تبيض الاسنان

[ريـــــف]

السلام عليكم


بنات منو سوت تبيض اسنان ؟؟ وبأي عياده وجم اسعارهم ؟؟

انا ودي اسوي بس للحين محتاره اروح اي عياده

اللي سوت تفيدنا

 

[كاكاوة سايحة]

سويتها بعيادة الميدان ...السعر الأصلي 180 دينار و كانو مسوين عرض مغري ب120 أو 130 نسيت والله :eh_s(10): ويشمل جلسة تنظيف أسنان (مهمة قبل التبييض) و جلسة التبييض + هدية معجونين لتبييض الأسنان و أقلام تبييض فورية ... طبعاً أول شي تاخذين موعد حق تنظيف الأسنان... بعدين تاخذين موعد حق التبييض (ممكن بعدها ب3أيام) ...جلسة التبييض تاخذ منج ساعتين و نص ... راح يعطونج كتيب فيه تعليمات مثل (لا تاكلين أي شي ممكن يبقع قماش أبيض لمدة يومين على ما أذكر مثل القهوة و الكتشب و الشاي).
في 3 تقنيات مرخصة لتبييض الأسنان و هي برايت سمايل و زووم و الثالثة مادري شسمها ...عيادة الميدان تستخدم برايت سمايل وهي التبييض بالضوء الأزرق.... تقدرين تعيدينها كل سنة أو كل سنة و نص ... آنا السنة إلي طافت سويتها بس شايفة إنهم لي ألحين بيض و كل من معجب فيهم فما في داعي للخساير.

 

[سكـ الليل ـون]

مادري سمعت أن التبييض مو زين على الأسنان ؟؟
مع أني ودي أبيض أسناني

 

[HASB_83]

ريف مشكوره على الموضوع
والله حتى انا افكر اني ابيض ضروسي بس مادري من وييين

ككاوه سايحه خوش سعر والله!!! اتوقعوون ليلحين!!

 

[كيوت_25]

كاكاوه سايحه اسنانج صارت حساسه ولا لا؟

 

[كاكاوة سايحة]

كاكاوه سايحه اسنانج صارت حساسه ولا لا؟

شوفي...بعد الجلسة مباشرة تحسين إن أسنانج ما تتحمل حتى الهوا فأذكر إني طول اليوم مسكرة حلجي...بس اليوم الي وراها عادي قمت أطلع أسناني بكل فخر:d أولت الأيام حسيت إن جنه أسناني أصفروا زيادة ... بعدين لا عادي مادري شلون ينقلبون بيض مادري آنا كنت اوسوس ... بس هم بالعيادة يصورون اسنانج قبل وبعد التبييض علشان تشوفين الفرق وصج في فرق...العبرة بالنهاية..ألحين كل من يقولي أسنانج حلوين.

 

[المرجان]

اناعندي عقدة ممن اسناني مع ان صفتهم وايدحلوةبس لونهم اصفر وهذا للاسف لونهم الطبيعي يعني ما ادري يفيد معاهم التبيض ولا لا

 

[كاكاوة سايحة]

اناعندي عقدة ممن اسناني مع ان صفتهم وايدحلوةبس لونهم اصفر وهذا للاسف لونهم الطبيعي يعني ما ادري يفيد معاهم التبيض ولا لا

مادري يتراوالي مافي أحد ينولد لون أسنانه أصفر...بس إنتي قبل لا تسوين التبييض يورونج مثل شريط عليه درجات الألوان و يورونج درجة لون ضروسج و يورونج لي أي درجه راح يبيضون ضروسج و يصورون ضروسج قبل و بعد :d

 

[احلى قمر]

انا خالتي راحت لدكتور كانت تبي تسووي تبيض اسنان فرفض
وقال انها راح تضر اسنانك
واغلب اللي يسونها الفنانين والمشهوريين لانهم يطلعون بالتلفزيون
لكن هي خطيره على الاسنان
وانا والله ما ادري اذا هذا الكلام صحيح او لا

 

[*مــرتـاحـة أحــبك*]

عادي تبييض الكل يسويها
انا ان شالله بسويها رحت عيادة ميدان
قالوا ب 200 دينار وكنت بحط كريستاله
بعدين هونت لانها موضه وراحت ..