تبخرت احلاااامي ....... اه ع الزمن القاسي

[ادمر قلبي]

شخباركم بنات ... ان شالله طيبين
بصراحه وودي اكتب ماافي بخااطري لاني مليت من الصمت تعبت نفسيتي
انا بدوون طبعاا بتقولين ... اف شنو اشتبي هاذي وياغريب كوون اديب
احناا الحمدالله راضين بقضا الله وقدرة الحمدالله ع كل حال هذا ابتلاء من رب العالمين اللهم لا اعتراض
بس احنا سنة عن سنة قاعد نكبر لنا احتياجات لنا هدف بهل الحياة انا صارلي سنتين تخرجت من التطبيقي واخواني بعد واحد بنوك والثاني محاسبه
بس المصيبه مااكو وظايف تعبنا واحنا نقول تعبنا اجددنا راحوو وماتووو واباءنا كبرووا وماكو حل
احنا جيلنا بدينا نكبر يوم عن يوم انا الحمدالله توظفت صارلي سنتين في احدى اللجان سكرتيرة والله انه كل شي علي تسجيل متابعة الخدامة ابيع مقصف اسوي الحسابات محاسبة انتظار بنهاية الدوام اسوي دورات يعني كل شي اللي يبونه وحتى في عندي مديرتين واحده منهم اطبع لها مجلات بحكم ماتشوف الخط الصغير واسهر الليالي عشان اطبع من غير المتابعة للطلبه يعني كررف كرف طبعا ايام الاجازة يدقون علي باي وقت واسوي لهم شغل اللي يبونه ماكو لا حمد ولا شكورا الحمدالله راضية اول ماشتغلت كان معاشي 70د.ك .... معاش خدامه الحمدالله وبعد شهر زادوني صار 80د.ك وبعد سنة تخيلوو طلبت زيادة بحكم انه كل شي غلا ردو علي قالو نقدر نجيب واحدة من البدون اتنظف البيت وتسوي اللي نبيه 50 د.ك انا سكت ودمعتي بعيني قلت ماعليه اهيه قلبها طيب بس ماخذه عن البدون عادي اي شي يشتغلون بعدين زادووني 100د.ك قبل سنة واللحين بكمل السنة الثانية وما شفت ولا زيادة ولاشي والله قاعد احاول اني اخش منهم عشان بسوي ليزر لعيوني وابي ازرع اسنان واسوي تقويم يعني سنتين مو قادرة اسوي ولا شي بحكم كل شي غالي واهمه يدرون انه انا ماسكهم مكانهم والله اهمه واحده تجي يوم واحد في الاسبوع ماتدري عن اي شي حتى الاعلانات انا احاول اوزعهم ع الناس وكل هذا ماعمرهم فرحوني مرة واحده جابتلي عطر رجالي مفتوح وقلم يعني هدية ... جزاها الله خير قطيتهم بصراحه تقولي هديه بسيطة
قبل 4 شهور سافرت الخدامه وانا اسووي الشاي والقهوة بحكم عندنا دروس واوزع الحلووو ولا قالوا مشكورة حتى لما سافرت قالو وي شلون ع الشاي والقهوة واحده منهم تقول انا صايمة ماقدر لازم اشرب شاي قلت ولا يهمج عادي اسويهم وصج كل شي جاهز يحصلونه
واللحين طريقه جديده عندهم واحده فيهم ماسكة مسجد وخليتني انا اتفق مع الداعيات يعني هذا شغل بعد خارج عن عملي

