي ادخله مدرسه السنه اليايه ومحتاره ادخله مدرسه عربيه ولا ثنائيه اللغه
ناس يقولون مدام الحكومه تدفع مصاريفه علميه بمدارس اجنبيه حتي رعايتهم واهتمامهم افضل
وناس تقول مدام مايتكلم فماراح يسلك بالجنبي لانه عربي ميح هالنوبه انكلش
اسفه علي الاطاله بس بنات تكفون شوروا علي ادخله باي مدرسه خص انا ابيله شهاده معترف فيها واذا احد عنه ولد اوبنت نفس حاله ولدي وين دخلته؟ وهل استفاد؟؟؟؟؟؟؟؟؟؟
الله يرزقها الجنه اللي ترد وتريحني

 

[نشـــامي]

انا بنتي نفس حاله ولدج بس عمرها سنتين ونص وودي استفيد

بس ياريت توصفين حاله ولدج بخصوص المشي والفهم انا بنتي ماتمشي وعقلها اصغر من عمرها

 

[احب الزين]

السلام عليكم
اختي نشامي شلون عرفتي حالة بنتج واهي توها عمرها سنتين ونص وان عقلها اضغر من عمرها اسفة علا السؤال بس اتوقع تو الناس على هالتشخيص
لاتستعجليين ببتشخيصها نطري عليها شوي والله وايد يهال شخصوهم جذي وبعدين تغيرواالله يشافيها لج يارب

 

[خشوشه المشوشه]

اخت اهداب ممكن تعلمينا شنو تشخص حالة ابنك هل تاخر لغوي او تشتت انتباه لان في مدارس متخصصه حق التاخر اللغوي وفي مدارس للتوحد وفي مدارس تشتت انتباه وفرك حركة يعتمد علي تشخيص حالة ابنك او تقرير عن تشخيصه

 

[أهداب]

هلا خواتي
انا ولدي من كان صغير ملاحظه عليه شي غريب يعني طبيعي ومو طبيعي مشي متاخر يعني سنتين والحين عمره 4 سنوات ومايتكلم الاعشر كلمات عمره العقلي اصغر من عمره الجسدي ووبس
انا محتاره وين ادرسه بالمدارس الاجنبيه اوالعربيه
ياامهات اللي نفس حالته ولدي تتفضل مشكوره وتعلمني ووووووين احطه!!!!!

 

[أهداب]

اختي احب الزين بالنسبه لسؤالج للاخت نشامي اذا كان اختبار تطوري عادي يكتشفونه بهالسن لان مو اختبار ذكاء هذا اختبار تطوري يعني عمره العقلي يتوافق مع سنه او لا ومشكوره علي المرور

 

[أهداب]

شدعووووووووووووووه
ماكو رد

 

[ام تروك]

مرحبا حبيبتي اهداب انا ولدي تروك نفس حالة ولدج بالضبط من هو وصغير مرات احس انة طبيعي ومرات لا وتأخر بالمشي , ولما كمل سنتين قلت بدخلة حضانة ودخلتة حضانة كيدز كولج بكيفان بصراحة استفاد منهم كثير حيل تغير . طبعا اهو تحسنة مو بعمرة بس احسن من اول مادخلتة هندهم خليته لما صار عمرة 3 سنوات وبعدين نقلتة بحضانة قريبة على بيتنا بالاندلس . وهناك قعد اسبوع وقالولي ان مايقبلون حالتة وتضايقت حيل راجعت جم دكتور قالولي دخلي احتياجات خاصة الحين عمرة 5 سنوات دخلتة حضانة الهبة بغرب الجليب . بس الصراحة مو مرتاحة لها ودي انقل عيالي منها , عندي ولدي الثاني عندة تاخر عقلي بسيط بس مااحس تحسن من الحضانة كلش . بسوي جولة حق المدارس والله كريم انشالله

 

[أهداب]

حبيبتي ام تروك اعاقه ولدج تاخر تطوري شامل!! وجم نسبه الذكاء مالته؟؟؟
انزين ليش مانحط عيالنا بروضه مو حضانه اعمارهم كبيره اسم الله عليهم

 

[نشـــامي]

