تاخير الحمل

[دلع دلع ياحبيبي]

بنات انا توني ماكملت سنه زواج
في فترة الملجه اتفقنا انا وزوجي ناخر الحمل 4اشهر بالكثير 6 اشهر
اوكي
مساع كنت اسولف له عن اخواني الصغار اللي انا نايمه عندهم عشان امي مسافره جان يقول لي ها شرايج بالمسؤوليه
قلت له تو الناس احنا تونا صغار خل نعيش حياتنا شرايك ناجل الموضوع سنه
جان يتغير صوته وقال انا مو موافق ......الخ
خلاني اتحسف اني فتحت الموضوع الحين لو مختاره وقت مناسب
لما رديت دقيت عليه لقيته مغلق(زعل)

بنات انا صغيره عمري 21 احس تو الناس شلون اقنعه ؟
وشرايكم تحسون ان عمري مناسب للانجاب؟

فيدوني بليييييييز

 

[دلوعت مودها]

انا كنت مثلج اول ما تزوجت بس صدقيني عقب جم شهر من الزواج راح دورين الحمال وتنغثين اذا مر شهر ما حملتي وبعدين عمرج مناسب حبيبتي في بنات ال16وعندهم عيال
وبعدين ماتدرين يمكن اول جم شهر مايصيرحمل فلا تسبقين الاحداث,,,
نصيحه اذا طرى الموضوع قوليله حاضر على امرك
والله يقدم اللي فيه الخير,,,

 

[@ دهن العود @]

حبيبتى اللى اصغر منج ماشاءالله صاروا امهات

 

[دلع دلع ياحبيبي]

رد : رد: تاخير الحمل

انا كنت مثلج اول ما تزوجت بس صدقيني عقب جم شهر من الزواج راح دورين الحمال وتنغثين اذا مر شهر ما حملتي وبعدين عمرج مناسب حبيبتي في بنات ال16وعندهم عيال
وبعدين ماتدرين يمكن اول جم شهر مايصيرحمل فلا تسبقين الاحداث,,,
نصيحه اذا طرى الموضوع قوليله حاضر على امرك
والله يقدم اللي فيه الخير,,,

:e3:عالرد ماقصرتي

 

[دلع دلع ياحبيبي]

رد : رد: تاخير الحمل

حبيبتى اللى اصغر منج ماشاءالله صاروا امهات

:e3:على مرورج

 

[bint_looda]

21 لا صغيره ولا شي ياما بنات اصغر وصااروو احسن الامهات ... الله يرزقج الذريه الصالحه

 

[احب المنتدى]

رد : تاخير الحمل

21صغيره؟؟؟؟؟؟؟؟؟؟؟؟؟؟؟


عيل انا شقول18

 

[alreem]

توكلي ع الله ، وخلي الأمور تمشي واللي الله كاتبه بيصير
ما ابي اصير ضدج بس غلط الريال تقولين له تو الناس هذا زواج مو لعب وتاكدي من كل كلمة تقولينها له ادري انج بنوته حلوة وصغيرة وبتدلعين عليه وبتستانسون بزواجكم بس لاتنسين الزواج لتأسيس اسرة صغيرة والله يوفقكم خليها ع ربج ويسهل امورج

 

[صفاءء]

ايه يبه موصغيره بدين بس تزوجين تحسين تبين شي الي هو بيبي فديته يقول اغوووووووووو

لوووول

 

[دلع دلع ياحبيبي]

رد : رد: تاخير الحمل

توكلي ع الله ، وخلي الأمور تمشي واللي الله كاتبه بيصير
ما ابي اصير ضدج بس غلط الريال تقولين له تو الناس هذا زواج مو لعب وتاكدي من كل كلمة تقولينها له ادري انج بنوته حلوة وصغيرة وبتدلعين عليه وبتستانسون بزواجكم بس لاتنسين الزواج لتأسيس اسرة صغيرة والله يوفقكم خليها ع ربج ويسهل امورج

كلامج واااايد حلوووو
فديتج والله العظيم ريحني
مشكوره عالرد

 

[G!RLooNa]

امممم ماتدرين شنو اللي الله كاتبه عموما حتى البنات اللي يحملون مبجر و اهما ما يبون لي ولدو وصار ضناهم بيدهم يتغير كل الكلام,,,

 

[نـــــــــــونه]

رد : تاخير الحمل

انا الحين عمري 20 وحامل
ريلي من الفرحه مو عارف شيسويلي الله يخليه لي

 

[بتبوتااا]

بالعكس عمرج مناسب يا قلبي وايد بنات حملوواهم صغار ريلج من حقه يبي ولد له فديتج .

 

[حبيبه بدر]

حبيبتي لا تقولين ما ابي الحين والله يعاقبج على هل النعمه قولي توكلت على الله اذا فيه خير لي يكتبه واذا لا ياخره


انا لما صرت 21 عندي اثنين