تبين اعيالج متفوقين؟ تعالي إنعلمهم الأحرف والأرقام من الروضه مع الفنانه@ بالصور@

[um hamed]

ما شالله عليج
ان شالله بس خلي ولدي الصغير يكبر شوي واطبق طريقتج_03ba:
لان ماشالله اخوانه كبار بالابتدائي

 

[ريماا]

مشكووووووووووووورة عالمجهود فكرتج روووعة
وشجعتينى انا حييييل كنت محتارة بالصيف اشلون بدرسهم؟ وكنت اقول بدخلهم معهد بس اخاف عليهم
انا ببدى معااج بس قوليلى شنو خطتج؟
متى نبتدى؟ وجم حرف باليوم؟ ومتى الاحرف الانجليزية ومتى العربية؟
ونفس الشى الارقاام؟
انا عندى ولدى الكبير يروح قريد ون اهو حافظ بالعربى والاتجليزى بس مرات يعكس الاحرف او الارقام
اما الصغير كى جى 1 حافظ كل شى بس مومتمكن من الكتابة
يعنى كل واحد يبيلة خطة دراسية...وبسالج فى كتب ماث؟
بروح المكتبة ان شالله وبشترى الكتب التعليمية..انتى متى ابتدين ؟

 

[om al ghaleen]

انتي مثل طريقتي عندي كل الدفاتر التعلميه واليوم بعد اخذتهم من مكتبه بيان حق الأنجليزي
بس فكره ستاار حلووه انا احطلهم بنفسي نجووم صج تشجع

تسلم ايدج والله لايضيع تعبج ياارب

\\

 

[البرنسيسه77]

والله انا اايدج على هالطريقه وحلو اهتمامج بعيالج بس واضح من طريقتج ان ولدج بكر يعنى اول واحد انا عندى عيال بالمتوسط والابتدائى ولاهيه معاهم ودوامى عصر يعنى ما عندى وقت احك راسى وعندى ولد السنه الجايه اولى ابتدائى انشالله بس مدخلته روضه خاصه لكن روعه معلمينه الكتابه الاحرف والارقام عربى وانجليزى بس لازم اراجع له علشان ما ينسى المعلومات بس والله ما كو وقت

 

[أ.س.م.ا.ء]

يزاج الله خير والله يعطيج العافية ويبلغج بعيالج بلاغ الصالحين
قولي آآآآآآآآآمين

 

[فرح العجرف]

:ggdw::ggdw:

ماشاء الله

موفقه

 

[ام الغالين]

الله يعطيج الف عافيه مشاء الله علييييييييييييييييج بالج وسيييييييييييييييع

 

[احلى^فراولة]

واااي الفنانه بعد ئلبي حيل حيل روعه طريقتج ان شالله اذا ربي رزقني بعيال بسوي نفسج ادعيلي

":>

 

[حلم الطفولة]

موضوع وايد حلو .. وجهد ملحوظ .. وطريقه اتهبل .. مشكوره وايد ..


آنا نفسج يوم عيالي صغار كنت اشتري من المكتبات (( مكتبة المثنى )) كتب ودفاتر جاهزه مطبوع فيها الأحرف والأرقام وفيها ينسخ تحتهم الطفل ..,,
و كتب تعليميه فيها الأشكال والألوان .... ,,

روحي شوفي بعد مكتبة ( teachers sellers) بالمثنى فوق بيتزا هت .. روعه راح تفيدج ان شالله ..
ومشكوره حبيبتي عالموضوع .....

 

[الفنانه79]

حيااااااااااااااكم الله بعد قلبي

والله وايد شجعتوووووووني الصراحه

ريما يالله خوووش انا معاح مع بعض


انا بديت يوم اعطيهم حرف انجليزي ويوم عربي بس مابديت بالارقام قلت اخل من الاحرف بعدين ابدي

 

[رفرف]

الموضوع رووووعة فنانة ..
ولي عودة انشالله بافكار تعجبج لأني اتبع نفس الطريقة مع بنتي ..

 

[سيدة الكويت]

جزاج الله خير خوش موضوع


الله يهدى عيالنا كلا مالهم خلق حق اى عمر تقريبا

 

[ريماا]

انا بعدى ماشريت كتب
بشترى هاليومين وببدى كل يوم حرف مثلج مومستعجلة الانهم لى الحين يداومون وعندهم هوم ووركات وولدى الكبير الحين بادين يملونة بالعربى جملة فأقعد طول الاسبوع اعلمة عشان الاملاء فماابى اضغط علية ببتدى معاة الشهر الجاى يكون كلة مراجعات واضغط علية زياادة بالعطلة
وبتبع طريقتج..بسوى مثلج بما انة حاافظ بس يخربط اشوى بعطى كل يوم حرف وعدد

 

[الفنانه79]

up

up

up

up

 

