تتزوجين وآآحـد أصغـر منـج !

[miss thrba]

قوووه بنآآت ..


شخبآرررركم وحشتـوني ...


الموضوع وااضح من عنوآنه ترضين تتزوجين وآحد أصغر منج !

واللي متزوجه وآحد أصغر منها تقولنآ اذا كآن لهذا الزواج سلبيآت ..

من شهر تقريبآ خطبني واحد من عآيلة محترمة وانسان خلوق جداا على كلامهم بس أصغر مني بـ 6 شهور ورفضته !


في أحد يفكر نفس تفكيري انه مستحيل اخذ اصغر مني !


دعــوة للنقآآش حيآكم ​

​

 

[G!RLooNa]

انا ماحب الريال يكون اصغر لكن مادري شنو الله كاتبلي,,, امي اكبر من ابوي بسنه و مستانسين عادي

 

[khawla&tito]

شوفي انا بالنسبة لي مابي اتزوج واحد اصغر مني ..مدري ليه بس اعرف بنات وايد متزوجين ورجاجيلهم اصغر منهم باشهر وعايشين حياة حلوة

 

[LoOLoO-17]

ريل اختي اصغر منها بسنه وشكلها اصغر منه عسا الله يهنيهم

 

[Stylista_Q8]

عن نفسي ما راح ارضى

بس ماتدرين كل واحد و نصيبه

 

[الملالة]

شنو يعني ست اشهر عادي مو فرق كبير

 

[((الزين))]

انا اعرف وحده متزوجه واحد اصغر منها وصارلهم17سنه
وعايشين احلى عيشه ولا كانت ما تحمل والكل توقع انه يتزوج عليها
وصبر لما قبل3سنين حملت والحين بعد حامل مره ثانيه
والله يتمم عليهم بس انا احس مو حلوه الوحده تتزوج واحد اصغر
منها لان بعد سنين راح تبين اكبر منه:eh_s(1):

 

[غموض البحار]

اي اذا كان شكله اكبر منج وتفكيره اكبر من عمره اعتقد ان عادي
لأن حتى انا ابوي اصغر من الوالده ب7 شهور وعايشين حياتهم الحمدالله مرتاحين

وصح كلام خواتي اذا نصيبج بتاخذينه بتاخذينه

وبالتوفيق

 

[sweet dashttya]

عن نفسي ما راح ارضى اني اتزوج واحد اصغر مني اصلا بعض الرياييل اعمارهم بالثلاثينات وعقلياتهم عقلية واحد مراهق​

 

[@رومانسيه@]

لا مستحيل اوافق

 

[][ نسكآفيه ][]

.:.

آنآ عن نفسسي مو حآبه فكره إني آتزوج وآحد آصغر مني .. عششآن مآ آعجز وهو توه شبآب < آهم ششي :krkrkr:
يعني بروحهآ إلمره تشيخ قبل إلرجل إذآ كآنت كبره .. شلون لو آصغر منه

.:.

 

[قـہۈه فـرنسيـہ™]

^

^


بالعكس عااادي ,,,بس مايكووون الفرق أكثر من 3 سنين

 

[miss thrba]

هلا والله حبيبآآتي


شآآكررة مرورك ..


هم انا خالي اصغر من مرته بس ماشآآآآءالله تبآرك الرحمن مدلعهآ اخر دلع

 

[عاشقه مودي]

أمبيه وربي عاد أنا متقدم لي واحد أصغر مني بسنه ومحتاره :0bee2e8d89:

الولد يمدحووونه والله وأن شاء الله بستخير ...

 

[Ya7aLaTi]

لا ما أرضى واحد أصغر مني ... أحس حلاته الريال يكون أكبر من المره ..

حتى أكبر مني بسنه ولا سنتين مو حلوو .. أحلى يكون أكبر مني مو أقل من 5 سنين.. ولا أكثر من 8 سنين <<< وجهة نظري ..

بس كل وحده ما تدري شنو نصيبها

 

[shayom al-q]

لا عادي اذا تفكيره كبير وشايل المسؤوليه مو مشكله ياما ناس صغار بس تفكيرهم اكبر من عمرهم مشالله وكل من يستشيرهم

 

[زووود الحلا]

والله عااااااااااادي ترا الريال مو بعمره .. يامااا رياييل اكبر من حربمهم بسنين و عقولهم صغيره ..
الريال اذا كل شي فيه زين اوافق ليش لا ... عشان عمره ؟!!!
هذا مو منطق .. ياماااا رياييل عقولهم اكبر من اعمارهم بوايد

بس مثل ماقلت يعتمد عالريال نفسه اذا كل شي زين بس اصغر مني مافي مانع

 

[المكسيكيه]

امممممم انا عن نفسي اذا اصغر مني بجم شهر مو مشكله .. بس تدرون والله اعرف وحده اكبر من ريلها بعشر سنوات
الحمدالله عايشين بحب وبتفاهم يعني سبحان الله شلون هي اكبر منه بس شكليا صغيره مجكلمه
آخر شي كل من ياخذ نصيبه

 

[اقووول حدج شي]

انا اتوقع عادي اعرف جم وحده متزوجين رياييل اصغر منهم وحياتهم عاديه والله يوفقج ويرزقج ولد الحلال

 

[دلوعة أبوهآ]

عن نفسي .! مافكر أتزوج واحد أصغر مني أبـد .,
وأحلى لو كان أكبر مني بـ 6 أو 7 سنوات .,

والله يرزقني اللي أبيه ..