تجارب الاجهاض

[Noor_ilQ8]

السلام ... شلونكم بنات؟ أنا حملت أول مرة ، شهرين كان النبض زين بس أخر شي صار مافيه نبض ... سوتلي الدكتورة تنظيف . بليز خل نستفيد من بعض .. شنو لازم إتسوين و- شلون على الحمل الثاني إذا الله كتب

 

[جذابه بنت ذيابه]

رد : تجارب الاجهاض

حببيتي

هذا شي بيد الله سبحانه ,,
عليج بالاستغفار والدعاء
وعسى ربي يرزقج يارب ويرزق كل محرووومه

 

[raneen]

رد : تجارب الاجهاض

والله حبيبتي انا صار فيني نفسج ... وقالولي لازم اسوي تنظيفات بس انا اكنت خايفه فرديت للبيت وسبحان الله هو نزل بروحه ويتني الدوره عادي ...
وبعد ماخلصت من الدوره رحت للدكتوره وسويت سونار عشان اتاكد ان مافي شي تم داخل والحمدلله كان كل شي تمام ....
وحملت بعدها تقريبا 7 شهور لان قلت اعطي الرحم فجه عشان يرتاح ... بس بهذا الحمال عطوني مثبتات عشان اجهضت قبل وقام ينزل علي افرازات بنيه وتميت على المثبت تقريبا5 شهور وقفته ...
وان شاء الله ما احتاجه مره ثانيه .. واتمنى اكون فدتج ابشي... والله ايسهل عليج واتحملين ويرزقج بالذريه الصالحه... وادعيلي اوصل التاسع واولد بالسلامه ...
وتقبلي مروري حبوبه

 

[عذآب إلـ أنآ]

مرحبآ آنا اجهضت مرتين وكان يوصل لي الاسبوع الخامس ويوقف نموّه، وعقبها سويت تحآليل عشان اشوف شنو المشكله ؟؟
سويت تحليل اجسام مضاده اكتشفت ان الدم اللي يوّصل للجنين ضعيف شوي من جذي آنا آخذ بيبي اسبرين ألحين عشان يوصل الدم للجنين إذا حملت ان شاءالله ..
بس كـ فكره آنا آقول ريحي ألرحم شوي عالاقل 3 شهور ، لآني سمعت أن الحمل خلال فترة الست أشهر بعد الاجهاض يعتبر احسن من اللي يحملون بعد الست أشهر، وآنا حاولت 3 مرات عقب مأ آجهضت إني أحمل بس ربج مو كاتب والحين عسا الله يبشرني بآلحمل السليم المعافى وعسى يثبته لنا يارب :eh_s(2):

 

[A7bny =)]

الله يعوض خير يا رب بالحمل السليم عاجلا غير اجل

 

[امواج الكويت]

أنا أجهضت باخر الخامس انفتح عندي الرحم ونزل الماي كله ونزلوا الجنين لانهم خافوا عالرحم انه يصير عقيم والسبب ان عنق الرحم عندي ضعيف ولازم ربط مره ثانيه

 

[فيروزي]

:yaaaaaarb::yaaaaaarb: يااارب يعوضني واياك وكل البنات باالحمل الثابت ياااااااارب
انا دخلت لاني مريت بتجربتين حمل ولكن قدر الله وماشاءفعل انا احمل بس تقريبا بالشهور الاولى او اكثر شوي ينزل افرازات بيضاء وبعدين دم بني وبعدين ينزل الحمدالله على كل شي وتقريبا بعد الحمل الثاني سويت اغلب التحاليل وكل شي سليم وحاليا انا اخذ حمض الفوليك


ويااااااااااارب يرزقنا بالحمل الثابت والطفل السليم المعافى ياااارب :eh_s(8):

 

[Noor_ilQ8]

رد : تجارب الاجهاض

Mashkooren 3ala ilrd .. wa inshalla alah yi3awithna .. ildr sawatle ta7aleel wa inshalla yibayin ilsibab .. 7abait asaal 3an ta7lel il ajsam ilmudhada ? shino hathi we please minu it3arif ism ilta7lel bil english ?

 

[شقحاا]

الله يكون بالعون

 

[Miss-_-Fl0wer]

الله يرزق كل من يبي الظنا انشالله

 

[نـور الكويت]

عسى الله يعوضنا خير ياربي

انا تعورت على الخامس واللحين نفاس وعطوني مراجعه ومارحت المراجعه

الي راحت المراجعه تقولي شسولها؟؟

وعسى الله يعوضنا يارب

 

[مارغريتا]

الله يرزقنا ويعوضنا ان شالله

انا بجر وحملت اول مره من قبل شهر تقريبا وقف نموه ع الاسبوع الخامس ونزل بحبوب وصفهم لي الدكتور مع مضاد حيوي ومانظفت الا تقريبا بعد اسبوعين جني نفاس اممم وبعدين عادي بعد 30 يوم نزلت الدوره لان حسبتها معاي جذيه

الله يرزقج ويرزقني بالحمل السليم الثابت

 

[Om 3zo0oz_2011]

رد : تجارب الاجهاض

الله يعوضج
بيبي اسبرين وابر كلاكسين
سوي تحاليل شامله

 

[مي الكويتيه]

الله يعوضكم خير انشالله ويرزكم الذرية الصالحة

 

[كويتيه مذهله 87]

الله يعوضج حبيبتي وان شالله يرزقج ويترس بيتج يهال

 

[noo7a]

انا اجهضت بالاسبوع الخامس
و ماسويت تنظيفات لان البيبي صغير
و من بعد الاجهاض الدوره اختربت عندي و اول كانت منتظمه