تبادل الخبرات

[سراج الليل]

قوه بنات شخباركم ؟

أنا أول شي حابه أشكر بنت الكويت لأنها تعتبر تقريبا اهي صاحبة الموضوع لأنها اهي اللي أشارت إني

أكتب هالموضوع :aha:

وهم أرد وأقولج أسفه إذا ضايقتج

بنات الموضوع من عنوانه مبين تبادل الخبرات :gathering:

بهالموضوع كل وحده تكتب تجربتها مع رحلت علاجها من الألف إلى الياء

وأنا أول وحده بقولكم تجربتي

بالبدايه بعد ماحسيت بتأخر الحمل عندي وتعرفون الأسئله اللي ماتخلص ( ها مافي شي بالطريج ؟ ليش ماتراجعين ..... إلخ :cxxxp:

المهم رحت أول شي لدكتوره من هالدكتورات و تبون الصج ماسألت أحد عنها بس رحتلها لأنها معرفه

سوتلي تحاليل وسونار قالت مافيج شي

مارتحت رحت لدكتوره ثانيه وقالت بالبدايه مافيج شي وبعد الفحوصات قالتلي البويضه عندج حجمها 13 ونص :0bee2e8d89:

أخذت كلوميد والله لا يوريكم عذاب عوار برحمي وبالذات حزة الجماع :rgewrg:

وقالتلي وحده اهني بالمنتدى الله يجزاها خير عن وحده اداوي بالأعشاب وشكثر حملوا حريم بعد الله ثم بعد علاجها

لما رحت لها قالت تركي الكلوميد وأنتي مافيج شي بس رحمج صاد شوي وداشج هوى وقالتلي لازم أرددج 3

أيام ورى بعض وشربتني دوى بس لما كنت عندها كان عندها وحده عمرها بالثلاثنات ولما شفت اللي

اداوي تكلم التليفون استغليت الفرصه وسألت اللي كانت موجوده عن أم محمد ( اللي اداوي )

قالتلي أنا طولت ماحملت ورحت أم محمد وحملت بولدي ورديتلها وحملت فبنتي والحين جايه أبي أحمل :ioljnmlk:

وتبون الصج ماقدرت أجيها من باجر ولا اللي بعده

وناويه أجيها الأسبوع الجاي إذا جتني الدوره يوم الخميس

بنات انصحوني شسوي أروح لأم محمد أو أروح لدكتوره ناهده العلي ؟ :bbbiu:

اللي نفس حالتي ترد علي

خايفه أروح لناهده وتعطيني أبر أنا مافيني شي ان شالله ومابي ألعب بنفسي بالأبر ؟ :eh_s(13):



قولولي شسوي ؟


الله يرزق كل محرومه بالذريه الصالحه السليمه يااااارب :yaaaaaarb:

أرد وأشكر بنت الكويت :nbvppw:

 

[bnt_kwt]

العفو ولو حبيبتي ما سويت الا الواجب انا
ولا تعتذرين ولا شي
الموضوع وايد حلو ومفيد ويخلينا نتبادل خبراتنا ما بين بعض

عسا الله يوفقنا لما فيه الخير والمصلحه لنا ولي رجعه عالموضوع

 

[هتووف]

الفارسيه منو ام محمد وين مكانها؟؟

 

[سراج الليل]

توفي أم محمد ساكنه بالفردوس وماشالله عليها تحسين مره عندها خبره

واللي مدحته لي همن قالتلي في شكثر حريم حملوا بعد الله ثم بعد علاجها وهم قالتلي إنها لما راحتلها شافت وحده عندها وسألته ونفس الشغله امدحتها وقالت في شكثر نعرفهم حملوا

 

[bnt_kwt]

السلام عليكم
بالنسبه لي معاناتي مع تأخر الحمل معانات كبيره
صارلي 8 سنوات متزوجه والحمدلله على كل حال
ما حملت ولا مره فيهم

مشاكلي كلها من السمنه المفرطه اللي فيني
والحمدلله نزلت وزني وايد ووايد اشياء تعدلت فيني

عالجت بمستشفى ال koc
وسويت عندهم الاشعه المونه حق الرحم والحمدلله ماكان فيني شي
كانت مشاكلي من السمنه ضعف التبويض والتكيس وولخبطه الهرمونات
من ضعفت من سنتين تعدل كل شي

تعالجت عند معصومه مقصيد ما ارتحت عندها

تعالجت عند فريد صوصو لمده سنه واهو اللي قالي سوي طفل الانبوب

واخر شي رحت الصباح عالجت سنه ما حملت مع انه التبويض كان ممتاز وريلي الحمدلله مافيه شي

