تجارب مفيدة جدا لطفل الداون

[ام ناييف]

من تجاربي
المراية حطي مراية خاصه بالاطفال قدامها وخليها تشوف عمرها
وناديها باسمها وصيري معاها بالصوره واشري هذي ماما هذي نانا _اسمها

وهكذا كل يوم لما تمرين قدام مرايه بالبيت خليها تشوف عمرها راح تنتبه اكثر وتلتفت لما تشوف احد مر على المراية

 

[ام ناييف]

مرات اشغل برنامج بارني واخلي اخوانها يرقصون مع بارني
شوي شوي بدت تتفاعل معاهم لما يرقصون تضحك لهم
ولما يوقفون تسكت تنطرهم يرقصون مره ثانية


الهدف كان انها تتفاعل مع اخوانها وتشاركهم ويشاركونها اللعب

 

[ام ناييف]

يا الله كل وحده تقول تجاربها مع عيالها خل نستفيد من بعض

 

[ام ناييف]

وينكم ليش ما تردون

 

[ام ناييف]

خلونا نسوي موسوعه يستفيد منها كل ام جديده الله رزقها بطفل داون

 

[لولو-الصغيره]

وين ما تروحين يا أم نااايف لاحقتج ههههههههه

انا يحب يطالع توم وجيري والله إني أحطه جدام التلفزيون يطالع ولا يحب أحد يحركه من مكانه
ولما يشوف خواته وأخوه ويسولفون معاااااه يضحك من قلبه بعد قلبي
وعلي موضوع العلاج بالعمل والله هذا الدكتور صراحه ما حس يسوي شي دايخ ولا أحس يستفيد وفكرت إني أطلعه لأني صراحه مو ملحقه علي العلاج بالعمل والطبيعي وهادي وايد يتعب وبخليه علي العلاج الطبيعي
ودايمااا احط بيده قرقاشه وحرك إيده وشريت له بعد قرقاشه تنحط بالرجل اتصدقين يحرك ريوله وبعرف من وين طالع الصوت الحمدلله يارب ولما أبوه يناديه هادي هادي والله يضحك وينزل راسه مستحي وااااي يسلم قلبه ​

 

[ام ناييف]

هلا وغلا ام عبدالهادي
الظاهر ما احد من امهات الداون غيرنا ام مرمر وام اميره والباقي وينهم اختفوا
عسى المانع خير ان شاء الله


تدرين انا بنتي ما سجلوا لها علاج طبيعي ولا بالعمل وانا حيل متضايقه اخاف تتأثر بنتي بعدين

وانا الحين شغاله عليها بالتمارين من الكتب اللي طلبتهم والحمدلله امورها زينه

يقولج لازم يتعلم يمسك الشي بايده ويبدلها من ايد الى الثانية
وعلشان يتمكن من هالتمرين عدل
اقلبه على جنب وعطيه اللعبة يمسكها ويبدل ايدينه لانها تكون قراب من بعض اكثر حتى يتمكن من التمرين عدل
ولما يتمكن منها خليه قاعد ويسوي التمرين لازم يعرف يستخدم ايدينه الثنتين مع بعض

 

[الصابرة المحتسبة]

ماشاء الله تبارك الرحمن يا ام ناييف
عسى ربي يخليها لكم

وعسى ربي يخلي هادي لامه

 

[مشاعل الشمري]

يالله نبي تجارب اكثر
وافاده ونفع اكثر

 

[مشاعل الشمري]

رفع

 

[يرخصلك كل غالي]

up up

موضوع روووووووووعهـ

 

[مرمر]

شلونكم بنات

لله الحمد امس خذيت شهادة تكرمني وتقولي تعبج ماضاع الفال لعيالكم
امس خذيت اختبار ذكاء بنتي تقريرها تم تصنيفها من بطيء التعلم يعني راح تاخذ فرصتها انشاءالله بالدراسة

يارب الفال لعيالكم والله ثم والله ماكو شي يضيع عند ربي قد ماتتعبون تلقون اكثر
طبعا كلكم تدرون مرمر داون سيندروم


انا بخدمتكم ابعد علشان ظروفي بس اتابع من فترة وفترة

 

[ام ناييف]

هلا ومرحبا ام مرمر
والله يفرحج فيها كمان وكمان

ولكم وحشه

 

[مشاعل الشمري]

شلونكم بنات

لله الحمد امس خذيت شهادة تكرمني وتقولي تعبج ماضاع الفال لعيالكم
امس خذيت اختبار ذكاء بنتي تقريرها تم تصنيفها من بطيء التعلم يعني راح تاخذ فرصتها انشاءالله بالدراسة

يارب الفال لعيالكم والله ثم والله ماكو شي يضيع عند ربي قد ماتتعبون تلقون اكثر
طبعا كلكم تدرون مرمر داون سيندروم


انا بخدمتكم ابعد علشان ظروفي بس اتابع من فترة وفترة

:eh_s(9):عفيه والله انهاا بشارة بالنسبه لي الله يتمم عليكم وتتقدم بعد وبعد مرمر العسل
:eh_s(15):وهالشي يه بفضل الله ومن ثم بفضل رعايتج وتوجيهج لها
:nbvppw: :nbvppw:
انتي من الامهات اللي اخدمو هالقسم فلا تقاطعينا:bye22:

 

[مشاعل الشمري]

هلا ومرحبا ام مرمر
والله يفرحج فيها كمان وكمان

ولكم وحشه

جزاج الله خير يا ام ناييف على متابعتج للموضوع ورفعج للمواضيع:friends:

 

[ام ناييف]

لا تقولون down احنا up up up

 

[الصابرة المحتسبة]

رفع

 

[الصابرة المحتسبة]

رد : تجارب مفيدة جدا لطفل الداون

رفع

 

[baby.blue]

رد : تجارب مفيدة جدا لطفل الداون

صراحه أنا مو أم

بس في بمجال دراستنا ان نتعامل مع أطفال الداون

فحبيت أعلق على ثاني تمرين سويته صراحه فكرته حلوه و حبيته و اذا تسمحين في حال إني شفت حاله إني انصح الام هالنصيحه

الحل ييبي ككاو نوتيلا السائل الكبير وخليه حقه بروحه لانه راح يلعب حطي باصبيعه بالكاكاو وخل يذوق اول اصبع راح تشوفين انه عجبه الطعم ويبي الاصبع الثاني بياكل وراح يحرك ايديه واصابيعه وكرري مرة ثانية بس مو وايد لاينغث وما ياكل

خليها مرتين باليوم

يعطيج العافيه حبوبه

 

[shmo5_]

رد : تجارب مفيدة جدا لطفل الداون

موضوع روعه


ومفيد


بس حبيت اسال شنو في تمرين يخلي لسان يدخل لحلج



وتمارين للي تقولون عنها حق اي عمر



انا اخوي عمره سنه



وسوي علاج طبيعي في خاص تقريبا شهر ووقفه عشان قلبه لانه مجهود حيل عليه


واهوا بس يقلب ويوقف بس نكون ماسكينه لازم


وعمليته لقلب انشاءالله بعد اسبوعين


ادعوله تنجح