تاخر الدوره بعد ابر التحضير

[بناتي عيوني]

السلام عليكم ورحمه الله وبركاته


مقبله علي عمليه طفل انابيب وبلشت بالابر التحضيريه ولكن جسمي لم يستجب لابر ومع اني تميت 21ابره الحمدالله كنسل الدكتور العلاج واجله للدوره القادمه وانا الحين انطر الدوره القادمه وللحين ماشرفت موعد الدوره بتاريخ 9من الشهر وانا دورتي ولله الحمد منتضمه والحين لي اكثر من اسبوعين وكلمت المستشفي وعطوني موعد الاسبوع الجاي
ابي تجاربكم ياخواتي في وحده منكم صارلها هذا الشي ان الدوره تاخرت عليها بعد ابر التحضيريه



سويت تحليل حمل ولله الحمد مافي حمل


لاتنسوني انا متوتره بسبب عمليه طفل الانابيب والحين تاخر الدوره
وجزاكم الله خير :yaaaaaarb:

 

[qoot]

مادري والله

احتمال يكون كيس اهو اللي مأخر الدوره

 

[بناتي عيوني]

مشكوره حبيبتي انا مافيني تكيس ابدا يمكن بسبب الابر


ابي خواتي في وحده منكم صار فيها الي صار فيني مرت بالي انا مريت فيه ابي تجاوبكم وتجاربكم صدقوني هذا مساعده تجزين فيها عند رب العالمين فارجو من خواتي العزيزات انهم مايبخلون علي

 

[انتيكا]

مادري حبيبتي سالي دكتورتج

يمكن تاخرت من النفسية

 

[رنيـم]

حبيبتي الكيس غير عن التكيس
الكيس ينتج من الابر التحضيريه ويأخر الدوره وصارت معاي
وسويت عمليه وشلت الكيس وكملت العلاج والمنشطات

الله يرزقج يارب

 

[الجادل الخشف]

شلون يعني ماستجاب ما انتج بويضات والا شنو ياريت توضحيلنا
والله يرزقج يارب

 

[بناتي عيوني]

السلام عليكم ورحمه الله وبركاته

جزاكم خير خواتي علي الردوود

الحمدالله علي كل شي تاخره علي الدور بعد توقف الابر التحضيريه مع العلم اني كملت 21 يوم تاخر 14 يوم وكنت اكلم الممرضه وتقول انطري اسبوعين بعد اسبوعين تعالي فعلا بعد اسبوعين نزلت الدوره

اما بالنسبه لعدم استجابه جسمي للابر مثل ماقال الطبيب الابر تهئ الرحم والمبايض وهو يستطيع انه يتحكم بالمبايض والرحم واشلون يئ الرحم عن طريق سماكه الرحم


ادري راح اطول عليكم لكن تجربتي يمكن في احد راح يمر فيها وحتي ترتاح ولا تحاتي الامور بسيطه انا كنت خايفه ان الابر تكون اثره علي المبايض والبويضات وماراح ينتج المبيض بويضات
لاني قريت ان الابر توقف نشاط المبيض وماينتج بويضات قصتي كالاتي
في يوم 21 من الدوره بلشت اخذ الابر في الفخذ في نفس التوقيت كل يوم وانا برنامجي الطويل ورحت لهم يوم الخامس من الدوره وكان فيني كيس فاضي وطلبو اني اشيله او تلغي العمليه توكلت علي الله وشلته بنفس اليوم بنج موضعي والحمدالله سهالات

واليوم السابع رحت لهم وكان بطانه الرحم سميكه بنسبه لهم ورحت لهم يوم عاشر الدور ونفس الشي قل سمكها شي بسيط وعلي كلام الطبيب المفروض ان الرحم يقل سماكته بعد نزول الدوره وسويت تحليل للهرمون ويشوفون جسمي تقبل الابر لكن النتيجه طلعت ان جسمي ماتقبل الابر

علي كلام الطبيب كاني مااخذت ابر ابدا وانا كل يوم اخذ هذي الابر
والحمدالله علي كل شي وهذي قصتي


الله يرزقني ويرزقكم الذريه الصالحه

 

[qoot]

حبيبتي الله يرزقج ان شاءلله

صدقيني خيرره والله الرياضه بوقت الابر مهمه واكلي حبوب غذا ملكات النحل

والله يرزقج ان شاءلله من اوسع ابوابه

 

[الجادل الخشف]

الله يرزقج يارب