تبيض الأسنان

[ام قوبي]

قوة بنات شلونكم شخباركم حبيت اسألكم منو منكم جربت تبيض الاسنان ... وين احسن مكان ... وشنو الاحسن القالب ولاالليزر.... عفيه مو طنشوني ردوا بسرعه

 

[شدن76]

مشاركة: تبيض الأسنان

أنا جربت التبييض باليزر عند الميدان
الله لايخسر 180دينار على الفاضي بعدشهر ردت اسناني نفس ماكانت
بعدين جلسة التبييض متعبة ساعة كاملة وانتي منسدحة وفاتحين حلجج على جهاز شكبره
حاطينه على الاسنان وظلمه لازم يطفون الليتات وماتقدرين تتكلمين
و بعد الجلسة تبتعدين عن كل الاكلات الي فيها صبغة ولون لمدة شهر مثل الشاي والكاتشب والكولا
انصحج في عندهم مجموعة تبيض من غسول ومعجون وجل اتوقع بعشرين دينار يجي لونها اززرق
سمعت انها زينة بس صراحة ماجربتها اتمنى اكون افدتج

 

[ام قوبي]

مشاركة: تبيض الأسنان

مشكوره حبيبتي ما قصرتي

 

[جارة القمر]

مشاركة: تبيض الأسنان

القالب

وايد أحسن

 

[ام قوبي]

مشاركة: تبيض الأسنان

ادري انا القالب احسن لان رفيجتي من سنتين مسويه وشحلوهم ما تغير لونهم

 

[الزين كويتي والدلع جهراوي]

مشاركة: تبيض الأسنان

شنو القالب ؟

 

[ام قوبي]

مشاركة: تبيض الأسنان

حبيبتي القالب حق الاسنان ينلبس فوق وتحت ويكون شفاف وتحطين الماده المبيضه مده ثلاث ايام وتبيض واهي يقولون افضل من الليزر وارخص

 

[الزين كويتي والدلع جهراوي]

مشاركة: تبيض الأسنان

اهااااااااااااا فهمت


مشكوره صابرينا حبيبتي

 

[bedour18]

مشاركة: تبيض الأسنان

انزين بنات ، سوالف التبييض هي صج انها تشيل من طبقات المينا من الاسنان عشان جذي تصير ابيض من قبل؟؟؟؟ انا خاطري حيل ابيض اسناني بس خايفة من هالشغلة .

 

[ام قوبي]

مشاركة: تبيض الأسنان

والله انا بجرب والله يستر بجرب القالب انشالله

 

[أوشال]

مشاركة: تبيض الأسنان

انزين بنات ، سوالف التبييض هي صج انها تشيل من طبقات المينا من الاسنان عشان جذي تصير ابيض من قبل؟؟؟؟ انا خاطري حيل ابيض اسناني بس خايفة من هالشغلة .

وأنا بعد نفس السؤال ؟؟
خاطري اسووي نفس الفنانات تلاقين اسنانهم صف لولو يلمممع