تبون نادى نظيف وفيه خصوصيه وراقى ورخيص جدا.....تعالى

[حضن امى]

هلا وغلا فيكم اخواتى
اخواتى فيه نادى بالسالميه واييد نظيف وراقى وفيه خصوصيه للزوبون وانا تونى رايحه له من يومين وعجبنى حيل وممكن تلعبين بالالعاب وترقصين ومع المدربه بروحج واخر شى اذا تبين بوفيه من المشروبات الساخنه اوالبارده وكل هذا
ب20دينااروعندها جلسه لاحراره كانك ماشيه ساعه او ساعه رياضه يعنى بالجهاز الحرارى الجلسه ب 5دنانير
العنوان السالميه معهد داما الصحى ش دوار البحرين الرقم 5757651@6615559

 

[supermarket]

20 باليوم والا شنو

وممكن تفصيل اكثر عن الجهاز الحراي

 

[حضن امى]

لا 20 دينار بالشهر
الجهاز عادى يدهنون جسمج بالدهن التخسيس وبعدين يلفون جسمج ويشغلون عليج الجهاز يعنى عااادى جدا

 

[عبير العبورة]

زين اختي انتي جربتي هالجهاز

 

[دهن الورد]

ودي اروح بس زوجي ما يرضى يا بنات شلون اقنعه

 

[دهن الورد]

ودي اروح بس زوجي ما يرضى يا بنات شلون اقنعه

 

[monera]

يعطيج العافية على الافادة
من يومين رفيجتى قالتلى عنه وبتروح تشترك ......

 

[ناني سيكرتس]

الي تروح تقولنا عن الوضع هناك.

 

[^كويتية^]

مادري بس انا عندي ان المعروفين أضمن يعني مثل تشامبينز .. له سمعته وزباينه ... يعني مادري بس مجرد راي

 

[فتون علف]

20 دينار بالشهر!!!! وايد رخيص شدعوه!
انا اخاف من الاماكن اللي تصير اسعارهم رخيصة بشكل مبالغ فيه مادري ما اتطمن
بس عموما مشكورة على الافادة وهم ديري بالج

 

[C.A.N.D.Y]

مشكوره حبيبتى ومو شرط كل غالى مضمون وكل رخيص فيه أنه

 

[الاسطورية]

اممبيه رخيص غريبه

 

[حضن امى]

يا بنات انتوا ليش تحكمون بدون ماتشوفون المكان
احب اقولكم انى وحده اخاف الله فى الامور الصالونات واحب اقولكم انى شفته صدفه وانا نازله من صديقتى يعنى ساكنه فوقهم وتبون الصج والله العظيم ان صديقتى حيل تمدح فى اخلاق بنات الصالون لانهم لبنانيات وحيل راقييين فى تعاملهم مع الزباين ورحت وشفت وتطمنت
اما ليش رخيص احب اقولكم انهم توهم فاتحين واكيد يبون زباين وبعدين اعتقد راح يغلون الاسعار وسلامتكم وتعيشون

 

[عسولة الكويت]

ودي اروح بس زوجي ما يرضى يا بنات شلون اقنعه
نفس الشي شلون اقنع زوجي ؟؟

 

[الكويتـ80ـية]

حبايبي مو كل رخيص مو زين شفيكم ...بالعكس
و الله شوقتيني
جم جهاز عندهم ؟؟ اخاف ماكو وايد اجهزه .
وين مكانه بالضبط؟

 

[NAJLA]

قررت اروح يوم الاثنين اشوف المكان وابلغكم الى ازواجهم ما يرضون

 

[برميتا]

ثنكيووو حبووبة

 

[أم بدير]

المكان صغير؟
الأجهزه فيه وايد؟
فيه حمام سباحه؟
المبنى يديد؟
في مواقف؟​

 

[مابي كيفي]

اي نفس السؤال عن حمام السباحه

و شلون بس الرقص الي بروحج ..؟

يعني بصراحه انا ادور نادي اللبس فيه شوي شرعي ..

 

[supermarket]

بانتظاااار تقرير نجلا عن النادي