هلا حبيبتي بنتي من صغيره فيها صرع ارتفاع بالشحنات وهذي اعراض لامراض اخرى وعطيتها علاج للصرع والحمدلله بدت تتحسن وفيها رخاوه عامه حيييييييييل بس الحمدلله قاعده تتحسن ع العلاج الطبيعي وقالوا ممكن تكون متعرضه لنقص اوكسجين اثناء الولاده او الحمل الله يسامح المستشفيات الخاصه كل شي يخشونه

واللحين عقلها من مثل عمرها ولا حركاتها ووديتها الطب التطوري قالولي تاخر تطوري شامل


ام تروك ياليت تشرحين لي حالت ولدج وحضانه كيفان تهقين يقبلون بنتي لاتمشي ولا تتكلم بليز ردي مابيها تقعد عند الخدامه:eh_s(22):

 

[ام تروك]

هلا والله حبيباتي . ولدي في تأخر تطوري شامل مشى عمرة سنة و8 اشهر والحين عمرة 5 سنوات يقول كلمات بس مايركب جمل على بعض , بس الحمدالله اشوف حالتة حيل تتحسن . والحضانة اللي بكيفان دخلتة كان عمرة سنتين قبل لا يحددون اعاقتة وقعد فيها سنة وحيل استفاد منها وبخصوص بنتج ياقلبي والله ماعندي خبر اتصلي عليهم وسأليهم , بالنسبه حق اختي اهداب ولدي اعاقتة تأخر تطوري شامل ونسبتة 63 % وفي حضانات عندهم عمر روضة يعني مرحلتين الروضة لي 6 سنوات . وربي يشافي عيالكم وعيالي وجميع مرضى المسلمين .

 

[أهداب]

انزين بنات شلون علي الاستيعاب والفهم؟
وكنت ابسالج ام تروك هل التاخر التطوري بطئ تعلم ولا تخلف عقلي؟

 

[احب الزين]

هلا والله اختي اهداب توني اشوف ردج على مروري بس بغيت اسالج شنو الفرق بين اختبار التطوري واختبار الذكاء لاني بصراحه مادري شنو الفرق بينهم
انا والحمد لله حديثة عهد بهالمجال الحمد لله على كل حال
ولدي اول حاله تمر علينا بالعايله ولي الحين مو عارفه تشخيصه بالضبط
عسى ربي يشفي وليدي وعيالكم ولا يحدنا على الدكاتره الي ماعندهم غير التجاره بهالفئه حسبي الله ونعم الوكيل بكل واحد وحده يستغلون اعاقات اطفالنا

 

[ام تروك]

هلا بالغاليات والله يااختي اهداب علمي علمج كل دكتور يشخص شي . بس مره دكتور قالي ان حالتهم اقل من بطيء التعلم . والله كريم الدعاد لمرضانا ومرضاكم وجميع مرضى المسلمين

 

[ام ناصر22]

رد : تأخر تطوري شامل

الله يشفي مرضاكم

 

[om webas]

رد : تأخر تطوري شامل

الله يشفي ولدج يارب وولدي

 

[ام ناصر22]

رد : تأخر تطوري شامل

السلام عليكم يا بنات انا عنددي بنت فيها تاخر تطوي مذو الولاده والحين عمرها 6 سنوات عذبت حالي عدوانيه على اخوانه والله لا يحرمني اجرها دخلتها بمدرسة المعرفه لذوي الاحتياجات الخـــــــاصه بس كنها اشوه شوي بس اد علي اهــــــــــــداب ولدك عدواني او عادي وشكرا

 

[شووكولاته]

هل يعتبر هالطفل. الي فيه. تأ خر تطوري من. ذوي الاحتياجات الخاصه. ؟؟. *

 

[نونا العتيبى]

حبيبتي آنا بنتي الله يشافيها صار فيها شلل دماغي (نقص أكسجين) وشخصوها الطب التطوري تأخر تطوري شامل
وأهي أكيد من ذوي الأحتياجات الخاصة وعندها شهادة رسمية من الهيئة العامة لذوي الأعاقة مكتوب فيها هالتشخيص​

 

[أهداب]

رد : رد: تأخر تطوري شامل

هل يعتبر هالطفل. الي فيه. تأ خر تطوري من. ذوي الاحتياجات الخاصه. ؟؟. *

اي حبيبتي وله الحق بكل امتيازات المعاق من تعليم ومعاش وو