ومن الصباح حولوني على اطفال الانابيب سويت تلقيح صناعي عندهم مره وحده وما نجح للاسف
بس وناويه اكررها بالصيف ان شاء الله

 

[سراج الليل]

بنت الكويت عسى الله يرزقج باللي يفرح قلبج

ولا تيأسين وان شالله تبشرينا بحمالتج عاجل غير آجل

 

[هتووف]

اليوم رحت سويت تحليل طلع ماكو شي
بليل بروح الدكتور اسوي سونار بشوف شفيني

 

[كويتيه مذهله 87]

مشكوووره ع هالموضوع حبيبتي الفارسيه

طبعا انا اول سنه من زواجي خذيت مانع لان انا معاه كنا طلبه وندرس هو ما يبي على قولته احنا صغار كان اعماارنا 18 سنه

بعد سنه قال يالله انا ابي اعيال هديت المانع ورحت اول شي عالجت بمستوصفنا اكتشفوا ان فيني ارتفاع هرمون الحليب وعالجته الحمدالله وكانوا بس يعطوني تحاميل حق الالتهابات وحولوني الصباح ظليت شهر اتعالج عنهم طلع فيني تكيسات وجيس نيموني بالمستشفي علي اساس يشيلونها بس سبحان الله قبل العمليه خذولي سونار قالوا راحوا وبس هديتهم بس ماخذيت منهم علاج غير السونار

المهم على شهر 2-2007 عالجت عند فوزيه القطان <<< د ريم صافي شهرين كلوميد وابره تفجيريه بس ماصار حمل والحمدالله

وطبعا الاهل ما قصروا حنه يالله متى ويالله متى نفسج 10 تشهر قاعده جذي لا علاج ولا شي مخليتها علي الله

وعلى شهر 12-2007
وشهر 1-2008

شهرين ورا بعض رحت ناهده العلي ابر وكلوميد وما صا ر حمل معنى كل شي طبيعي والحمدالله قالتلي ان ريلج بحيوانته فيه لزوجه
انصحج تسوي تلقيح صناعي بس ريلي ولا انا رضيت لان ودي احمل طبيعي
والحمدالله الحين ريلي تعالج منه

رحت مصر توني راده بشهر اخر 4 سويت هناك اشعه الصبغه وكل شي تمام

والحين ناطره الفرج ومتى ما الله رزقني اعيال رزقني مو مستعيله على رزقي
هالمره شايله فكرت الحمال عن بالي بس همني ابي اطيح هالجم 5 كيلو وبس همي لارجيم خخخخخخخ

صارلي سنتين ونص من متزوجه والله كريم يا الفارسيه

 

[كويتيه مذهله 87]

على فكره انا دورتي مو متظمه دكتورتي الي بمصر وصفتلي حبوب الدفاستون اخذه 16 من الدوره لمده 10 تيام جنه والحمدالله الحين تنزل طبيعي
احس دورتني انتظمت من هالحبوب
بسس بنات ي ال دورتها مو متظمه نفسي خل تسأل دكتورتهاا عن هالحبوب لازم تستشيرين الطبيبه اول

 

[سراج الليل]

مذهله حياج حبيبتي

أنا أشوف اللي سويتيه بالبدايه غلط حبوب المنع ليش خذيتيها ؟ كنتي صغيره

المفروض سألتي وحده كبيره قبل تاخذينهم

عالعموم دام مافيج شي لا تضايقين بإذن الكريم بتشوفين عيالج

أنا جتني فتره كنت دايم متضايقه بس عقب قلت حالتي أحسن من غيري عالأقل مافيني شي يخليني

أصير مهمومه وماتصورين من بعد ماشلت سالفة الحمل يعني ماقمت أفكر فيه صار عندي أمل وثقه

كبييييييييييييييييييييييره إنه الله يختبر قوة صبري وراح يرزقني ان شالله عاجل غير آجل

الله يرزق كل محرومه قولوا آمييييييييييين

 

[كويتيه مذهله 87]

مذهله حياج حبيبتي

أنا أشوف اللي سويتيه بالبدايه غلط حبوب المنع ليش خذيتيها ؟ كنتي صغيره

المفروض سألتي وحده كبيره قبل تاخذينهم

عالعموم دام مافيج شي لا تضايقين بإذن الكريم بتشوفين عيالج

أنا جتني فتره كنت دايم متضايقه بس عقب قلت حالتي أحسن من غيري عالأقل مافيني شي يخليني

أصير مهمومه وماتصورين من بعد ماشلت سالفة الحمل يعني ماقمت أفكر فيه صار عندي أمل وثقه

كبييييييييييييييييييييييره إنه الله يختبر قوة صبري وراح يرزقني ان شالله عاجل غير آجل