[د.شريفة]

مشكوووووووووووووووووووره نفس الطريقه اللي قاعده اتبعها مع ولدي صارلي اسبوعين
الله يوفقهم ان شاءالله

 

[الفنانه79]

للرفعععععععععععععععععععععع

 

[نورالقمر24]

انه بنتي ماتعرف تمسك القلم اماتعرف وله حرف حاولت بس اتعاند اونطقها للاحرف ميح[ /color]اوحاولت معها اخطلها الحرف هم مافي فايده شسوي معها

 

[78MariMar78]

فعلا فنانة
ماشاءالله
طريقة تهبل

ان شاءالله بسوي مثلك مع الصغيرون بس يخلص أخوه امتحانات
يعني ببدى بآخر شهر 6

وربي يجعله في ميزان حسناتك...

 

[moaze]

ماشاء الله تبارك الرحمن
طريقتك رائعة ومنكم نستفيد
بارك الله فيك وجعلك قرة عين لاولادك

 

[رفرف]

انا اعتذر قلت لي عودة ولعيت مع ظروفي ..
بس شوفي عندي جم فكرة وانشالله تعجبج ..


اول شي عندي لوحات للحروف العربية والانجليزية والارقام من حبيب القلب وصديق المدرسات بو100 انا معلقتهم على طوفة غرفة الالعاب مالتهم ..
ومسوية ديزاين الغرفة جنها صف روضة وكلها وسائل والعاب هذول علشان يجابلونهم طول اليوم ويركزون بمخهم ..
حاطة كاولة وكراسي حق الكتابة والتلوين ملوت ايكيا ..
ومعلقة وايت بورد وفي وايت بورد ثانية بس مو معلقة متنقلة ..

ثاني شي عندي نفس دفاترج ملوت الحروف والارقام وزيادة عليهم جمع وطرح لأن الروضة معلمينها .. هم من بو100 ..
بس انا بالبيت ما اقعد ادرسها لأنها تمل .. شسوي ؟؟
نخليها لعبة اهيه الابلة وانا الطالبة او العكس .. او مرات اختها المسكينة اهيه الطالبة ..

اسويلها نفس المدرسة ..
الوان مائية + الوان اصابع + كرايونز + خرز وصمغ وترتر وشرايط وتكتب مثلا الحرف وتزينه وتلونه ..
او تسوي تاج أميرة بالورق وتكتب عليه كلمة ..
وعندهم لوحات صغار من بو100 على شخصيات اخليها حق الاملاء احسن من الدفاتر وكل مرة اغير لها اللوحة اييبلها على شخصية مختلفة علشان لا تمل ..

الدفاتر ملوت الحروف ما اخليهم بالبيت غالبا لأن ماراح ترضى تكتب تفضل تلعب او تلون ..
بس لي قعدنا بالحديقة بره او طلعنا مطعم او مكان جذي وتتملل فيه اعطيها تكتب فيهم وتكون جدا سعيدة لأن ماكو خيارات ثانية ..

عندي بطاقات للحروف عربي وانجليزي تكون لي فيهم كلمات وفيهم رسمة الحرف الupper case / lower case

مكعبات خشب يهبلوووون ملونين من سنتربوينت كل مكعب فيه حرف وصوب الأبر كيس وصوب اللور كيس وهي ترصهم يم بعض اقولها الكلمة وتحاول تكونها بس انا شريت صندوقين منهم لأن في كلمات الحرف يكون مكرر فيها ..

العربي انا قاعدة أأسسها على نظامنا قبل اول الحروف كلللها تالي الكلمات البسيطة بعدين الكلمات اللي فيها مدود اول مد بالالف لأنه اسهل شي وجذيه .. علشان تقدر تتهجى لأن الصراحة الصراحة منهج العربي مال الحكومة مو شي ضعيف ولا يعرفون يقرون ولا يتهجون ..

وفي لعبة V.smile اتينن انا منزلة موضوع كامل عنها وايد تعليمية وحلوة لأني ما رضيت اشتريلها psp بس وفرت لها بديل هاللعبة وهم تحب تلعب فيها وشاريتلها كل الاشرطة والملحقات والحلو ان اشرطتها على الشخصيات اللي يحبونها وكل شريط لعمر معين ويعلم مهارات معينة واستفادت منها وايد ..

والقصص البسيطة علشان تحاول تتهجى الكلمات اللي فيها ..

الثواب هم طريقتي تشبه طريقتج بس انا استخدمها للسلوك مو للدراسة لأن الدراسة اخليها على لعب اكثر ماشد عليها ولا اكافئ الا على الريبورت مال المدرسة ماحب اكافئها وايد ماديا تالي المكافأة يصير مالها هدف مو مهم عندها ..
احس ردي صار وايد طويل هم لي عودة انشالله