بنات انا ماكتبت لكم الا اني مضايقة حيييييييييل ماحد يبي البدون واالله طلع فيني 6 شيبات من كثر الهم والغم وانا توني عمري 24 سنة انا مابي اظلمهم اهمه يعني طيبين بس فيهم هل العيوب
نبي حل للبدون والله اني تعبت ومليت وقسم الله جدتي تقول اول كانت مع ابوها تقول نرعي الغنم اجانه واحد وقال جنسية قاله مابي هل الورقة كانواا متخلفين واحنا اكلناها
وقالوا ديوان الخدمة فتح للبدون اخر شي طلع جذب بجذب زين احنا من ووين بنعيش كل شي غلا واحنا قعدين يدوسون علينا يوم عن يوم احس نفسي مكسووورة حيييييييييييييييييل لما اشووف اخواني بلا ووظيفة صبرنا ليه متى ليه متي واللي تقول روحو قطر افتحووا جناسي ... اقول لها حبيبتي هاذي ديرتنا والله لو يعطووني ملايين مااتركها عبالج احنا طماعين لا والله نبي وظايف ناكل منها مانبي الراتب العالي نبي راتب يكفينا ناكل ونشرب منا ع الاقل كل شي غلا
ع الاقل احنا احسن من غيرنا في ناااس تخش بالفلووس وتروح ديرتها تشتري بيت وتسووي مشاريع بخير الكويت بديرتها
انا اعرف واحده ماخذه كويتي سويت بديرتها مشروع حطت اخوها سايق ومرته المديره شفتوو وين خيركم ووصل واحنا البدون لوتشوفون الدينا عندنا تقول من وين لكم حتى بالارض تبون اضيقون علينا ... ترى ع فكرة الله مووجود

اعذروني بنات بس كنت بفضفض ادر ي انه الكلام مايفيد ولاانتو بيدينكم شي بس بقول
ارحمو من في الارض يرحمكم من في السما ء
ومن فرج عن مسلم كربة فرج الله عنه فرج من يوم القيامة

 

[A-b-c-]

الله يفرجها عليكم ويعينكم وتفاؤلو الحين في بعض النواب متبنين هالموضوع وانشاءالله يوصلون لحل يرضي الجميع ..

 

[pink Barbie]

حبيبتي عاد في وظايف حق البدون ومطلوبين جم مره يوصلني برودكاست والا بالتويتر وظائف للبدون
انتوا لا تسجلون بالديوان انا كويتيه وماطلع اسمي صارلي سنين انطر :ch12: خل اخوانج يفترون بالشركات والصراحه معاشج شووووووويه حده شويه الحمدلله على النعمه بس ما توقعت لي هالدرجه ظاالمينكم .... ومثل ما قالت لج البنيه ان شاء الله النواب يوصلون حق حل للموضوع
والله يفرج همكم امين يا رب :**:yaaaaaarb:

 

[رشــــة مطــــر]

الله يرزقكــم من وآآسع فضلــة يآآآرب

 

[سفييره الكويت]

والله عورتي قلبي وانا اطالب انكم تتوظفون على الاقل تقدرون تعيشيون ..

روحي لاعضاء مجلس الامه يمكن احد فيهم يفيدج..!

 

[أعشقه]

وش سالفه هالي بدون انا مو فاهمه شلون يعني
واذا بدون يعني ليه يتعاملون كذااا
يعني مو بشررر مو من حقهم يعيشووون
ليه كل هالتعسف وهالتعذيب ..
الله يكون في عونكم .ز صدق لا قالو خيركم لغيركم ..
وانتو اهل البلااد جلسو طروو ولا اشتغلو خدمات عشان تحصلون ع لقمة العيش
يارب سترك وعفوك بس وش هالحال الي وصلنا له
وكلي امرك لربك بيجي يوم والله يغير هالحال لك ولغيرك

 

[تواضع انثى]

اختي البلاء يعلمك الدعاء والتقرب من رب العالمين لعلها هاذي الحكمة والله اعلم

اكثرري من الاستغفار وحده ارمله قعدت 6شهور عالاستغفار وربي رزقها من حيث لا تحتسب >>>بجيب لك القصة

ولاحول ولا قوة الا بالله هاذي كنز لك بالجنة وتغير احال باذن الله....

