تبين تكونين زوووغـه والكل ينبهر بطلتج نفســي .. تعـــالي أعلمج ســر جمـــااالي ..!

[لكـ الغـلا]

السلام عليكم .!

أول شي ذكرو الله لأن ما في أحلى من ذكر بي ..

بسم الله وما شاءالله .!

موضوعي عن ســر عنايتي بنفسي واهتمامي بجمالي من ,, إلى ..> فيها هوس اهتمام لوووووول

خبركم بعد حلات البنيه بأنوثتها وهالأنوثه ما تجي بالرباده لااا يبلنا اهتمام وعنايه .!!

عاد آنا وحده فيني هووووووووووس اهتمام وعنايه ..> متعتها :eh_s(22):

أحب اهتم بنفسي حيييييييييييييل بشكل خيالي وطموحي أني أروح للأستقبالات بدون فونديشن ..

والحمدالله تحقق هالحلم والكل منبهر من طلتي وربي يا بنات لوني صااااير خيييييييييييييييييييالي ..

أولا بقولكم عن لون بشرتي آنا مو بيضه ولا سمره لااا حنطيه وأحب درجة لوني وبعمري ما طمحت للبياض كثر التوحيد .!

أبي لون واااااااااااااااااااحد إيدي ما تفرق عن وجهي ولا وجهي يفرق عن رقبتي ولا رقبتي تفرق عن ظهري ..

عرفتوا هدفي من عناااايتي .. والأهم كنت أبي شغلاااات طبيعيه مابي اضر عمري بشي يفرحني وقت معين ويدمرني العمر كله .!

أولا .. بشرتي .!

بشرتي الحمدالله صافيه حلوه ما يتحاج اروح عيادة جلديه لأني ما أعاني من شي بس كنت أبي نضاره ولون واحد

إلي ستخدمته فازلين قبل النوم ..

كل يوم قبل لا أنام أدهن وجهي كله بالفازلين ..

وااااااو رووووعه شويه عليه يعطي نعومه وصفاء ونضاره للبشره رهييييب ..

ولا قعدة من النوم أغسل وجهي بصابونتي المفضله بيبي جونسون إلي باللوز.!

وعقب ارطب وجهي بكريم أولاي ..

هالمرطب روووعه خفيف على البشره وبسرعه تمتصه ما يترك أثر دهني ..

يناسب كل انواع البشره وبصراحه عجييييييييييييييييييب ..

* .. ولازم يوميا كل يوم أدهن بشرتي لو ساعه بزيت جنين القمح أو اللوز المر ..

رووووعه رووووعه شووويه عليهم يعطون نضاااره مو طبيعيه للبشره ..

ويفتحون لون البشره ويخففون من الهالات السوده مع كثرة الأستخدام ..

* .. ومرتين بالأسبوع أسوي هالماسك لكل وجهي ينعم ويفتح البشره ..

" هرده + حليب بودره " وأخليه ثلث ساعه على وجهي وااااااي عقبه بشرتي تصير خياااااااااااااليه ..

* .. ولو تلاحضون آنا ما أستخدمت سكراب أو سنفره لوجهي كلش ليش .؟؟

لأني مثل ما قلت لكم أبي شغلات طبيعيه وبس

فبدال السنفره أسوي سنفره طبيعيه مره بالأسبوع لوجهي وإهي " روب + كمون مطحون "

وأفرك وجهي ليما ينششف الماسك وعقب أغسله عادي يهبببببببببببل شويه عليه ..

(.. وهذا تقريبا برنااامج بشرتي بالكاااااامل شرااااااااايكم فيه بالذمه موووو سهل ؟؟؟ ..)

ثانيا .. جسمي .!

قبل الشور بساعه أدهن جسمي من رقبتي ليما رجولي بهالخلطه الخياااااااااااليه

إلي عرفتها من أمي وخالاتي إلي من عمر وإهم يستخدمونها والكل منبهر من نعومة أجسامهم الله يحفظهم يااارب .!

" كلونيا + جلوسيد الأحمر + علبة فازلين + علبة فكس + عصير ليمونه " ...> من كل شغله علبه وحده بس .!

تهبببببببببببببببببل عجييييييييييييييبه تنعم وتوحد اللون بشكل خيييييييييييييييال والأحلى ريحتها حلوووه مو مو لوعه .!

وقت الشور أول شي أبلل جسمي بماي وبعدين أتفرك بسنفرة كاب ..

بس شنو بأول أكون خالطه ملح الحليب ..

مع نص سنفرة كاب انتبهوا نصها مو كلها مع فنجال من زيت الجلسرين وفنجال من زيت اللوز المر ..

أخلطهم عدل واتفرك فيها عدل مدل جسمي كله وبعدين أغسله جسمي عدل ..

وعقب آخذ من الخلطه الصاااابونيه المشهور وإلي الكل يعرفها مالت مزيونه وشقره الله يعطيها العافيه ..

