تاخر الدوره الشهريه وتقدمها -- ( موضوع يهم العديد من البنات)

[دلوعة كويتيات]

شلونكم بنات ، ابي نفيد بعض بخصوص تقدم الدوره عن الموعد وتاخرها عن الموعد
في بنات ايقولون اللي دورتها تقدم خمس ايام شي زين وانها ادور الحمال ومو مضطربه
اما اللي دورتها تتاخر اسبوع او اكثر وتكون مو حامل اهني المشكله او انها تعاني من ارتفاع هرمون الحليب او التكيس
ابي البنات الخبره حطوا تجاربكم بتقدم وتاخر الدوره حتى نفيد ونستفيد
انا نزلت هالشهر مقدمه 5 ايام واللشهر اللي قبله همن جي مقدمه 5 ايام هل انا طبيعيه ؟؟؟
واعاني من الم فالمبيضين لكن المبيض اليمين الم اقوى ونغزات محتمله عادي ؟ والا تكيس ؟؟ ومشكورين وقواكم الله
ابي تفاعل

 

[PinkLulu]

تقدم الدورة وتأخرها يعتمد على دورة التبييض حق كل بنت ومرات النفسية أو الهرمونات تأثر على طبيعية الدورة

والأفضل تراجعين مع طبيب عشان يسويلج التحاليل والفحوصات اللازمة عشان يعرف إذا في مشكلة أو الوضع طبيعي

بالنسبة لألم المبيضين...الألم غالباً يكون دليل على التبويض...وكل شهر يكون التبويض جهة...مرة اليمين ومرة اليسار

ما تشوفين شر وسلامات​

 

[q8 83]

انا كل شهر تقدم يومين بس صارلي شهرين تقدم 5 ايام مادري ليش و الي لاحظته ان نفسيتس تكون تعبااااااااااااانه بس مافي عوار ول شي

 

[&هند&]

الدكتور تقولي تاخرها معناته في لخبطه بالهرمونات وتقدم الدوره معناته التبويض ممتاز وكل شي سليم والله اعلم ،،،،

 

[حرم حبيبي]

انا تاخرت ٥ ايام وعندي خلل بالهرمونات
الله كريم

 

[orchidia]

انا دكتورتي تقول لي انها لما تتقدم يعني التبويض ممتاز والبويضة كانت تبي تتلقح


بس لما تتأخر عاد عشان هرموناتج متلخبطة رووحي ششوفيها

أهم شي هرمون الغدة والحليب وتسوي لج صورة للدم عشان فقر الدم

وموفقة حبيبتي

 

[دلوعة كويتيات]

اب اب

 

[أأأميرة الورد]

رفع

 

[a-a-alrajhe]

رفع