ولاتنسي الدعاء بالثلث الاخير من الليل وان الله كريم وبيده الرزق الفلوس وزيادة الرواتب مو بيد مديرتك ولا غيرها

هاذي رزقك وبيد الله الله الرزاق اسليه انه يغنيك من واسع فضله قولي اللهم اكفني بحلالك عن حرامك واغنني بفضلك

عمن سواك والله ان ربي مابيخيب ظنك وارجع اذكرك لعل الله ابتلاك عشان يرجعك لطريق الحق او يعلمك درووس الله العالم

وش السبب حتى اخوانك وصيهم بالاستغفار تدرين ان امي تقولي مرة قرات في كتاب عن الرزق وكا يوم وصلت الا سباب

تدرين وش لقت اول اسباب الرزق الاستغفار سبحان الله بس الاستغفار انتي قوي ثقتك بالله وابكي في سجودك وتضرعي لرب العالمين

والله رحيم بيك اكثر من نفسك الله يسعدك دنيا واخره ويفرج كربتك انتي واخوانك ويفرح امك فيك...اللهم امييين

 

[تواضع انثى]

قصـة واقعيـة
هناك امرأة قالت:
ما ت زوجي وأنا في الثلاثين من عمري
وعندي منه خمسة أطفال بنين وبنات ، فأظلمت الدنيا في عيني
وبكيت حتى خفت على بصري
وندبت حظي ..ويئست ..وطوقني الهم
فأبنائي صغار وليس لنا دخل يكفينا
وكنت أصرف باقتصاد من بقايا مال قليل تركه لنا أبونا


وبينما أنا في غرفتي
فتحت المذياع على إذاعة القران الكريم
وإذا بشيخ يقول : قال رسول الله صلى الله عليه وسلم
(( من أكثر من الإستغفار جعل الله له من كل هم مخرجا ومن كل ضيق فرجا ))
فأكثرت بعدها الإستغفار
وأمرت أبنائي بذلك
وما مر بنا والله سته اشهر
حتى جاء تخطيط مشروع
على أملاك لنا قديمه
فعوضت فيها بملايين
وصار أبني الأول على طلاب منطقته
وحفظ القران كاملاً
وصار محل عناية الناس ورعايتهم
وأمتلأ بيتنا خيراً
وصرنا في عيشه هنيئه
وأصلح الله لي كل أبنائي وبناتي
وذهب عني الهم والحزن والغم
وصرت أسعد أمرأه
:
:
منقول للشيخ عائض القرني
نعم إنها أعجوبة الاستغفار التي غفلنا عنها
============================== ==================
يقول أحد الأزواج ::
كلما أغلظت على زوجتى أو تشاجرت أنا وهي أو صار بيني وبينها أي مشكلة أهم بالخروج من
البيت من الغضب ....... ووالله لا أفارق باب العمارة إلا وتجتاحني رغبة شديدة في الذهاب للإعتذار منها
ومراضاتها............أخبرتها بذلك فقالت لي: أتعرف لماذا ؟؟
قال لها : ولماذا ؟
قالت بمجرد أن تخرج من الغرفة بعد شجارنا ألهج بالاستغفار ولا أزال أستغفر حتى تأتي وتراضيني
نعم أخيتي انه الاستغفار الذي قال عز وجل عنه (( وما كان الله معذبهم وهم يستغفرون ))
ألا يستحق أن يكون أعجوبة
============================== ========================
روى الشيخ خالد الجبير استشاري امراض القلب هذه القصة التي حدثت له :
أنه كان معرض للتقاعد من عمله وهناك خمسة أطباء من اللذين يعملون معه في نفس المشفى
كانو يكنوا له العداوة وأرادو خروجه من العمل .. وعندما عرض له الخبر أصبح مهموما ضائقا شديد
الكرب
ذهب للمسجد وقت صلاة العصر وعندما خرج تذكر شيئا ً ,,,قال في نفسه -- الأن كل الناس المرضى
يأتون إلي لأعالجهم وأنا الآن لا أستطيع أن أعالج نفسي من الهم الذي أصابني__ وتذكر الاستغفار
وجعل يردد (( استغفر الله الذي لا إله إلا هو الحي القيوم وأتوب إليه )) وعندما وصل لبيته يقول :
ما إن أمسكت مقبض باب المنزل حتى أحسست براحة واطمئنان عجيبين يسريان في داخلي ....... يقول
الدكتور..... ولم تمض بعد ذلك سوى سنتين إلا وقد حدث للأطباء الخمسة ما حدث...
فقد مات أحدهم
ونقل الآخر من عمله
وتقاعد الرابع
واعتذر أحدهم من فعلته
وفصل الأخير من الوظيفة ..............!!!!
سبحان الله كل ذلك يفعله الاستغفار
أين نحن من قوله تعالى


