تتوظفين بقسم كله رياييل !!

[موت وميلاد]

السلام عليكم بنات​

الموضوع واضح من عنوانه​

تتوظفين بقسم كله رياييل!!​

يعني انا موظفه يديه ماصارلي جم شهر وقسمي كله رياييل بس انا وبنت​

الصراحه انا وايد مرتاحه بالمكان وطبيعة الشغل ومسؤولي وايد طيب ومحترم حتى الموظفين الي معانا كلش مالهم شغل فينا​

بس مرات اسمع كلام من موظفات يقثني​

ادري بتقولون المحترمه محترمه وخلج واثقه من نفسج بس هم الناس ماتخلي احد بحاله وتطلع عليه سمعه​

ولا انتو اشرايكم !!​

 

[sweet cake]

انا عن نفسي لأ.. الا اذا كان مكتبي بروح ومعاي وحده ولا ثنتين اي عادي ويكون مكتبي بجهه صاده عنهم شوي.. عشان آخذ راحتي ..

وصاجه الناس يقولون ويقولون وياااحبهم للسوالف والتأليف.. بس ارضاء الناس غاية لا تدرك

 

[NoNoFeTa]

حولج رياييل احسن من الحريم
الموظفات حق القيل والقال وفلانه وعلانه
انا موظفه بقسم ريااييل وحريم وعادي مافيها شي والزين زين لو قاعد بين 100 شين

 

[kekat kakaw]

الله احسن لج الرياييل احسن من قرقة الحريم و ملاقتهم

 

[موت وميلاد]

انا عن نفسي لأ.. الا اذا كان مكتبي بروح ومعاي وحده ولا ثنتين اي عادي ويكون مكتبي بجهه صاده عنهم شوي.. عشان آخذ راحتي ..

وصاجه الناس يقولون ويقولون وياااحبهم للسوالف والتأليف.. بس ارضاء الناس غاية لا تدرك

انا معاي بنتين بس المشكله مكتبنا مفتوح على بعضه

 

[دندنه23]

انا ارفض اكون بين ريايييل صج انهم احسن من قعدة الحريم لاقيل ولاقال ويكفي انج بروحج يعني مالج شغل بحد اللي عليج شغلج وبسسس
بس انا من النوع الخجول يعني صعبه علي واايد

 

[ღ كحلاء العين ღ]

؛
الـــســلآمـ عـلـيـكـمـ و رحـمـة الله و بـركـآتـه

بالنسبه لي لأ مــآ أحب أتــعــآمل مــع ريــآجيل يصير فيني عقدهـ في لســآني و مــآ أقدر أتـكـلـمـ ,,,

و أنــآ مــن النوع الي أحب آخذ رآحتي بالكلآمـ والسوآلف و ما أحب آتواجد ابـمـكـآن إذا كــآن فيه رياجيل ليش مـــآ أدري ...؟

بس مــآ تدرين امكن بكرهـ تلقيني مترززهـ ابـمجلس الأمـه ,,, هههههه < امصدقه عمرهــآ


إذا أنتي مرتـــآحه كيفج قلبو و استخيري و مــآ خـآب من اسـتـخـآر ,,,

و بالتوفيق ,,,

و مـــــع السلامــــه ,,,
|~|

 

[آلسحرآلحلال]

ماعندي مشكلة ..

تبين الصراحة الريايل احسن .. الحريم حجي وااايد وغيرة ونغزات وحسد وااي عليهم اذا تجمعو ...

 

[يمة يادلبي]

اممم شوفي لو انا انحطيت بهالموقف راح أشوف إذا في اماكن ثانية زينة ولا لا
وإذا ماكو أمري لله أرضى بهالـ مكان بس ماراح ابالغ بلبسي ومكياجي وراح اكون رسمية لأبعد الحدوووود لأن مثل ماقلتي حجي الناس مايرحم حتى لو الوحدة محتررررمة نفسها

 

[C'est La Vie]

عادي ما عليج من كلام الناس
رضا الناس غاية لا تدرك
اذا كنت بقسم الحريم طلعو حجي واذا كنتي بقسم الرياييل هم طلعو حجي
فما فرقت
انتي شوفي اللي يريحج انتي مو اللي يعجب الناس

 

[ام الدرر]

ياقلبي صار لي 5 سنين بقسم كله شباب وشياب طبعا
وانا الوحيده انثى بينهم
والله راحه مابعدها راحه
يراعون ظروفج ويساعدونج ويغطون عليج
محترميييييييييييييييين لاقصى درجه
واللي غير محترم وفكر انه يقل ادبه من البدايه وقفته عند حده
مالي تعامل الا مع رئيس القسم واللي يستلم مكانه
واذا على كلام البنات بالعكس كلهم متييييييييييييييييين من الغيرة وودهم ينتقلون عندي
مالج شغل ياعمري الا بنفسج وراحتج واذا بتسمعين شنو قالت فلانه وعلانه بتتعبين​

 

[شوق والدمعه]

اي عادي شل المشكله اذا الوظيفه زينه!!

خل اتخررررج بعدييييين اتنااااااااقش لووووووووول
تو النااااااااس
والله يوفقج

 

[كريستال ليدي]

انا صارلي 3 سنين بقسم كله رياييل بس 2 بنات و بصراحة راااااااااحة

و كل ما افكر اغير مكاني اقول لالالالالا باجر يقطوني مع حريم يأذوني و يغثوني مجابل الرياييل ابرك

 

[Stylista_Q8]

خلج بمكانج احسن

ومالج شغل باللي يقولج شي انتي ما سويتي شي غلط

وانتي رايحة تشتغلين مو تلعبين

فطنش تعش تنتعش ^^

 

[qswa]

اعتقد انه الحين احنا بوقت صار فيه الاختلاط بكل مكان والعقليات تفتحت اكثر وصار موضوع الاختلاط موضوع مايستاهل الجدال فيه حتى
الحين وين ماكو اختلاط ؟؟ مجمعات وجامعات وبكل مكان يعني من رايي عادي لو بالشغل وعادي لو بنفس القسم كل واحد يحط باله ع شغله وبس ولا راح يحس بوجود الثاني حتى

 

[المكسيكيه]

انا عندي اتعامل مع الرياجيل لانه مع الحريم كله غيره بغيره
وشوفي شلي يناسبج ياقلبي

 

[tmtmt]

لا لنا ما اشوف مناسب ولنه ريلي ماراح يرضى
الله يوفقج

 

[تمنيتك]

عادي .. وبعدين معاج بنت موبس انتي


وبعدين علي الراحه النفسيه .. انتي بتشتغلين وبس يعني مكان رسمي

 

[انصاريه قمره]

ووويع ما احب اقعد بمكان كله رياييل بروحي ما اواطنهم قطيعه وبصراحه مثل ما انا ما ارضى انه ريلي ايتوظف بمكان فيه حريم حتى اهو ما يرضى واصلا ريلي رافض فكرة الوظيفه سوااء كانت مع حريم او رياييل

 

[red rosa]

انا دوامي كله رياييل,, مو احسن من مجابل الناطحه والمترديه؟؟