تجاربك في امريكا مع مصطلحات الاطعمه والمشروبات واغراض المنزل

[أرنوووبة]

رد : تجاربك في امريكا مع مصطلحات الاطعمه والمشروبات واغراض المنزل

مبارك عليكم الشهر يا بنات و تقبل الله طاعاتكم
الحمدلله في ولايتنا بأريزونا كل شي موجود لبن قيمر حتى انواع الخضرة اللي ناكلها على السفرة الكويتية موجودة كلللللللها و الكاكاوات و انواع البقصم الخ الخ. والله حتى لقيت بسكوتات صناعة الكويت بس نسيت اسمه المحشي بالكاكاو و اكو على فراولة و برتقال و فانيللا. اللي تبي شي و مو لاقيتها تقولي و اذا موجود عندنا ان شاء الله اطرشه لها

تحياتي

 

[عزّي إيماني]

احن بولايه اوهايو وتقريبا كل شيء موجود بس تدرين احنا حريم ولازم نتدلع عاد يوم اني لقيت كل شيء شوفي الفصله قاعده ادوووووور عصير سانكيست بس ما لقيته بس بشوف بعد جم محل يمكن القاه ويقولون لي روحي ولايه ميتشاغين تحصلينه والله كريم

حياتي انا بمنطقة مرييتا بأوهايو عندنا بالوول مارت في سانكست بس قوطيه غير عن الي عندنا بالكويت

 

[عزّي إيماني]

عندي سؤال وياريت تجاوبوني
بما اني يديده بأمريكا
وبما اني تييني فصلات في الطبخ
ابي كريما حمرا حق الأكل
بس ما اعرف شنو اسمه اهني
الي تعرف تقولي

 

[بنت^_^الشيخ]

رد : تجاربك في امريكا مع مصطلحات الاطعمه والمشروبات واغراض المنزل

بمااااااا اني بامريكا صارلي دهرررر ههههههههههه راح اقولكم على بعض المصطلحات اللي ببالي حااليا
واذا ذكرت شي بقوووله

اي مطعم تروحووون له لاااااااااااااااازم عقب ماتطلبون وتخلصون تقولون لهم بليييز اكلنا كله يكون فييرجن
(يعني بدون خمر) ونووو وااين ونووو بيكووون .. لان الواين اللي اهو الخمر ترا يطبخونه بالاكل وبنات
تخيلووو مره طلبت من فرايديز المهم طلبت كولا والا طعمه غريب ياربي طعم اسيتووون طعم نايلون طعم شي
غريب وخايس مو حلو والا يطلع خمر :rgewrg: ابوي قالي قطييييه قطيييه لاعت جبدي وطول اليوم عيوني
مغورقه اقول يعني انا شربت خمر :rgewrg: بس والله ماكنت اعرف .. عشان جذي احذركم دربااالكم ...
ومره طلبت سلطه سيزر والا قاصين لي معاه بيكوون (خنزير) يمالهم التخنزرررر
وشنو بعد ... اييييييي اذا طلبتوو بيتزا وتبون السوس اللي بالبيتزا يكون شويه .. لاتقولون لهم ليتل سوس ترا
مايفهمون قطيعه قولو لهم اييزيي سووس ... هاذي من مصطلحاااتهم )))


وبالنسبه حق الاخت اللي تسئل على الحديده اللي تحت الجدر تحصلينها بالـ walmart او target
صوب قسم المطبخ احنا شريناها من هناك من الـ walmart :wqedqw:

 

[غلاالروح82]

السلام عليكم شلونكم بنات
مبارك عليكم باقي الشهر والله يعينا على الغربة ...
بصراحه حتى انا اكثر شي اشتهية هني الككاو على قولتج مرة اشتهيت فلك ولما رحت البقالة العربية والا استانس لقيتة جني لاقية كنز والحين مشتهية بفك بوسفينة وكتكو بس مالقيتهم اما الاكل واغراض التنظيف كل شي بول مارت بس انا دايما اتوهق باللغه مااعرف اساميهم بالانجلش اقعد سنة على مالاقي الشغل او اسال اهل الخبرة
اللي سالت عن الكريمة الحمرا اعتقد مرة وحدة قالت انها موجودة بالول مارت بدورلج صورتها واسمها واحط لها لج انشاءالله

 

[عزّي إيماني]

السلام عليكم شلونكم بنات
مبارك عليكم باقي الشهر والله يعينا على الغربة ...
بصراحه حتى انا اكثر شي اشتهية هني الككاو على قولتج مرة اشتهيت فلك ولما رحت البقالة العربية والا استانس لقيتة جني لاقية كنز والحين مشتهية بفك بوسفينة وكتكو بس مالقيتهم اما الاكل واغراض التنظيف كل شي بول مارت بس انا دايما اتوهق باللغه مااعرف اساميهم بالانجلش اقعد سنة على مالاقي الشغل او اسال اهل الخبرة
اللي سالت عن الكريمة الحمرا اعتقد مرة وحدة قالت انها موجودة بالول مارت بدورلج صورتها واسمها واحط لها لج انشاءالله

أشكرج
وبالانتظار :eh_s(6):

 

[chanel N22]

الكريما الحمرا اسمها
regular whipping cream
اهي بيضا وغطاتها بنفسجي

 

[usgirl]

رد : تجاربك في امريكا مع مصطلحات الاطعمه والمشروبات واغراض المنزل

pork يعني خنزير ديروا بالكم
kosher foodيا بنات قالتي المترجمه اذا تبين اكل ما فيه خمر او خنزيز قولي كوشر فوود