فقلت استغفروا ربكم إنه كان غفارا}
- يرسل السماء عليكم مدرارا
- ويمددكم بأموال وبنين
{- ويجعل لكم جنات ويجعل لكم أنهارا سورة نوح
============================== =========================


يامن طلقك زوجك ظلما
ويامن حرمت من الأولاد
ويامن تريد الزواج
يامن تريد فرج الله من الهموم التي ألمت بك
يامن ضاقت عليك الأرض من المصائب
تذكر أن الله معك ولن يخيب رجاءك بالاستغفار
وأن جميع ما أصابنا من مصائب الدنيا إنما هو بذنوبنا فالنستغفر الله لتزول عنا
وأبشري بعدها بالفرج​

 

[انونا]

حبيبتي صج عورتي قلبي


بس نصيحه اذا بتسوين شغل سوي الي عليج لا تسوين شي ازياده

واذا قالولج شي قوليلهم ماكو ليش اسوي ومو قاعده احصل شي حاطتكم بعيوني وكل شي
ومو طالبه غير كلمت شكر مستخسرينها علي تستغلون حاجتي بطريقه مو حلوه ما يصير جذي واذا اهم اوادم بيحسون علي دمهم
وانا كذا مره قريت ان يبون وظيفه حق بدون تقدرين تغيرين الشغل دوري ولا تستقيلين الا اذا ضامنه مكان ثاني
وصح روحي حق الاعضااء خل يساعدونكم في هيئات وشركات تبي موظفين عالاقل ١٥٠ او ٢٠٠ دينار كل شهر وغير العلاوات والمكافاأت

 

[جنون العاطفه]

الله يفرج علييج ​

 

[لمى الهاجري]

عفوا بس متى قطر فتحت الجماسي اول مرة اسمع الخبر

 

[دلوعة أبوهآ]

عليكِ بالدعآء وآلله يفرج همك

 

[الزيـــــ^^ـــــن]

والله ياوخيتي اذا انحلت قضيه فلسطين تنحل قضيه البدون
مايحس فيهآ الا اللي مجرب المعاااااااناااااه
حسبي الله ونعم الوكيل ع كل ظالم

 

[روان المطيري]

حسبي الله ونعم الوكيل ...
والله لو منج اروح قطر اعيش حياتي ماكله وشاربه بكرامتي ولا احد يمسني بشعره
ولا اقعد بديره لا يقدرون ولا حتى معطيني نص حقوقي حبيبتي لا يروح عمرج ورا
المراكض بين فلانه وعلانه الله ما يرضى تهلكين عمرج ..
فكري بكلامي عدل ولا تقولين ديرتي وجماعتي ما اشوف ديرتج ولا جماعتج
نفعوج وما خلوج تحت رحمة الناس عشان 100 دينار @@!

