تجاربكم مع الكراتين .. ابي صالون حلو يسويه :) حياكم

[yam_yam]

السلام عليكم

بنات ابي تجاربم مع الكراتين
وين سويتوه و بجم

شلون النتيجة معاكم ؟؟ ؟
و هل حسيتوا انه فعلا علاج ؟؟

انا شعري اخترب حيييييييييييل و قالولي جربيه بس خايفه اجرب باي صالون ؟؟
​

 

[الحاان]

يابعدي انا ما استخدمته
وزميلتي كنت ناااويه تستخدمه لكن انا نصحتهااا
وكاانت نااويه تعمله بصاالون لكن الواحد مايدري وش يخلطون او وش يضيفون

ولان فيه ماده الفورمالدهايد إلي تسبب السرطان الله يحمي ويشااافي الجميع

بيقولون لك كراتين برازيلي وماهو ضار ومدري ايش نصيحه لاتصدقينهم
ليه نحن عندنا مختبرات عشاااان نفحصه ونشوووفه خااالي من اي مواااد مسـر......الخ

من رااايي ماتستخدمينه من خوووفي ع صحتك..

وإذا شعرك خرباان وتعبااان عالجيه عند اخصائي

 

[yam_yam]

مشكورة عالتجربة

 

[yam_yam]

up up up

 

[تواضع انثى]

نصيحه نصيحه لاتسوووووووووووووووووويه

والله قرات قصص بناات كثار حتى هنا في القسم شعوورهم طاحت تخيلي ماختربت لا طااااحت

وكانت البنت تستعمل الكريمات والماسكات الي تنحط بعد الكيراتين وفوق هذا شعرها طاااح

تقول الشهوور الاولى بتكوون النتيجة واااااو بس بعدها الله لايوريك

والله نصيحه لاتسويه تبين شعرك يتعدل اش كثر الزيوت الي تعدل الشعر وعند السدر ذا ولابنت تستغني عنه

اذا انتي تحبين شعرك لا تسويه تبين اعطيك خلطاات والله اعطيك بس لا تسويه كل شي ولا شعرك ذا تاج راسك ونص جمالك فيه

 

[al39laa]

اللي مسوينه واخترب شعرهم هذول ناصبين عليهم !!

انا سويته راحت القشره وخف التساقط بشكل مو طبيعي والله صرت استانس اروح اتسبح وما احاتي شعري يتشابك


انا شعري خششششششششششششششن و6 ساعات عشان اسويه استريت شعري لي اخر ظهري

لمن سويت الكيراتين والله ما خذا مني ساعه اسوي ستريت

طبعا بما ان شعري خشن لمن سويت كيراتين ما صار سيده جني فلبينيه شعري لازم يوكو


سويته بصالون ارت ستايل اللي بالجليب حطي اسمه بقوقل يطلع لج رقمه والعنوان سوته لي ب 60

وانشاءالله برد اسويه هالكلام من سنه طبعا ورد شعري نفس قبل لان لازم كل 6 شهور اسويه

 

[bebe21]

انا سويت كراتين مرتين مرة بلبنان وكان عجيب وعقب فترة شعري فجاة يتكسر ويتقطع وعالجته لما رجع شعري وصار اينن عقب سنة علاج وقرب موسم الصيف سويت بالكويت صالون بيتي بوب بالجابرية واما اهوا صالون ارفيجتي ادري واثقة منها ماتيين منتجات رخيصة كان ١٧٠ دينار شعري ليه فوق كتفي وعقب فترة رد شعري تعب اكتشفت انه الكيراتين فاشل بكل انواعه والحين رطيت اعالج شعري وتووووووووبه

 

[bebe21]

انا سويت كراتين مرتين مرة بلبنان وكان عجيب وعقب فترة شعري فجاة يتكسر ويتقطع وعالجته لما رجع شعري وصار اينن عقب سنة علاج وقرب موسم الصيف سويت بالكويت صالون بيتي بوب بالجابرية واما اهوا صالون ارفيجتي ادري واثقة منها ماتيين منتجات رخيصة كان 170 دينار شعري ليه فوق كتفي وعقب فترة رد شعري تعب اكتشفت انه الكيراتين فاشل بكل انواعه والحين رطيت اعالج شعري وتووووووووبه

 

[((غلاي))]

رفع

 

[نوني الحلوه]

انا ادمنته ومن كثر مادمنته صرت اشتره واسويه لنفسي

 

[ASMAA-ALHAJ]

اب
اب
اب

 

[79أم الزين]

اذا شعرج خشن حيل لاتسوين كيراتين تراه مقلب سوي يوكو عند ديسانج لاتروحين لاليك نصابين الخبيرة بس تشوفج عشان تاخذ منج الفلوس عقب تقطج عالفلبينيات والكيراتين ترا انواع واسامي بس ترا كلهم نفس الشي جذابين يغيرون الاسم عشان اذا هذاك ماعجبج ترا هذا غير الكيراتين واليوكو كلهم يطيحون الشعر بس اليوكو احلى يخلي الشعر الخشن ناعم وسيدة مايحتاج حتى مشط وبعدين بس تسوين الجذور أما الكيراتين يقعد شوي بعدين يكش ويدهن ويطلع قمل يعني حده خايس وخسارة والشعر متشابك كل هذه عن تجربة

 

[79أم الزين]

هل حسيتو أنه علاج ؟
لاطبعا اهو مو علاج اهو دمار لأنه مادة كيماوية وهذه خطة عشان مايطيح بجبدهم قالو علاج .. بس أنا عن نفسي شعري خشن فأسويه عشان يصير ناعم مايهمني الأثار الجانبية

 

[Denya-3'areeba]

سويته بصالون جمعية الشعب ب120 مع ان شعري مو وايد طويل ولا من كثره بس شغلها حلو وسوته لي بضمير .. عجبني بالبدايه بس مليت لان اطرافه صارت سيدا والمشكله يطيح وايد مع اني استعمل الشامبو والماسك .. ريحت شعري سنة تقريبا وعالجته خلطات عند صالون والحين رديت سويته مرة ثانيه

 

[ASMAA-ALHAJ]

يعني شنو تنصحوني اسوي يوكو ؟؟؟؟؟؟؟؟؟؟؟؟
بنات ابي شعري يصير حلو بعرس أختي أبي يصير نفس الفلبينيات

 

[shouq81]

شوفي تجارب البنات في صالون مس ريجينا نتيجته حلوه

 

[**(فـيـلا دانـتـيـل)**]

حبوبه روحي صالون بالجابريه
جدام مستشفي رويال
اسمه يوكو (( اذا ماكنت غلطانه))
اذا دخلتي يشتغلون فيه ثنتين يابانيات

وتلقينه غالبا فاظي لان شغلهم بالساعه
يحددولج ساعه تيين ويشتغلون فيج بروحج
ومايستقبلون احد كلششش

هذا اليوكو الوحيد اللي ناسب شعري
اما الصالونات فخربو شعري
ونشف حيل حيل
وصار مثل الليفه ..

 

[ابي فزعه]

ممممن تجرربتي الخاصه

ان رحت للكويت لان دايم يمدحون الصوالين هناك

رحت لارت ستايل

وربي ي بنات سويت الكيراتين خققققه بكل معنى الكلمه ولله الحمد ماصار شي بشعري ي رب احفظني ماشاء الله

ودي ارجع مرا ثانيه اسويه ببسس للاسف محد يوديني انا من السعوديه مو من الكويت

بس جد انصحكم بالكراتين البرازيلي يجنننننننن ماينعمم حيل حيل ببس تقدرين تقعدين بدون استشوار ناسه

شكررررررررا