تجارب البنات مع البورصه الكويتيه

[iLLuMinaTion]

شلونكم بنات

بما ان القسم يهتم في مجال الاستثمار ...نقدر هني نتكلم عن الاستثمار في البورصه الكويتيه ....

غلطانه اللي تقول ان البورصه مقتصره فقط على الرجال...

وغلطانه اللي تقول ان البورصه يستثمر فيها فقط ذوي رؤوس الاموال الكبيره

نبي توعيه ..نبي كلنا نشارك في هذا الموضوع والكل يدلي بدلوه من خلال اي معلومه مفيده او تجربه شخصيه

الامور اللي ممكن نتكلم فيها

- نظام الوحدات في السوق الكويتي

- نظام الكسور ..لرؤوس الاموال الصغيره

- التحليل الفني ...

- الميزانيات والتحليل الاساسي


هل الفرصه الان ذهبيه للاستثمار والمضاربه في السوق الكويتي بعد الازمه الماليه

ناطره مشاركاتكم وردودكم الحلوه

 

[iLLuMinaTion]

حبيت احط لكم مثال على استخدام التحليل الفني في عمليه المضاربه في الاسهم

من خلال برنامج الميتا ستوك

وعمليات الدخول والخروج من السهم بواسطه اشارات فنيه

شوفوا الصوره وهي تمثل المؤشر السعري للسوق الكويتي

تلاحظون تقاطع المتوسطات في الدائره العلويه تنبئ بنزول السوق

ومن ثم تقاطع المتوسطات الدائره السفليه تنبئ بصعود السوق وهلم جر

 

[النمساوية]

موضوعج حلو
بالتوفيق

 

[iLLuMinaTion]

هلا حبيبتي

حبيت اشوف مساهماتكم

عشان استرسل اكثر

 

[@Miss Dio@]

رد : تجارب البنات مع البورصه الكويتيه

ودي بس ما افهم احس اني غبيه مع ان في ناس ما عندها حتى شهاده وتعرف له وانا جامعيه بس ما افهم ما ادري ليش؟

 

[iLLuMinaTion]

رد: رد : تجارب البنات مع البورصه الكويتيه

ودي بس ما افهم احس اني غبيه مع ان في ناس ما عندها حتى شهاده وتعرف له وانا جامعيه بس ما افهم ما ادري ليش؟

المساله جدا بسيطه

بس ياليت نشوف مشاركات ومساهمات وقصص المتداولين

 

[iLLuMinaTion]

تكمله للموضوع

اشوف ان المستويات السعريه لبعض الاسهم جدا قليله ونازله

مثل

تمويل الخليج

ميادين

ابيار

المستثمرون

كانت فوق الدينار والحين اقل من 50 فلس

فرصه

والتحليل الفني يساعد على معرفه اتجاه وتفكير صانع لسوق

 

[iLLuMinaTion]

وينكم

 

[الطيب الغالي]

يسلمووووووووووووووووووووووو
موضوعج حلو ومفيد
كملي متابعة
اب اب اب اب

 

[iLLuMinaTion]

ن شاء الله راح اكمله

 

[الطيب الغالي]

اب اب اب

 

[iLLuMinaTion]

اليوم شفنا ان سهم التمويل الخليجي موقوف عن التداول

بسبب خفض راس المال وذلك لتغطيه التزامات وديون

يعني الللي عنده 40000 سهم يصيرون 10000 سهم

ويرتفع سعر السهم من 36 فلس الى 136 فلس

خطه لاعاده هيكله الشركه

 

[amoOoNA Al_mazyoNa]

احس هالشي يعرفوون له اللي يحبون الاقتصاد وفاهمينه..
بس موضوووع حلوووووو

 

[iLLuMinaTion]

تسلمين يا حلوه

منو فاهم بالاقتصاد والبورصه

 

[منيرة خالد]