عزي نفسج وصوني كرامتج العمر مره وحده ولا احد يزعل من كلامي هذا
الصج ديرتها خذت منها ما عطتها

الله يفك ضيقج ويوفقج ي قلبي .. ♥

 

[that night]

والله ولا منه الناس و هالكرف اخذولكن جناسي كنديه و ارتاحوا و الله يفرج همج بس شتسوين حطوا اعلان بالوسيط حق اخوانج يدورون على شغل ترا الدنيا فيها خير و دوري بتويتر راح تلاقين وظايف حق اخوانج او حقج صدقيني و اذا شفت اعلان وظيفه بدزه حقج عالخاص و في ناس وايد يبون وظايف يعني مثلا تاجره تبي وحده تعرض اغراضها بمعرض يعني نقول اكثر شي اسبوعين و هم اطلعيلج مبلغ زين و وظيفتج موجوده و انشالله خير لا يضيق خلقج ما تضيق الا تفرج انشالله انا بحاول اساعدج لا يضيق خلقج *

 

[قمر بيت أبوها]

الله يفرج همك وان شاء الله تنفرج من عند رب السموات

 

[هدوووشه]

حسبي الله ونعم الوكيل ...
والله لو منج اروح قطر اعيش حياتي ماكله وشاربه بكرامتي ولا احد يمسني بشعره
ولا اقعد بديره لا يقدرون ولا حتى معطيني نص حقوقي حبيبتي لا يروح عمرج ورا
المراكض بين فلانه وعلانه الله ما يرضى تهلكين عمرج ..
فكري بكلامي عدل ولا تقولين ديرتي وجماعتي ما اشوف ديرتج ولا جماعتج
نفعوج وما خلوج تحت رحمة الناس عشان 100 دينار @@!

عزي نفسج وصوني كرامتج العمر مره وحده ولا احد يزعل من كلامي هذا
الصج ديرتها خذت منها ما عطتها

الله يفك ضيقج ويوفقج ي قلبي .. ♥

معاها :eh_s(15):

 

[*caramel macchiato*]

الله يعينكم ويفرج عليكم....

 

[!الجادل الصعب!]

آول شي الله يكون بعونكم يآرب وتنحل هالمشكله ..
عندج الي مآتنام عينه .. آكثر من الاستغفآر وربي يفرج آموركم
وحبيبتي .. آذا في مجآل تروحون قطر تآخذون جنسيه انا رايي لا تطوفون
الفرصه لا تظلمون عيالكم مثل مآ اهاليكم ظلموكم بدون قصد ..
انتي الحين فآهمه و واعيه الحياه .. الكويت منو كآن فيهآ .. مو كآنت صحرآ و
النآس هآجرت بالتتآبع لهآ .. وصآرت ارض و حكومة وشعب ..
يعني محد نبت من هالارض .. الحمدلله الي ربي كتب لنآ نعيش
فينآ بس لو رزقتنآ بمكآن ثاني بنتبعهآ ولآ اقعد علا امل تنحل المشكله الي مآراح تنحل
من الثمآنينآت ..!
*

 

[سحـورة]

أمس كنت أقرى عن البدون اللي فالكويت
بصراااحه .. ظلم ظلم ظلم
حقوق الإنسان مهمشه عندكم بشكل كبير !!!!
خلو البدون ف جهه / نحن فالأخير " إنسان "
و الإنسان له مسؤليات ومتطلبات صح ولا لاء ؟ واحد يقول
يطلبون من البدون : ماجستير ودكتوواره وغيره !!
ونحن حتى الجامعات ممنوعه عندنا , ف من وين نجيب لهم شهادات بهالمستوى ؟
آااه يااارب حدّ من الشيوخ يستيقظ لهالقضيه اللي صارت تعدم حياه الشخص
و تسلب منه حقوقه الكامله للعيش و التأقلم



يــــــــــارب تنحل أموركم عاجلا غير آجلا
يارب تنعمن بحياه كريمه هنيئه .. يارب تتحق مطالبكم
آمين :")



ياريت كنت أقدر أساعدج جان ماأتأخرت عليج