تجاربكم مع المنتجات اللي يبيعونها البنات بقسم المول

[(كويتيه عسل)]

ياتاجرات ياحلوين
الردود اللي مافيها ذكر لتجارب سيتم حذفها
من ضمنها فوق
والشكر

اذا تاجره حابه تشكر عضوه تقدر علي الخاص
هالموضوع خاص بتجارب العضوات

وشكرا

كفووووووووووووو والله

فديت مــديرتناااااااااااااا :eh_s(6):

 

[ms.balmen]

قوه بنات
بغيت مزيونه ممكن سؤال؟؟
مشالله تبارك الرحمن الكل يمدح شغلج و اسلوبج الراقي و عسى الله يتمم عليج و يحفظج..
بس سؤال مزيونه بخصوص مجموعة النواعم؟؟يعني استخدامهم شلون؟ لان مشالله وايد ماعرف استخدامهم؟؟
لان ودي اطلبها انشالله

 

[هداوي 111]

شلونكم تكفون ابي رقم ام عفاف

 

[[PINK]]

في احد جرب خلطة الصبوووحه

 

[تعويذه الحب]

انا عن نفسي شريت خلطه التبييض من فيرست ليدي ويابت معاي نتيجه من اول استخدام انا اصلا بيضه بس من روحه المسيله والتان صار في خط اسود بين صدري والخط من الصيف اللي فات واستخدمت منتجااااات وايد ما فاد معاي حتى حمامات المغربيه ما روحت هالخط بس خلطتها من اول استخدام اختفى الخط والله شاهد على كلامي

وطلبت اعشاب تنحيف من عضوه معانا بالمنتدى وماااااااااااااااانزلتني ولا غرام خلطتها سوتلي التهاب بالمعده وللحين اعالج عند الدكتور احمد الفضلي لان اي شي آكل على طوووووووول ارجعه

والحين ابي زيت يطول الشعر الل تعرف تاجره مضمونه تقولي

 

[lolocati]

خلطة الرموش مالت حيادر...روووعه شويه عليها يعطيها العافيه

 

[كيكه ترفه]

السلام عليكم بنات شلونكم
بقولكم شنو الي شريته وجربته
شريت من التاجره meskq8 صابون طبيعي اتينن ريحته ماشاءالله شي موطبيعي
و شريت من التاجره RoOoz كريم كابور7 لتفتيح البشره ب3 ايام مسحوق اللؤلؤالطبيعي ولحاء شجرة السنديوم سعره ب 21 ونص اخذت اثنينا واحد حقي وواحد حق امي وبعد الصابونه السودا حق امي وحاطتلي تيستر اتينن جربتها وان شاءالله اطلب منها
واخذت من التاجره maryo0oma حبوب فيتامين من صيدليه بووتس لندن موموجوده بالكويت سعره ب4 للبشره والاظافر والشعر صراحه شي عجيب حق الاظافر بس للحين مابينت نتايج البشره والشعر
وشريت من التاجره الريــــأانه كريم طبيب الشعر ب 5 وتوا واصلني اليوم
وتوا طلبت من التاجره hnoooy امبولات ايفا بالصبار اثنين وباجر يوصلون لي
وسويت خلطه مزيونه وشقره فديتها وفديت خلطتها انا اتهبل يعطيها العافيه
و سلامتكم

 

[[PINK]]

مرحبـــــا بنــات في احد جرب خلطات التاجره خبيرة اعشاب اسمها ام خالد

 

[ام عفاف الكويت]

شريت من حيادر خلطه الرموش تهببببببببببل
شريت من ام خالد غرشه عطر زيت بنت البدر ولاحظت من ثاني استخدام انه نعم فلفوله بنتي وزين
شريت من مزيونه وشقره خلطه وتهبل وبرد اشتري الثانيه
وبس

 

[ام عفاف الكويت]

اي واهذت من ماريمار كريمات وااااااايد شغلها حلو
وشريت من ام بدر البدور كيكه ارامكو وايد مريحه
وشريت مشط البف من ام بندر وحلو عجبني لاني ماعرف اسوي بف
واممممممممممممممممممم
وشريت سوالف مادري يصير اقولها مثل لبس لبنتي او بس خلطات وكريمات وبس

 

[[PINK]]

اب اب اب

 

[>>ماكنتوشه<<]

بنااااااااااات منو استخدمت انبولات الكولاجين وشلون النتيجه يتفخ وااايد يعني يصير الوجه مدور ولا يعني ؟؟

 

[توفي ذايب]

انا شريت كريم طبيب الشعر
شفت انه عليل الشعر شعري بهت حيل وماشفت غير انه مدبققققققققققق
وجربت الباي تتش من اول استعمالين روعة بس بعدين مو كلش
واحلى شي جربته الصابون صج شي خيال اموت فيه اللي عند الاخت مسك

 

[One_Q8]

موضــوعج عجبني وحابه احط تجاربي في الخلطات والمشتريات وافيدكم
انا شريتـ خلطة الصابونيه من مزيونه وشقـره .. رووووووعه جزاها الله خيـر ويوم خلصت

اخذت طريقتها من المنتدي وصرت اسويها بالبيت
شريت خلطة حيادر من العضـوه مريومه .. مو طبيعيه هالخلطه تبين النتيجه في اقل من اسبوع وناويه اخذ لي ثنتين قبل لا اسافــر

