تتبيلة الكنادره اوصلت حق اللحم و الدياي ... صفطي على جنب و طلي على الموضوع...

[ملكة الفرس]

مراحب بالغاليات...

اليوم قلت أنزل لكم وصفة تتبيلة الكنادره للحم و الدياي المشوي ... نبتدي أول شي باللحم...

تتبيلة اللحم ...

3 كيلو لحم ( يستحسن يكون أسترالي او لحم غنم عربي ) و يكون معاه قليل من الشحم..
5 روس بصل مفروم فرم ناعم
2 علبة روب
نص علبه لبنه حامضه
4 ملاعق طعام ليمون أسود مطحون
4 ملاعق خل
عصير ليمونتين
1 و نص ملعقه صغيره ملح
شوية فلفل أسود
1 ملعقه صغيره كمون
1 فنيال قهوه سفن أب ( سر الخلطه لأنه يخلي اللحم يكون طري )

الطريقه:

يغسل اللحم عدل ويترك في المصفى لين ينزل منه الدم تالي تاخذينه وتغسلينه مره ثانيه...
طبعا اللحم تكونين مقصصته مكعبات لا هي صغيره ولا كبيره ...
تالي تخلطين جميع مقادير الخلطه و تضيفينه على اللحم ويترك ليخمر بالتتبيله ليله كامله...
وقت الشوي ترسي الدوا بالفحم وشككي اللحم بالأصياخ وتعالي سوي أحلى باربكيو... على الفحم يكفي انه شغل البيت ونظيف ... و لا تنسين الخبز الأيراني و سلطة الروب بالخيار و غوصي عاد...




تتبيلة الدياي:

3 ديايات مقطعين 4 قطع ... ( مغسولين عدل من الزفره بالطحين والليمون و الخل )
4 ملاعق معجون طماط
علبة روب
2 ملعقة طعام خردل
1 ملعقة طعام ( معبوج الاخضر )
3 ملاعق طعام لبنه حامضه
2 ملعقه طعام دبس رمان
2 ملعقه طعام خل
عصير ليمونتين
1 فنيال سفن أب

* تضربين المقادير السابقه في الخلاط لين يصير مثل العصير ... تالي تضيفين البهارات من:

1 و نص ملعقه صغيره ملح
رشه خفيفه من اللون البرتقالي
1 ملعقه صغيره كركم
1 ملعقه صغيره بهارات التندوري
1 ملعقه صغيره كمون
نص ملعقه صغيره فلفل أسود
1 ملعقه صغيره كزبره
1 ملعقه صغيره بزار الدياي

- تضيفين البهارات على الخلطه ألي ضربتيها بالخلاط و تضيفينها على الدياي و خليها تخمر ليله كامله ...

وقت الشوي ترسي الدوا بالفحم و شويه على الفحم و يا سلام عاد و لا تنسين السلطه بالروب و الخيار و الحمص و هم قطعي طماطه و بصل و خليه على الفحم ينشوي شوي ...

و عاد جهزي الخبز الأيراني و لا تنسين البيبسي ... وغوصي بالخمس...

و عليكم بالعافيه ... عاد أستغلو الوقت بما أنه الجو براد و هذا وقت الشوي...
ولا تنسون تدعون لي عاد ....


أختكم
أم فارس

 

[حلوة ومملوحة الكويت]

تتبيله روووعه
مبينه من مكوناتها
باقرب وقت راح اجربها إن شاء الله
مشكووره وعساج على القوة حبيبتي
،،،،​

 

[جارة القمر]

تسلم ايدج



روووووووووووووووووووعه




ومشكووووووووووووووووووره

 

[@ام يوسف@]

مشكوووووووره

 

[صابرة رغم الجروح]

مشكووورة حبيبتي

 

[برنسس أميرة]

يمي يمي

 

[@غشمرية@]

فديت الكنادرة والله كلهم سنع<<<<<<رفيجاتي كندريات

شكلها روعة حفظ بالمفضله مشكورة حبوبة

 

[ام العامر]

اب اب

 

[أحلى همبه كويتية]

عجيييييييبة الوصفة

اتربعت بمخي لازم اسويها
ترقبووووها

فديتك ام فارس

مشكووووووره

 

[ملكة الفرس]

صباح الخير

جربوها و صدقوني راح تكون طريقتكم على طول و ما راح تغيرونها ....

و عليكم بالعافيه

و حاضرين للغاليات كم كويتيات عندي .... و غالين على قلبي ...

 

[ملكة الفرس]

فديت الكنادرة والله كلهم سنع<<<<<<رفيجاتي كندريات

شكلها روعة حفظ بالمفضله مشكورة حبوبة

أنتو ألي فديتكم والله ...

أحنا حاضرين للطيبين ...

 

[ايمانو حلوة]

الاكل الايراني رووووعة تسلمين

 

[mi corazon]

تسسسسسسسسلم ايدج سعبلت وانا اقرا

 

[ميما الاموره]

يسلموا
​

 

[um khaled]

فديتنا الكنادره ..
يسلموووو ..

 

[مناوي الكويت]

 

[chakletaA]

هلا هلا تتبيلة الكنادره للطعم عنوان بلا شك

اتذمر جوعااا اللعاب كاد يسقط

لقد الهمتي مشاعرنا بتلك الوصفه

عوافي والكرش دافي
في البرد القارص

 

[قمر كويتي]

الاكل من الكنادره غير شي اكيد :eh_s(17):

 

[ام السعد22]

الله يعطيج العافيه بس اذا بحكطها ابكيس الفرن مو مشوي اتصير لذيذه اتهقين ؟؟؟

 

[ذات الهمة العالية]

يصير احطها بالفرن لان اللحم صرت ما اكلها كل مو طرى