تايلند

[amnarima]

هلا بنات ديرتي شلونكم ..الصراحة حبيت اشارك في المنتدى لاني قلت ما في غيركم يسساعدني

انا حجزت لتايلند في شهر 7 ابي اروح بويكت و بعدها بانكوك بس الصراحة ما ادري شي وين اروح وين اجي .. الله يوفقكم اي وحدة منكم تساعدني او تعطيني لينك لموضوع سابق في شرح مكثف وكل شي والله يوفقكم في كل شي ان شاء الله

 

[mweegah]

انا عيل بروح باجر
شوفي بوكيت انا خبري فيها من زمان, بس ماكو خوف كل شي بتلاقينه عند الفندقو رحلات حق كل مكان
و بانكوك السووووووووووووووووووووق, سكني بفندق حلو يم السوق و خلاص صارت خوش سفره

 

[دلع الكون]

السلام عليكم

انا حاجزه مع زوجي وأهل زوجي أخر شهر 6 يعني قروب

أخره مره كنت في بانكوك وبوكيت العام شهر 3

بوكيت حلوه وبتصوري كافي عليها 5 ليالي

أفضل الفندق الي في بوكيت ( ميلينيوم ) حلو وكبير داخل مجمع فيه كارفور ومطاعم

لكن للعلم الفندق هذا مايطل عالبحر مباشره يبعد عن البحر تقريبا 5 دقايق مشي وموقعه في الباتنوق بيتش

هذا أفضل شاطي لأن بوكيت تنقسم حق 3 شواطئ . وإذا تبين فندق مطل عالبحر أرشح لج فندق هوليدإن

والفندقين 5 نجوم .. والمميز في ميلينيوم إن في ( هوز ) بالحمام أعزكم

الرحلات عندج أهم 3 رحلات فنتازيا .. جيمس بوند .. بي بي أيلاند

وعندج بعد رحلة v i t عباره عن رحله بالبقيات والفيله ممتعه .

بانكوك بصراحه فيها فنادق كثيره لكن أنا سكنت بفندق زينث بشارع العرب

يعتبر فندق الإماراتين الأول لأن قريب عند المستشفى الأمريكي

وجدامه سوق الليل مال الجناط والساعة طبعا تقليد درجه أولى والمطاعم العربيه

وراح أسكن في السنه هذي لأن معانا أبو زوجي وماستقنى عن العيش

والشارع هذا حي في حركه وخصوصا بالليل لأن فيه فندق جريس وأكثر شي يسكنونه شباب .

وإنشالله وصلت لج معلومه مفيده . رحلة موفقه

 

[شيهانه المزيونه]

بصراحه انا سافرة حق تايلند صججججججججججججججججججججججج
شي حلو يعني بتروحين سياحه حلوه انا سكانة بانكوك حلوه قريبه عند القطار
فيسوق السمه توكيو سنتر عجيب اسبوع ونا اروح ما وصلة نصه لنه كبير ماشاءالله
وفي سوق بوكسي وسوق باتنامه بعدين ماكفه الوقت الاني كانت رايحه علاج اسبوع وسياحه اسبوع
اذا بقيتي اي سوال دازي ع خاص الانه اخوي يعرف كل مناطق تايلند الانه يروح مع ربعه يستكشفون
تر بل خدمه ع ياي سوال

 

[مرت الذيب]

بانكوك خليها شوبنق
بوكيت
روحي رحلة جيمس بوند
بي بي ايلاند
فانتاسي شوو
في حديقه مائيه يديده اذا خاطرج اسمها جنغل سبلاش
وفي نشاطات وايد محلات السياحه منتشره في كل مكان
اذا تبين استفسار محدد من عيوني

 

[سكر-زيااااده]

شلون وضع تايلاند؟؟؟؟؟؟؟؟خطر؟؟ ولا مافي شي؟؟انشالله ناويه اروح لها بتاريخ 11 من شهر 5 ...الله يخليكم طمنوني..مشهيه اروح لها واشوفها..اول مرة اسافر لها

 

[abo0osha]

لآ حبيبتي مآفيهآآ شي تآيلند آبوي رآيح بوكت
ويقول الجؤ خيآآآل وطبييعه موصج .!