وبالنسبــه لخلطات الشعــر ما افكر اشتريها ابد ابد .. خايفه يحت شعري وما اظمن الخلطات .. ( والله الواحد يتم علي الشعرتين اللي براسه
احسن من انه يخسرهم ..
وباجي الطلبات .. علاقه للجنط لعضوه ناسيه اسمهـا .. حلو وفادتني
اشرطة DvD من العضوه ديفدياتي ... هم الاشرطه تونس والاخت تعاملها حلو
واسوار كارتيـر من العضوه احب الكاكاو عجيـب حده وجنه الاصلي .. غير جذيه تعاملها الروعه واسعارها الحلوه
وكنت باخذ كريمات لونا من تاجره هنيه بس ماعجبني السعر كلش والله يجزاها خير عضوه طرشتلي علي الخاص
وباعت لي كريمات لونا الاصليين بسعر حلو ..
واخيراا طلبت ملابس ويوم وصلوني للبيت طلعو غير المعروضين بالمنتدي ورجعتهمـ

وبس هذي كل طلباتي من المنتــدي ​

 

[بوسيcat]

انا جربت انبولات ايفا للبشرة الحين صارلي اكثر من شهر جريب الشهرين ماتنفخ الويه كلش ترى وحتى مرت اخوي مستخدمتهم ماينفخون والله كلش بس حلوين للبشره ينعمون وكان عندي خطوط خفيفة في جبهتي خفوا وايد ماشوفهم0 اما عن خلطة الرموش مالت مريومه انا احطهم على حواجبي حسيت بفرق بس رموشي ماحسيت وايد مع ان صارلي فوق الشهر بس مادري يمكن لاني كنت استخدم الخروع ورموشي الحمدلله منبتين وايد ومن كل مكان عشان جذي يمكن ماحسيت بفرق بس للي ماعندها رموش اكيد بتلاحظ الفرق والحين شارية كريم نفخ الخدود من ام بندر وصارلي 6 ايام جني احس بفرق بسيط وبس اكمل الاستخدام بقولكم اشصار معاي0

 

[عز النفس يغنيني]

ياااااااااااربي شمعنه الكل نفعت معاه خلطه حيادر

انا فرق بسييييييط ولين اللحين مستمره فيها صارلي شهر واكثر

بس حطيتها لحواجبي ونبتتهم بظرف اسبوع ..

 

[عسولة قلبه]

الموضوع حلووو وتجاربكم شجعتني أحط تجاربي

أول شي كريم طبيب الشعر والله رووووووعه وكل الي يعرفني يسألني شمسويه بشعري

المخدر ما نفع معاي كلش كلش مع انه خليته فترة بس عادي ما حسيت بفرق

كريم بو سالم بعد ما ياب نتيجة معاي كلش استمريت عليه تقريبا 10 معاي

بس حماي استعمله و الحمد الله شكرني وااااايد حيل نفع معاه
سبحان الله يختلف من شخص لي ثاني

عطورات من غرشة عطر وااااي عذاب والله الريحة فاحت من قبل لا ابطل الجيس حتى زوجي استانس عالعطور

طلبت كريم اساس اماندا من هديل 77 ان شاء الله اليوم يوصلني واايد مدحوه وقلت بجربه

خذيت عدسات من دكتورة وااااي حدهم روووعه ويكبرون العين وطبعيين

طبعا منتجات زوجية من cherrry تهبل هالانسانه بالتعامل وبضاعتها روووعه وحتى اسعارها حلوووة

ديفيات من ديفيدياتي و اشتهر هالموقع بعايلتنا الكل يطلب منه ما شاء الله

طلبت مرة من وحده اغراضها من المغرب طلبت دم الغزال على انه الاصلي وقعدت تمدح وكلام مصفصف بس للاسف الغرشة والله طول صبع الايد الصغير ولا يمكن اصغر ب 7 والله تخيلوا الله يسامحها

طبعا غير الملابس حقي وحق ولدي

ما شاء الله المول عامر بالتاجرات السنعات وبضاعتهم تشوووق

ان شاء الله هالايام بشتري خلطة الرموش من مريوومة و الخلطة الصابونية من مزيونة وشقرا وزيت بنت البدر من غرشة عطر وهذا كله من مدحكم لهم ما شاء الله


اتوقع فيه بعد بس ناسيه اذا تذكرت حطيت لكم تجاربي

 

[One_Q8]

ووو
شريت كريمات تبييض وتقشير للركب من الاخت التاجره مريانا ام ماريا .. وقبل لا استخدمهم رحت وديتهم للصيدليه

ومدحهم لي الدكتور حييييييل ..وشريت والله كميه منها

والنتيجه كانت مرضيتني .. الاكواع خف السواد بنسبة 60%

والركب بنسبة 20% لاني وقفت استخدام الكريم مال التقشير والسبب لانه خرب وتغير لونه و اعتقد بسبة الجو

الخايس و0الرطوبه .. اما المبيض يهبل استخدمه ونتيجته مرضتيني بصراحه وبس ​

 

[EleGanZa]

شريت خلطه حيادر .. لاحظت بفرق بسيط بس لما احط الماسكرا يمكن لان صارلي اسبوعين تقريبا .. مادري ..

وشريت عطور نسيت من منو يمكن نكها عاصمه الموضه ..ماشاءالله يابت العطر رايت ! مع لوشن ومخلط للفرش بنفس العطر

انا اعجبتني اغراض ام بندر ومزيونه وشقره انتو شرايكم ...؟

 

[عبق البنفسج]

انا شريت قرشتين زيت النخاع الاصلي وحدة حقي والثانية حق بناتي وكنا نستخدمه ثلاث مرات بالاسبوع بس للاسف مالقينا أي نتيجة مع ان كان في موضوع تجارب بنات ومدحوه والي قالت من اول استخدام شعري صار ناعم ووقف التساقط!! بس انا ماشفت منه اي نتيجة..

وشريت خلطة مزيونة وشقرة بس للحين ماجربتها .. ان شاء الله ببدي فيها عقب اسبوع لأني الحين استخدم خلطة شاريتها من الحواي وشريت كريم بوسالم وللحين ماجربته