السلام عليكم
شلوونكم حبايبي ؟؟
ومبرووك عليكم المنحة الأميرية :eh_s(9):
حبيت اليوم أنبهكم على شغله حبايبي لاا تغركم الدنيا وتنسون آخرتكم
لا تنسون الأسر المحتاجة والفقاره ترى اهما بأمس الحاجه حق الفلس
وعلى فكرة ترى ترى احنا اللي بحاجة هالفقارة مو اأهم اللي بحاجتنا بتقولين ليش صح ؟؟
أنا أقولج أولاََ :
لانه كل ما عطيتي هالفقير ربي ببارك لج بفلوسج ومعاشج وترى الغنى مو بكثرة الفلوس تلقين ناس دخلهم 3000 يقولولج يا ربي المعاش ما يتم اسبوعين الا وطار ليش ما سألتوا نفسكم ؟؟ باخنصار لانه ما فيها بركه والعكس تلقون ناس دخلهم 1000 والحمدلله موناقصهم شي وتلقين المعاش ما يخلص ويتم لي الشهر الياي باختصار البركة أهم شي
ثانياََ :
لانه اذا ساعدتي هالفقارة راح يصير عندج رصيد لا يقدر بملايين الدنانير وأهوا رصيدج بالآخره يعني غير الفايدة بالدنيا بتستفيدين بالاخره ويمكن يكونون سبب لدخولج الجنة ما تدرين .. والله يا بنات ما فكرتوا يوم وحسيتوا بتافهة الأشياء اللي نشتريها بأغلى الاسعار ولا نتحسف وتلقينا اذا ملينا منها قطيناها ولا جنه دافعين فيها مبلغ وقدره ومجرد ما تقطينها بتنسينها ولا جنج شريتيها بس اذا سويتي شي لآخرتج صح بتنسينه بس بتلاقينه بيوم غير هاليوم استشعري هالشي وصدقيني راح تحسين بالرضا عن نفسج وانتي قاعدة تسوين هالاعمال الخيرية لانج رااح تكونين بحاجة للحسنه الوحده اللي يمكن بالدنيا لو دفعتي 100 فلس نجيتي من اللي انتي فيه ترى الصدقه مو عالمبلغ لااا فلا تضيعين على نفسج الفرص
وثالثاََ :
لو عطيتي الفقير وفرجتي عنه راح يدعيلج ويمكن بدعوته ربي يحفظج من شر انتي ما تدرين عنه او إذا كنتي مريضه ربي يشافيج او يحفظ عيالج عن فتن هالدنيا او اذا كنتي تدرسين ربي يوفقج ويفتح عليج
ها حبايبي الحين منو اللي محتاج الثاني ؟؟
واخر شي اللي ودها تساعد بس ما عندها وقت تروح اللجان تدخل هالموقع http://www.khaironline.net/ تشوفلها اي يتيم وتدفله 10 دنانير او اي طالب علم او اي فعل خيري وترى حده الموقع سهل واللي ما تعرفله انا مستعده اشرحلها الطريقة
ويليت تنشرون الموضوع عشان الخير يعم على ديرتنا والبركة تزيد ويبعد عنا ربي عيون الحساد =)
شلوونكم حبايبي ؟؟
ومبرووك عليكم المنحة الأميرية :eh_s(9):
حبيت اليوم أنبهكم على شغله حبايبي لاا تغركم الدنيا وتنسون آخرتكم
لا تنسون الأسر المحتاجة والفقاره ترى اهما بأمس الحاجه حق الفلس
وعلى فكرة ترى ترى احنا اللي بحاجة هالفقارة مو اأهم اللي بحاجتنا بتقولين ليش صح ؟؟
أنا أقولج أولاََ :
لانه كل ما عطيتي هالفقير ربي ببارك لج بفلوسج ومعاشج وترى الغنى مو بكثرة الفلوس تلقين ناس دخلهم 3000 يقولولج يا ربي المعاش ما يتم اسبوعين الا وطار ليش ما سألتوا نفسكم ؟؟ باخنصار لانه ما فيها بركه والعكس تلقون ناس دخلهم 1000 والحمدلله موناقصهم شي وتلقين المعاش ما يخلص ويتم لي الشهر الياي باختصار البركة أهم شي
ثانياََ :
لانه اذا ساعدتي هالفقارة راح يصير عندج رصيد لا يقدر بملايين الدنانير وأهوا رصيدج بالآخره يعني غير الفايدة بالدنيا بتستفيدين بالاخره ويمكن يكونون سبب لدخولج الجنة ما تدرين .. والله يا بنات ما فكرتوا يوم وحسيتوا بتافهة الأشياء اللي نشتريها بأغلى الاسعار ولا نتحسف وتلقينا اذا ملينا منها قطيناها ولا جنه دافعين فيها مبلغ وقدره ومجرد ما تقطينها بتنسينها ولا جنج شريتيها بس اذا سويتي شي لآخرتج صح بتنسينه بس بتلاقينه بيوم غير هاليوم استشعري هالشي وصدقيني راح تحسين بالرضا عن نفسج وانتي قاعدة تسوين هالاعمال الخيرية لانج رااح تكونين بحاجة للحسنه الوحده اللي يمكن بالدنيا لو دفعتي 100 فلس نجيتي من اللي انتي فيه ترى الصدقه مو عالمبلغ لااا فلا تضيعين على نفسج الفرص
وثالثاََ :
لو عطيتي الفقير وفرجتي عنه راح يدعيلج ويمكن بدعوته ربي يحفظج من شر انتي ما تدرين عنه او إذا كنتي مريضه ربي يشافيج او يحفظ عيالج عن فتن هالدنيا او اذا كنتي تدرسين ربي يوفقج ويفتح عليج
ها حبايبي الحين منو اللي محتاج الثاني ؟؟
واخر شي اللي ودها تساعد بس ما عندها وقت تروح اللجان تدخل هالموقع http://www.khaironline.net/ تشوفلها اي يتيم وتدفله 10 دنانير او اي طالب علم او اي فعل خيري وترى حده الموقع سهل واللي ما تعرفله انا مستعده اشرحلها الطريقة
ويليت تنشرون الموضوع عشان الخير يعم على ديرتنا والبركة تزيد ويبعد عنا ربي عيون الحساد =)
التعديل الأخير:
![][°•سـζـآيب•°][](/data/avatars/m/261/261836.jpg?1621062391){kind=avatar}
