تجارب الولادات القيصيرية

[30Juju]

السلام عليكم بنات
انا بنتي عمرها 13 سنة وولدت قيصيريه
والحين حامل في الثالث
وبعد قيصيريه
الموضوع بأن انا اذكر من فتحت عيوني من البنج يا لي ذاك الالم القوي الي ما بعمري انساه وبديت أرجع من البنج. بس اسمع وايد من رفيجاتي يقولون في الم بس مو الالم القوي يمكن انا قعدت قبل الموعد الي المفروض اقعد فيه في البنج وتوهم كانوا مخلصين وهاي كلام وحده من ربعي ودكتوره.
فقلت هالمرة بأكد على الدكتوره تبدي معاي ادويه للعوار اول ما يخلصون القيصيريه.

خايفه وايد بنات منو معاي بنفس التجربه.

 

[30Juju]

شدعوه ولا وحدة والده قيصيريه��

 

[tota77]

انا ولدت مرتين

اول مره كانت حيل متعبه وثقل وتعب

والثانيه كنت ماخذه بنج نصفي الي اهي ابره الظهر والحمدلله كانت خفيفه وتعبها اخف وايد..

والحين حامل وبعد شهرين ولادتي اذا الله سهل وبتكون قيصريه بعد


بس ماذكر عوار الخياط كثر بجري اهو الي تعبني

 

[بنت الظبي 2016]

الله المستعان .

الحمد لله كل ولاداتي كانت طبيعية و الله يسهل في هذا الحمل و تمر الامور بخير وعلى خير ياااارب .

في احتمالية للقيصرية بحكم نوع الحمل اللي عندي ولكن لين الحينه ما شي مؤكد ، حتى الدكتورة ما قالت .

 

[عين 85]

شوفي انا ولدت مرتين قيصري


طبعا بالمرتين عوار


بس ثاني مره كانت اقوى من الاولى


والكل يقول مره عن مره يزيد لان يرجع الجرح ينفتح

 

[angel of love]

الله يتمم على خير يارب

 

["*آآآنؤؤؤقهـ*"]

الثانيه اسهل


يتمملج على خيييير

 

[مذهلة2013]

انا ولدت مرة قيصري كانت خفيفه الحمدلله مع ابرة الظهررر

 

[حبيبة قلبي]

من وحده لي وحده تفرق انا ولدت قيصري تره حسبيها ١٠ ايام بالضبط انتي مالج الا العافيه وماكو عوار بس كنت انام على ظهري اما بنت عمي تبارك الرحمن كانت تنام على بطنها عادي ف من بنت لي بنت يختلف الوضع

 

[عين 85]

يا خوفي من هالمره
سامعه الالم يزيد

 

[مـهـــابــــه]

انا ولادتي السابقة قصيري والصراحه تعبت حيل لا نوم لا قعدة لا حركة وهالمره اتمنى الله ييسر لي و واولد طبيعي