الله يرزق كل محرومه قولوا آمييييييييييين

اعطيج معلومه

استغفرالله استغفرالله احس هذا عقاب من الله لان ما سمعت كلام امي

كانت تقول لا تاخذين وكنت ابلع الحبوب من وراااها

والحين ريلي تحسف ليش سوينا مانع يقول لو حملتج من اول مره جان ما ضايقونه الناس

الحمدالله علي كل حال

ومثل ماقلتي هذا اختبار من رب العالمين

 

[آيه ابراهيم]

الله يرزق كل محرومه بالذريه الصالحه السليمه يااااارب

حبيبتي كويتية مذهلة منو دكتورتج بمصر ياريت تفيديني الله يخليج

 

[كويتيه مذهله 87]

الله يرزق كل محرومه بالذريه الصالحه السليمه يااااارب

حبيبتي كويتية مذهلة منو دكتورتج بمصر ياريت تفيديني الله يخليج

حياتي
اسمها د بثينه في مستشفى حسبو

واذا تبين عنوان المستشفي انا حاظره

 

[آيه ابراهيم]

اي والله وين صاير المستشفى واشرايج بالدكتورة

انا عايشة مع ريلي بمصر ورحت عند دكتورة وكلش ما ارتحت لها

تسلمين يا عمري والله يرزقج ويرزقني وكل محرومه

 

[هندااا]

انا صارلي متزوجة 3 اسنين....حملت اول زواجي وطرحت بأول شهر وحملت مرة ثانية بس هم طرحت من اول شهر...واتوقع ان يصير معاي حمل بس مايثبت ولا ادري ليش؟؟؟؟؟


سويت فحوصات اجسام مضادة والحمد الله ماكو شي.....



بديت اراجع عند تالدكاترة عقب سنه ونص من زواجي وسويت فحوصات انا وريلي وكان عندي هرمون الحليب مرتفع وعالجته...وخذيت كلوميد واب تفجير 4 اشهر بس ماصار حمل مع ان كل شي تمام وتطلعلي بويضات ماشاء الله بس مايصير حمل سبحان الله....

عقبها ريحت جم شهر ...وعقب سويت تلقيح صناعي 3 مرات ولا صار حمل.....الحمد الله على كل حال....


مادري شسوي الحين ......اكمل بالتلقيح ويلا اوقف؟؟؟ ويلا اسوي انابيب والله محتارة ....شوروا علي بنات....


ودي احمل واييب حق ريلي اولاد وخصوصا انهم ماعندهم احفاد وراح يكونون اولادي اول احفادهم...وزوجي وحيدهم....ادعووووووووووووووووووووووولي حبوبات

 

[سراج الليل]

مذهله تعوذي من ابليس الله كاتب لج جذي وعساها خيره لج وأتوقع بالفتره اللي ماحملتي فيها صرتي أنتي وزوجج قريبيييييين من بعض

هنداااا مادري بس أنا أقول سوي مره ثانيه تلقيح صناعي

 

[بمبرة]

:klhfl:
حياتي الفارسية
خوش موضوع
بالنسبه لي صار لي سنتين ما حملت وكل شي فيني طبيعي وما كو شي ما سويته
بس توني من اسبوعين كليت حبوب تنشيف الحليب مع ان معدل الهرمون طبيعي
بس شفت جم مرة تنزل مني نقطة حليب من صدري واللي سمعته ان لو نقطه تمنع الحمل
وبعدها سويت سونار وقت التبويض قالا=تلي الدكتورة مافي بويضة هالشهر :0bee2e8d89:
سبحان الله
وناوية ان شاء الله آكل كلوميد الشهر الياي والله كريم

 

[سراج الليل]

هلا ومرحبا فيج بمبره

الحمدالله على كل حال بس معقوله مافي بويضه وإلا حجمها ضغيييييير ؟

لا تنسين بلغينا أول بأول بحالتج

والكلوميد يكبر البويضه عندج وان شالله الشهر الجاي تبلغينا بحمالتج ياااااااااااااارب

اللهم ارزق كل محرومه بالمنتدى عاجل غير أجل يارب

 

[هتووف]

اهلين الفارسيه
امس رحت الدكتور عطاني الحبوب اللي تنزل الدوره اكلهل لمدة 5 ايام بعدها تنزل ومن ثاني يوم بيعطيني ابر منشطات

 

[Dloool_q8]

تسلمين الفارسيه عالموضوع الحلو

اانا ما ااخذ علاج ولا شي لاني حللت وما يني شي بس ريلي ما حلل بس ااخذ قشعه من ثاني يوم لي رابع يوم عالريج تقوي المبايض