السلام عليكم:eh_s(8):
دايما كانت امي تقولي لا تلعبين بشعرج هالكثر ترى بيخترب .. و فعلا اخترب كان شعري ناعم بس مع السشوار و الستريتنر و الرولات و السبراي تعب شعري بطريقه مو طبيعيه صار متقصف و ميت و ما يلمع حتى :eh_s(2):
فبديت احوس في المحلات و الصيدليات و ماتم شي ماجربته لين طحت على ذلين الاثنين اللي غيرو حياتي (او غيرو شعري يعني
) الشامبو
dove damage therapy
بصراحه انا ما اصدق الدعايات اللي عن هلون اشيا و خصوصا ان هاذي الاغنيه مالت دعايته كانت تنرفزني :eh_s(14): بس قلت يلا اشوراي خل اجربه و من اول استعمال طلعت من الحمام و احس ان شعري مرتاح و ناعم مع اني حتى ما استعملت البلسم
و بعد فتره استخدمت حمام زيت فاتيكا
حمام زيت فاتيكا للتغذيه المكثفه
اهو صج مكتوب عليه بالبيض و الخروع و مادري شنو بس ريحته مو كريهة
تبين طريقه اتخليج تدعين لي؟ فرقي شعرج جنج بتحطين حنه و حطي فيه حمام الزيت هاذي خصله خصله و بعدين رفعي شعرج و لفيه بنايلون خلج ساعتين عقب غسليه (يفضل انج تستخدمين الشامبو اللي قلتلج عنه) و ما راح تندمين انشالله
قبل فتره كنت قاعده امدح حق اختي هاذي الشامبو قامت قالتلي عن ماسك شرته من boots
انا ليلحين ما جربته بس انشالله اول ما اجربه راح ارد عليكم
المهم انا بعد بديت احط حنه و واصلت استخدام الشامبو و حمام الزيت و الحمدلله شعري عمري ما جفته هلون مايطيح و رجعتله حيويته و نعومته و احسن شي سويته اني بديت اترك السشوار الا للحالات الضروريه صرت مره اسوي شعري كبابه لين ينشف او اسوي "طاقيه" او "اشبص شعري" انشالله تعرفون قصدي :yaaaaaarb:
