تجاربي مع الفاونديشن ----- بالصور

[سمسميه]

بناءا على طلبكم حطيت لكم خلاصة تجاربي مع منتجات المكياج بعدة مواضيع
1- مع الماسكرا
2- الكحل والايلاينر
واليوم ان شالله بتكلم مع تجاربي مع الفاونديشن بجميع انواعه السائل والمضغوط والسبراي الي جربتهم مؤخرا وماراح اذكر التجارب القديمه جدا او التي ا تستحق الذكر

اولا
الفاونديشن السائل

جيفنشي

كلمة روعه شويه عليه يوحد اللون ما يتكتل ولونه روعه يعكس الاضاءه وايد احبه


بوبي براون

ايضا من احلى الاساسات الي استخدمتها يعطيج لوك طبيعي وتغطيه رائعه

الدبل وير لايت

اقل مرتبه من الي ذكرتهم قبله والسبب انه يطلع خطوط ويسمر بس ثابت وما يسيح

النيود من ديور

كلش ما عجبني يسيح وما يثبت ابد وتغطيته مو حلوه ويخطط

بينفت

هذا مادري شلون شريته موشي حتى ريحته جن الوان مائيه ينشف ويخطط

اماندا

يلوع الجبد كلش ما حبيته

ماكس فاكتور

هذا بعد مو حلو ناشف وما يغطي عدل مو حلوكلش

اورلان

هذا حلو تغطيته حلوه ويعطي لوك طبيعي بس ما احصله بالكويت خذيته من دبي

لابراري

مع اني وايد احب كريماتهم للبشره بس الفاونديشن كلش ما ناسبني يسوي طبقه عالويه كانه ماسك

سالوران اويل فري القديم

انا بشرتي مختلطه واهو افضل للبشره الدهنيه الي باعتني قصت علي وما ناسبني

بورجوا القديم

تغطيته مو حلوه ما جني حاطه شي

غيرلان البرونز

روعه للي يحبون البرونز وانا نزلت عنه موضوع بروحه



يتبع---

 

[G!RLooNa]

عل و عسى القى فاونديشن الاحلام من موضوعج اكره الفاونديشنات ماجربت نوع ركب على ويهي :/

 

[سمسميه]

نكمل
ثانيا الفاونديشن المضغوط الكريمي

سوبركلور من كريولان

يهبل وايد وايد وايد حلوه تغطيته روعه وثابت ما يسيح وتوزيعه سهل بس حطوا منه نتفه لا تكثرون ووزعوه بالفرشه ويصلح للحفلات والطلعات العاديه انتو تتحكمون بطريقة التوزيع

حنان دشتي

مالقيت له صوره بالنت بس مكتوب عليه
picture perfect foundation

حلو حبيته ايضا يعطي لوك طبيعي وتغطيته حلوه

ماك تيش

حلو للاستخدام اليومي وثابت بس تغطيته مو مثل الي ذكرتهم قبله


يتبع ---

 

[سمسميه]

نكمل

ثالثا الفاونديشنات الاخرى

ديور البرونز السبراي

يهبل للي يحبون البرونز وايد سهل استخدامه ويعطي لون برونز صح:rerrerek:



هذي حصيلتي من الفاونديشنات
اذا عجبكم الموضوع لا تنسوني من التقييم:eh_s(7): واذا بخاطركم توبيك يديد اتكلم عنه لا يردكم الا لسانكم:eh_s(7):
ومشكورين للمتابعه:eh_s(7):

 

[سمسميه]

جيرلونا
جربي الفاونديشن وانتي بمركز التجميل قبل لا تشترينه واخذي لفه اذا عجبج ما ساح ولا تكتل وظل ثابت ولونه عاجبج ذيك الساعه اخذيه
او طلبي منها تيستر جربيه قبل ما تشترينه

 

[ماني من الناس]

انا حدي كريم واقي شمس كلين اند كلير خخخخخخ احسه حلو ما يكتل ويعطي لمعه وصفاء وينور

جربت ماكس فاكتور ما يلوق

وايف سان لوران هم ما يلوق


اخر شي خذيت واحد من رفيجتي اهي اختها مندوبه حق شركه اسمها touch profashional

Made in usa

واوكيه يعني ,,,,,,,,فاين

وجربت لهم اي شادو كريمي فضي يهبل

وبنستفيد من تجاربج الحلوه وتم التقييم تستاهلين

 

[ايطاليه]

ماشاءالله مواضيعج وااايد حلوة ومفيدة

شوقتيني على فاونديشن جيفنشي

حبيبتي ماعليج امر ياريت تسوين موضوع عن البودرات

 

[سمسميه]

ماني من الناس مشكوره حبيبتي

 

[^_^ Coco Chanel]

يسلمووووو حيااااااااتي
مواضيعج اكثثرر من روووعه والله
بس شنو اكثر فاونديشن حسيتي انه فعلا تغطيته حلووه ويغطى اثاار الحبوب ؟؟؟ وللبشره الدهنية؟؟؟
ونبي تجاربج عن البودرااااات .......

 

[سمسميه]

ايطاليه
من ذوقج حبيبتي تسلمين وان شاءالله بسوي موضوع عن البودرات ولا يهمج

 

[سمسميه]

رد: Re: تجاربي مع الفاونديشن ----- بالصور

يسلمووووو حيااااااااتي
مواضيعج اكثثرر من روووعه والله
بس شنو اكثر فاونديشن حسيتي انه فعلا تغطيته حلووه ويغطى اثاار الحبوب ؟؟؟ وللبشره الدهنية؟؟؟
ونبي تجاربج عن البودرااااات .......

حبيبتي والله انتي الروعه:eh_s(7):
ان شالله بسوي موضوع عن البودرات قريبا

وبالنسبه لسؤالج
احلى تغطيه عجبتني كريولان سوبر كلور روعه وايد حلو
وانا بشرتي مختلطه لكن صديقتي بشرتها دهنيه وجربت وايد اخر شي ارتاحت على نفس الماركه كريولان لكن للبشره الدهنيه الستيك وشوف عيني تبارك الرحمن الفاونديشن عليها يهبل
وهذي صورته

 

[الدلـــع كله]

الله يعطيج العافيه حبيبتي ...
مواضيعج عجيبة ماشاءالله
لا عدمناج

 

[سمسميه]

مشكوره حبيبيتي

 

[بدويـة للنخاع]

حبيبتي أحلى كريم يصلح على جميع أنواع البشرة وجربته أنا وبشرتي مختلطة ورفيجتي جربته وبشرتها دهنية وضبط معانا بصراحة رووووووووووووعة خاصة درجة الطبيعي 17

وهذي الصورة جبتها من النت

وهذي صورة ثانية.......:eh_s(8):

وهذا الكريم روعة بالتغطية ودرجة الطبيعي حلوة وما يسيح واللي جربوه ما اتكروه البنات وانششالله

 

[رنيم q8]

يعطيج العافيه ع الموضوع

 

[ام عفاف الكويت]

فله شمعه منوووووووووووووووووووووووووره
انتي ياسمسميه
واي شريت الحين اي لاينر غيرلان من نصيحتج
وناطره تجاربج

 

[eva beach]

شوقتيني على جيرلان + بوبي + جفنشي

يعطيج العافيه

 

[رغوة لوكس]

انا جربت كريم اساس جيرلين حلو

 

[سمسميه]

حبيبتي أحلى كريم يصلح على جميع أنواع البشرة وجربته أنا وبشرتي مختلطة ورفيجتي جربته وبشرتها دهنية وضبط معانا بصراحة رووووووووووووعة خاصة درجة الطبيعي 17

وهذي الصورة جبتها من النت

وهذي صورة ثانية.......:eh_s(8):

وهذا الكريم روعة بالتغطية ودرجة الطبيعي حلوة وما يسيح واللي جربوه ما اتكروه البنات وانششالله

تصدقين حبيبتي انا كلش ما حبيته وحسيته وايد ناشف وكانه ماسك على الوجه
بس يمكن لان بشرتج دهنيه حبيتيه
وعليج بالعافيه:eh_s(7):

 

[درة أهل الطولات]

اماندا حلووو غريبة ما ناسبج