تاثيث البيت من الالف ...الياء

[فن وفكره]

السلام عليكم


طبعا هالايام المرأه لها دور كبير في تاثيث البيت من الالف الى الياء...

علشان جذيه حبيت افيد و استفيد منكم يا بنات الكويت ومن ذوقكم وخبرتكم في هالمجال...

بلشت بالتاثيث من الالف الين وصلت هالايام لغرفة الطعام حبيت انها تكون راقيه وبنفس الوقت جيده وطبعا لا

تنسون السعر لابد انه يكون مناسب... فياليت تفيدوني .:080402ask_prv:


رحت اماكن وايده بس لين الحين ما لقيت طلبي وصار عندي خبره لا باس فيها بالتاثيث من كثر الفراره .

واذا حابين تعرفون عن اي شي يخص البيت والتاثيث انا حاضره وبالشوفه...

{ اثاث- مطابخ -ورق جدران- انتيكات -زل(سجادات)-اطقم حمامات ...الخ​

 

[فن وفكره]

وين البنات صاحبات الخبره نبيهم يشدون حيلهم ويفيدونا جزاهم الله خير
راح ابدي وياكم عن ورق الجدران....
تلقون المحلات بحولي مقابل كناري واسعارهم متفاوته في الغالي والرخيص ..... وبعد عند ابيات الي بشويخ في اشياع موجوده عندهم وفي اشياءتبي اوردر يعني طلب وتحتاج تقريبا اسبوع على ما توصل.
عاد اهني كل وحده وذوقها..تحطينه كامل او تدمجين شكلين اولونين مع بعض .

 

[سن رايز]

عسى الله ايهنيج في بيتج انشاء الله
بعد قلبي انا الحين ببدا بالاثاث,,وحدي محتااااااره بشنو ابلش؟
وبغيت اعرف وين احصل ورق الجدران الي جنه خام بارز لاني رحت الي بحولي وماحصلته ,حصلت بس الي جنه مخمل بس نقشته ماعجبتني ؟وبعرف اسعارهم بجم؟ وشلون اعرف الي نوعيته زينه؟؟؟
وعندي غرفه داخل الصالات المفتوحه ,شلون اسوي اثاثها؟ بعضهم قالي خليها قعده ارضيه؟؟
ومشكوره ياقلبي واسفه على الاطاله

 

[فن وفكره]

ماقصرتي اختي سن رايز على الدعاء
بالنسبه للتاثيث اذا كني عارفه شنو بتحطين الوان الغرف والاثاث فبلشي بالبردات وغرف النوم وخاصه الكبتات وغرف الملابس والمطبخ وبالنسبه لورق الجدران انصحج بابيات ان شاء الله تلقين مبتغاج والأسعار مناسبه نوعا ما الرول يبدي بحدود15 دك مع التركيب
اماعن الصاله فما انصحج تسوينها ارضي لان راح يكون شكلها قديم الافضل تحطين لهاالاثاث الواطي تلقينه بسنتر بوينت وأبيات واكيا وان شاء الله اكون افدتج

 

[منيرة خالد]

اذا تعرفين منجرة شعلها راقي مثل الموديلات الايطاليه مو الحفر مثل اللي بالفروانيه الكوميدينه جنها كبت لا ما ابي هالنوعيه


وشاكرة لج

 

[فن وفكره]

اختي منيره خالد بالتشبه للمنجره والله ما عندي خبره لان اثاثي يا ايطالي اوامريكي ما احب النجاره لانهم مو مظمونين بس انصحج ان تييبين لج نجار في البيت جدام عينج وحرصي على القشره الخارجيه للخشب ونوعيتها والصبغ صبغ افران*

 

[baby johnson]

فوووووووووق

 

[فن وفكره]

بيبي جونسن.... اشكرك

 

[فن وفكره]

اللي عندها فكره عن طاولات الطعام الججيده تفيدنا

 

[om.googi]

تبين تصميم طاولة طعام وإلا جاهزين ؟ التصميم يكلفج فوق الـ 600د.ك ومستحيل تلقين أقل من هالسعر ( للنوع الممتاز )
أما الجاهز فا أماكنهم وايدة .. واذا حابة نفتر حياج
1. الأفنيوز محل the One وعندج مكانهم الأكبر في المارينا ..
2. صفاة الغـانـم .. راقين وناعمين .. وفي الدفش ..
3. عندج تصميمات بالشويخ سيتي ..
4. البيت الأمريكي .. سعره بمستوى أسعار التصاميم .. ( نار شوي )
5. هوم سنتر الري..
6. أبيـات - شويخ
وفي عندج بحولي ش.بيروت لأرضيات غرف الطعام + الحميضي الخ الخ ..

 

[فن وفكره]

ماقصرتي اختي على الافاده

 

[))M N((]

رد : تاثيث البيت من الالف ...الياء

خوووووووووش موضوع
اب
اب

 

[فن وفكره]

السلام عليكم اخواتي
/

/
حياج الله اختي (ام ان) وان شاء الله الكل يستفيد
اليوم راح اتكلم عن الاثاث

× الاثاث الامريكي تلقينه عند(ذي كاسل-البيت الفاخر- نوبلز-هبيتات) وهذول اشوي غالين بس يسوى السعر فيهم وخشبهم جيد والتشطيب نظيف
وطبعا بالنسبه لغرف النوم الامريكي ما يكون معاها كبت ...اما القنفات او(الكنبات) تلقين الكلاسك والعادي والديباج الامريكي معروف بنعومته وراحته وتلقين عندهم بعد طاولات طعام مع البوفيه نوعين الكامل والنص

× الاثاث التركي تلقينه عند(استقبال) الي يم الميره الي حلو عندهم غرف نوم الاطفال شكلهم حلو ...بس الجوده والله مادي عنها لاني ما جربت التركي وفي طاولات طعام قنفاتهم اشكالها قريب من الصيني

× الاثاث الماليزي والصيني موجود عند(ابيات-هوم سنتر-صفاة الغانم-بنتا) بنتا غرف النوم ماليزي ويصلح للشباب والاطفال بس مايبي شيل وحط وايد يعني يبي واحد يحافظ عليه والقنفات على حسب الطلب الاسفنج واحد والخامات اكثرها مخامل وشمواه

× والايطالي اتوقع انه نادر هالايام وتلقينه بالمحلات الي بحولي

× والسويدي من غير حجي تلقي

​

نه عند( اكيا) السرايرالي باكيا حاولي تاخذين الحديد افضل والكبتات عندهم حلوه لانهم شطار بالتخزين واستغلال المساحه بس جوده والله ما عندي فكره عنها

ونصيحه\\ اذا تبين اثاث يدوم اخذي الزين حتى لو كان غالي//



وان شاء الله في الرد القادم راح اتكلم عن المطابخ​

.

​

 

[ركاب الأصايل]

مشكوره​

:eh_s(17):

 

[بقايا همس]

اب
اب

 

[_ظل الياسمين _]

اب.. ومنزل مبارك يارب.

 

[فن وفكره]

حياكم الله خواتي واسعدني مروركم

 

[فن وفكره]

السلام عليكم
حبيت اعرف تجاربكم واختياراتكم للمطابخ قبل لا انزل موضوعي
يلا همتكم خل الناس تستفيد*

 

[smilmoon]

رد : تاثيث البيت من الالف ...الياء

موضوع حلو ومفيد
لاني حابه استفيد منكم قبل لاابدي اغير بشقتي

 

[بهمتي ارتقي]

رد : تاثيث البيت من الالف ...الياء

يعطيك الف عافيه