واتفرك فيهاا عدل مدل << إهم شي عدل مدل ما سكه معاي خخخخخ

وبعدين أغسل جسمي بشور جل بودي شوب الفانيليا لأني أحب ريحته لووووووول

وانشف جسمي عدل مدل وأرش عليه همن سبري بودي شوب الفانيليا ..

أهم شي لثبااات النعومه الترطيب الترطيب ياااا بنات أهم شي الترطيب ..

أرطب جسمي بكريم فيتامين سي الفتااااااااااك لأن عن جد فتاااااك يرطب بعمق وبسرعه تشربه البشره ..

* .. وهمن عندي عاده مهمه ويوميا أسويها للركب والأكواع السبب الرئيس بخشونتهم واسمرارهم الأهمال بالترطيب ..

ولازم ترطبون بكريم قوووووي كريم خااااص لهم لما أرطب جسمي بفيتامين سي وأخلص ..

أجيب كريم لونا المصري وأرطب ركبي وأكواعي عدل مدل ..

وهمن أرطب فيه أيديني و رجولي وألبس دلاغات لأن أحلى ما في البنت أطرافها لازم تهتمون بالأطراف .!

وبالأخير لازم المجمووووعه تكتمل ألبس ملابسي وأتش تش من عطر الفانيليا ..

وهذي طريقت عناااايتي يا بنات شغلات سهله وبسيطه وما يبلهاااا شي .!

وبيوم زوارة بيت جدي الكل ينبهر من طلتي مع أني بالزواره ما أخب نفسي لبس نعوم ونو ميك آب مجرد رتوش بس العانايه لها دور أساااااااسي بالشكل .!

شراااايكم اتمنى تعجبكم طريقتي .؟
ولااا تنسون ذكرو الله وأدعولي بالشفاء العاجل يارب .!

 

[A.N.L]

ماشاءالله عليج حلووووه عنايتج وسهله ما يبيلها شي

الله يتمم عليج ويشفيج يا قلبي

تسلمين فديتج

 

[احلى من القمر]

الله يشافيج ويعافيج ياقلب اختج انا مبسوطه اني اول وحده ترد على موضوعج الحلو مثلج

 

[حلى الرياض]

تبارك الرحمن وربي من كل قلبي اعجبتيني مشكوره يااختي الذوق

ويارب تشافيك وتعافيك

 

[حلا العتبان]

ماشاء الله عليتس عناايه تهبل
تعجبني البنت اللي تهتم وتعتني بنفسها ..

والله يشافيتس ويعافيتس يارب

بالتووفيق

 

[روح بالسعوديه]

مشاء الله عليك والله رووووعه جاري التطبيق بالنسبه لخلطه كلونيا انا احط معه زبدة الكاكاو والله يابنات رووووعه مشكوره حياااااتو

 

[shmoo5 2ntha]

ماشاء الله

الله يحفظج حبوبه

يسلموووووووووووووووووووووووووووو

 

[أم التباشير]

شكرا على البرنامج العناية
والله يشافيج من كل سوء

 

[@انا قلب بدر@]

ماشاءالله صج الاهتمام حلووووووووووووووووووويغير البنت حيييييييييييييييييييييييييييييييييييييييل عن تجربه

 

[لولا المحبه]

مآشآء الله

 

[لهفة روح]

الله يشفيك وماشاء الله بس سؤال بسيط

ابي مقادير خلطة الكلونيا بالضبط يعني الجلسوليد وسط ولا صغير والفازلين بعد وباقي الاغراض ؟امي استخدمتها قبل تقول مانفعتها
بس انتي حمستيني ياقلبي هههههه لازم اجربها


بنتظارررررررررررررك

 

[بحر الذكريات]

ماشاء الله عليج والله يشافيج ان شاء الله

 

[شغفني حبآ.~]

الله يهنييج بنفسج
ويشافيج ويعافيج ،،

يعطيييج العافيه ..

 

[يوآش يوآش]

ماشالله : )

 

[AL_joood]

جمعة مباركة على الكل -- ويعطيج العافية على الموضوع - بس بغيت اعرف اى كلونيا ؟؟؟ صغيره والا الكبيره ؟؟؟؟ الكلونيا ما تحرق الجسم احسها حااااره

 

[زعفرانه]

فعلا العنايه تغير وتحلي الوحده عن تجربه

وبرنامجك وعنايتك حلوة ما شاء الله وان شاء الله بجرب خلطه الفكس والفازلين بس راح اكنسل منها الكلونيا

وبالعافيه عليك يا قلبي

 

[حضرة سمووي]

ماشاء الله تبارك الله علييج والله يشافيييج ويعافييييج ومشكووورة بين إنو مفعولها دااائم ومافيه أحسن من المواااد الطبيعيه .....وعواااافي ياقلبو

 

[hell0 kitty=^^=]

تسلللللمممممين بس سوال شنوع الكلونيا؟

 

[titoo]

ماشاءالله والله يشفيج يارب

 

[.]

حلو ماشاءالله برنامج خفيف ومفيد..

وانا مثلج احب فانيليا بودي شوب احس احلى فانيليا شميتها بحياتي

ومشكوره والله يشافيج يارب..