مرحبا أختي

انا لي تجربة ولازالت مستمرة بالبورصه


بدايتي مع التقاعد والازمه الاقتصادية


فرصه بهالوقت للي تبي تدخل البورصه وبمبلغ قليل وخاصه انه في اسهم قيمتها اقل من 100 فلس


أنا شريت قبل سنة اسهم شركة ما وخليتها وصراحه مليت حسيت اني تجمدت مكاني ولازم اغير واجازف واقرى التحليلات الفنية


وبديت باول سهم وبعته وطلع لي ربح تقريبا 600 دينار حلوين


والحين شريت شركتين سعرهم اقل من 100 وبتابعهم ومن يرتفعون ابيع حتى لو اطلع لي كل شهر او شهرين مبلغ اقل من 500 دينار هم حلو



اتمنى الخير للكل وان شاء الله اشوف بنات كاتبين تجاربهم ونستفيد منهم


لج تحيتي ((( عاد تصدقين عمري ما طبيت البورصه قاعده بيتي وزوجي طلع لي رقم تداول وحولت الفلوس عن طريق البنك طبعا واهو يتصل ويشتري ويبيع بس طبعا بموافقتي ودي اجازف واروح اشوف البورصه )))

 

[iLLuMinaTion]

حياج الله اختي منيره

والله فرحت لج وايد لما ذكرتي الربح

بس هذا الربح شكثر يمثل من راس المال

يعني يعتمد اذا كان راس المال كبير والا صغير

بس هناك اساله مهمه في اختيار السهم الرابح

يعني اعتمادج في اختيار السهم على شنو

هل هي توصيات معينه ام تحليل فني ام تاركه المهمه على ريلج

ومن وين تستقيت المعلومات

مشاركتج وايد اسعدتني

 

[منيرة خالد]

هلا والله


أنا تجربتي بدت مع البورصه مع التقاعد والخروج من الحكومه والجيب فاضي هالشي ضيق خلقي حيل ، وصادف بعدها الازمه الاقتصاديه


ولأنه زوجي عنده تجربه قديمه مع البورصه نصحني اني استثمر مبلغ معين بالبورصه واتركه لين يرتفع السهم >>> في البدايه اختار لي زوجي الشركة وشريت اسهمها وهالشي خلاني ابحث وادور بالمنتديات وادرس واطلع على الشركات والتحركات والتحليل مع وجود دروس كثيرة عن البورصه بحاول انقل لكم درس ان شاء الله علشان البنات يستفيدون


وهالشي اللي خلاني ابيع الاسهم اللي عندي واحركها وانا متابعه يوميه عندي لسوق الاسهم واشوف الاسهم وبنفس الوقت في منتديات متخصصه عن البورصه اعضاءها ما يقصرون بتقديم النصيحه

وان شاء الله راح اكون متابعه معاج

 

[iLLuMinaTion]

تكمله للموضوع

اشوف ان المستويات السعريه لبعض الاسهم جدا قليله ونازله

مثل

تمويل الخليج

ميادين

ابيار

المستثمرون

كانت فوق الدينار والحين اقل من 50 فلس

فرصه

والتحليل الفني يساعد على معرفه اتجاه وتفكير صانع لسوق

لا حبيبتي منيره

شوفي سهم ابيار اليوم معلق حد أعلى بسعر 31 ونص

 

[iLLuMinaTion]

اليوم سهم ابيار حد اعلى 31 ونص

كسر وقاومه 31 فلس اللي الحين تصير دعم للسهم

وهدف كسر المثلث المتماثل 40 فلس

ويواجه مقاومه عند 35 ونص

بالتوفيق حبيباتي :33_1185028183:

 

[منيرة خالد]

هلا اختي


انا ما لي بأبيار >>>>>>>>> شوفي جـــرانــد سهم روعه كسر حاجز 23 فلس وان شاء الله يوصل لي 31 حلو بالمضاربه

اتمنى التوفيق للكل