طلع الكوشر منيو خاص لليهود عشان جذي لقيته بالفندق وبالمستشفى ما يكون فيه خمر او خنزير وان الحيوان مذبوح والمفروض ذاكرين اسم الله عليه
انا بصراحه اقول نو واين نو بورك واسمي واكل

والله اعلم

اخذوا بالكم من الككاو ترا ساعات فيه شحوم او جيلاتين خنزير وساعات يخلطونه بخمر

 

[عزّي إيماني]

الكريما الحمرا اسمها
regular whipping cream
اهي بيضا وغطاتها بنفسجي

يزاج الله خير كنت انطرج الصراحه

 

[Ms.LoL]

السلام عليكم ..
بنات بسألكم لو باخذ وياي لأمريكا بهارات و أكل عادي و لا ما يرضون ؟
حتى لو كل شي هناك ..
بس شغلات لو بناخذها ويانا مافي مشاكل .؟
و شلون تحطونهم بطريقة ما ينكتون ؟

تسلمووون

 

[عمار يا كويت]

السلام عليكم ..
بنات بسألكم لو باخذ وياي لأمريكا بهارات و أكل عادي و لا ما يرضون ؟
حتى لو كل شي هناك ..
بس شغلات لو بناخذها ويانا مافي مشاكل .؟
و شلون تحطونهم بطريقة ما ينكتون ؟

تسلمووون

اييييييييييييييه ذكرتوني بالذي مضى
الله يهون عليكم الغربة ..بنات لا تضيق خلوقكم ترا امريكا احسن من غيها وونيسة و نصيحة مني استمتعوا بوقتكم وهذي تجربة ممتعه استفيدوا منها راح روحو تمشو طلعو .. اذا انتي بالبيت قضي وقتح بترتيب بيتج وتعلمي الطبخ
وترا فتره وتعدي
بالنسبة للبهارات والقهوة طبعا بالمطار ما برضون بالعربي الفصيح بس انتي بعد خليج نبيهه مثلا اذا سالوكم في اكل قولو لا.... بس مو على مسؤوليتي خخخ..... وزعي البهارات بين الهدوم بطريقة ما تبين
والله يا بنات ان مره قطو كرتون قيمر كي دي دي و جنه العيد عنهم وانا مت من الحره

 

[معلمة روضه]

رد : تجاربك في امريكا مع مصطلحات الاطعمه والمشروبات واغراض المنزل

الجرجير مو اسمه روكا؟؟

 

[Ms.LoL]

وي مساع وحده بموضوع ثاني قالت كل شي عادي إلا الفواكه و الاكل الطازج ؟

قويه أقول لأ .. نروح فيها \= ..

أنا أسأل حق رفجتي مو حقي .. مابيها تروح فيها ^^؛

 

[دانه_83]

والله انه كنت حاط جنط اصغيره فيها لبهارات كلها عادى ما قالو شى حتى قهوه عربيه عادى

 

[عزّي إيماني]

السلام عليكم ..
بنات بسألكم لو باخذ وياي لأمريكا بهارات و أكل عادي و لا ما يرضون ؟
حتى لو كل شي هناك ..
بس شغلات لو بناخذها ويانا مافي مشاكل .؟
و شلون تحطونهم بطريقة ما ينكتون ؟

تسلمووون

انا كنت ماخذه بهاراتي ولافتهم بجياس عادي وحتى ماش وعدس ويريش وهريس ماقالولي شي

 

[!! D m i r a a !!]

وااااااااي الله بعد قلبي والله

الله يعينكم ع الغربه

 

[عروووب99]

رد : تجاربك في امريكا مع مصطلحات الاطعمه والمشروبات واغراض المنزل

تونى اشوف الموضوع حبيت افيد بلى اعرفه اللبن اسمه بيتر ميلك وموجود فى جيانت وطعمه احلى من الى بالبقاله العربيه والكريمه الحمرا ااسمها سور كريم وموجوده بجيانت وليون فود وباشكال مختلفه واحجام وبالنسبه لليون فود احب افيدكم ان فيه قسم اسمه انترناشيونال فود هذا فيه منتجات عالميه مثل البهارات الهنديه والصينيه والعربيه بس مو شرط مكتوب بالعربى تلقون عندح حليب النيدو وابسكويت مارى والقيمر والنستله والكريم كراميل ومكعلت ماجى من كنوز واشيا كثيرهوارخص من البقاله العربيه واذا محتاجين شى انا حاضر

 

[ام عبدالوهاب555]

السور كريم = الكريمة الحامضة

أما الهيفي كريم (الكريمة الثقيلة )= اهي الكريمة الحمرا ، جربتها عجيبة نفس مالت الكويت

والفود ليون عجييييب رخيص وكل شي فيه حتى الماجي انواع حلوة مو عندنا

وعروب الجيانت ما اعرفه جمعية يعني؟

 

[عروووب99]

رد : تجاربك في امريكا مع مصطلحات الاطعمه والمشروبات واغراض المنزل

اخت وهج انا كذا مره احاول افرق بينهم جنه السور كريم يشبه القشطه والهيفى كريم يميل انه نفس الكريما الحمرا
وجيانت هذى جمعيه وهذ اربطها http://www.giantfood.com/ وصج اغلى بس نظيفه وخضرتها وفواكها حلوة

 

[ام عبدالوهاب555]

السور كريم = كريمة حامضة مو القيمر (القشطة) واعتقد القيمر اسمه كريم بس

وجيانت شفت الموقع طلع مو موجود بمدينتنا لاني استغربت ما مريت عليه

عندنا واحد حلو يشبه له وهذا رابطه http://www.harristeeter.com/

بالفود ليون عندهم خبز لبناني حلو اسمه بيتا
وهمن خبز مثل التورتيلا بس اخف واحلا اسمه راب