تأشيرة ايطاليا من وين السفارة ولاعن طريق مكتب؟؟مساعدتكم كويتياات^_^

[om MaRyooM]

السلااااااااااااام










حبايبي ابي مسااعدتكم


اللي بيروح ايطاليااا .. لازم فيزا شنغن عدل ؟

انزين من السفارة يطلعها ؟؟ ولا المكاتب ؟؟

وجم تكلف ؟؟

وشنو عادة الاوراق اللي يطلبونها

ولو في ملاحظات قوليلي ياها بليزز

لأن وحدة من رفيجاتي تقول لازم بحسابج يكون في مبلغ وقدره !!عشان لما ياخذون تفصيل الراتب؟؟ صج؟

 

[بخـــارى]

هلاوغلا

اي لازم فيزا شنغن

اول شي حجزي تذكره وسكن وهاتي الفاوجر مال السكن

ويفضل تروحين المكتب يسويلج

وايطاليا بلشي فيها من اول 9 علشان تفتح الاسواق فيها

ومولازم يكون بحسابج مبلغ

 

[بخـــارى]

ولاحتي تفصيل الراتب

 

[om MaRyooM]

مشكوورة اخيتي

ماقصرتي حياتي

 

[بخـــارى]

حياج ام مريوم

 

[مارون جلاسيه]

روحي حبيبتي مكتب الفبس اخذي رقمهم وشوفي عنوانهم اعتقد يفيدوتج ..
والله يسهل بس نصيحه روحي بسرعه لان الفيز تطول

 

[مارون جلاسيه]

اقصد القبس

 

[بخـــارى]

هاذا قم مكتب برافو بالدوليه
يسوي الشنغن
99644871
50103246

 

[بخـــارى]

وفي مكتب ثاني هم بعد بالدوليه يم مكتب اوكي للفنادق مااعرف شسمه

 

[om MaRyooM]

مشكورين وماااقصرتو


اللي افهمه من كلامكم ماروح السفارة !
لأن في ناس قالولي من السفارة

 

[بخـــارى]

المندوب او مكتب الفيزا يسوون لج كل شي

 

[القصيدة]

السلام عليكم و رحمة الله و بركاته

السفارة الإيطالية ما تتطلب الحضور يعني عادي يطلعها مكتب و هذا أفضل لأن المكتب يحتاج لكل واحد منكم صورتين بخلفية بيضاء
+ تعريف براتبك أو راتب زوجك من العمل + كشف حساب من البنك و مو مهم يكون فيه مبلغ كبير أي مبلغ عادي و بعض المكاتب ما تحتاج إلا للصور بس

لكن لو حبيتوا ممكن تروحون بأنفسكم لاستخراج الفيزا أرخص من المكاتب لكن راح تحتاجون للصور و تعريف الراتب و كشف الحساب و حجوزات الطيران و الفنادق

موفقين يا ربّ :eh_s(17):
​

 

[om MaRyooM]

مشكووووورين

 

[ScarletteO'Hara]

حبيبتي روحي مكتب القبس في برج السنابل ورا المستشفى الاميري بشرق
يطلبون منج فاوشرات الفنادق و تذاكر الطيران و طبعا صور شخصية حديثة
لا محتاجين شهادة راتب و لا هالخرابيط انا توني مطلعة فيزتي من شهر من هناك اهو المكان المختص يطلع لج الشنغن حق ايطاليا

 

[om MaRyooM]

^
^

كل الشكر لج حبيبتي

 

[Chay7aLeeB]

حبيبتي روحي مكتب القبس في برج السنابل ورا المستشفى الاميري بشرق
يطلبون منج فاوشرات الفنادق و تذاكر الطيران و طبعا صور شخصية حديثة
لا محتاجين شهادة راتب و لا هالخرابيط انا توني مطلعة فيزتي من شهر من هناك اهو المكان المختص يطلع لج الشنغن حق ايطاليا

صح كلامها انا رحت السفاره شهر1 قالوا مايستلمون اوراق احد الا عن طريق مكتب القبس وحاطين ورقة عالباب ان بس يتعاملون مع القبس مادري ليش يعني بس الحمدالله ماكان في ضغط فيزتي خلصت بيوم واحد وكانت من احلى السفرات

عليج بالعافيه مقدما

 

[om MaRyooM]

يعافيج ويخليج

مشكوووورة قلب