تجاهل الزوجه لخيانة الزوج؟؟؟هل يعتبر ضعف والا حكمة!!!!

[الاء أم لولو]

صباحكم,,مسائكم ورد جوري
راح ادخل في الموضوع علي طول ....:lkmnkl:

ما بحدد مجتمع معين ولا فئه معينه لان موضوعي مايخص مجتمع معين ولا فئه معينه خيانه الزوج منتشره بشكل

غريب والمشكله انها اصبحت بالعلن اتوقع مافي زوج يخون حرمته وهي ماتدري عنه ، انا ما ابي اعرف اسباب الخيانه وليه

ومتى.. وخان مين لجل مين مع ان نشوف كثير ازواج يحبون زوجاتهم مره ويخوننهم,, طيب ليه مدري عموما كل هذا مايهمني

السؤال الي انا ابي اجابه عليه وابي اعرف رايكم فيه هو لما الزوجه تجي تتجاهل خيانه زوجها لها هل

تشوفونه ضعف منها ولا حكمه منها ولا وش الموضوع بالضبط وهل الزوج اللي يدري ان حرمته تدري عنه انه يخون ويستمر بخيانته لها هل هذا عدم اهتمام ولا ان خلاص دام تدري وساكته انا اجي افتح الموضوع ليه ؟
انا مو ضد الرجل مع المراة هنا ولا ضد المراه مع الرجل انا ابي اعرف رايكم بالموضوع والاخوات اللي

متفقين على ان انها لازم تتجاهل ابي يذكرون لي السبب ليه ؟ والاخوات اللي يشوفون انها لا لازم تتكلم وتتصرف بعد اريد .

اعرف ليه ؟:eh_s(10):

لان بصراحة الموضوع صار لصديقه لي ضحت مع زوجها كثير وبالاخر قرر يتزوج عليها :rgewrg:
ابي اشوووووووووووف ارائكم

ودمتم في حفظ الرحمن

 

[كيكه توفي]

واااي انا مو متزوجه ومن الحين افكر بهالموضوع اذا تزوجت وعرفت ان زوجي يخوني شسوي وااي انا ما اتحمل :eh_s(2):


بس تدرين بقولج موقفين سمعتهم من جم وحده اعرفهم

نموذج (1) : << لووول متحان


درت ان زوجها يخونها قامت وواجهته منو هذي ومن هالحجي رد عليها قالها هذي صاحبتي ومن الحجي اللي دار بينهم قالها عاجبج عاجبج مو عاجبج ماتشوفين شر :rgewrg:

نموذج (2) :

بالليل واهما نايمين وصل حق زوجها مسج تقول عمري مانبشت بتليفونه ياما يدزون له مسجات ويدقون بالليل بس عمري ماشكيت بس هالمره مادري شلون حسيت وقمت بطلت المسج اهوا نايم تقول ولا مكتوب بالمسج دق علي ابيك ضروري تقول انا خذيت الرقم وثاني يوم دقيت عالرقم من تليفون امي صوت بنت ماكلمته ولا شي اهوا بروحه عرف انها فتحت المسج ودرت تقول يحوس بالبيت يحوس تقول انا ساكته بروحه يالي قالي انا من فتره اعرف وحده ومن هالحجي قالتله ادري وبعدين وعدها ان مايعيدها وتقول الحمدلله هالسالفه صارلها فتره وماشفت شي بعدها


انتي حكمي ايهو التصرف الاحسن بس هم على حسب الريال والله مادري هالريايل يعلون القلب :eh_s(10):

 

[الاء أم لولو]

واااي انا مو متزوجه ومن الحين افكر بهالموضوع اذا تزوجت وعرفت ان زوجي يخوني شسوي وااي انا ما اتحمل :eh_s(2): لا ياحياتي عسى ربي يرزقك الزوج الطيب الخلوق اللي يحبك وتحبينه


بس تدرين بقولج موقفين سمعتهم من جم وحده اعرفهم

نموذج (1) : << لووول متحان


درت ان زوجها يخونها قامت وواجهته منو هذي ومن هالحجي رد عليها قالها هذي صاحبتي ومن الحجي اللي دار بينهم قالها عاجبج عاجبج مو عاجبج ماتشوفين شر :rgewrg:
واااااااااااااااااااااااااااي قهرررررررررر
مو هذي المصيبه اذا صارحناه الرجال الخائن يتمادى واذا طنشنها بعد يتمادى :rgewrg:

نموذج (2) :

بالليل واهما نايمين وصل حق زوجها مسج تقول عمري مانبشت بتليفونه ياما يدزون له مسجات ويدقون بالليل بس عمري ماشكيت بس هالمره مادري شلون حسيت وقمت بطلت المسج اهوا نايم تقول ولا مكتوب بالمسج دق علي ابيك ضروري تقول انا خذيت الرقم وثاني يوم دقيت عالرقم من تليفون امي صوت بنت ماكلمته ولا شي اهوا بروحه عرف انها فتحت المسج ودرت تقول يحوس بالبيت يحوس تقول انا ساكته بروحه يالي قالي انا من فتره اعرف وحده ومن هالحجي قالتله ادري وبعدين وعدها ان مايعيدها وتقول الحمدلله هالسالفه صارلها فتره وماشفت شي بعدها

الله يديم الحب بينهم بس خليها تنتبه الرجاجيل ياما تحت السواهي دواهي


انتي حكمي ايهو التصرف الاحسن بس هم على حسب الريال والله مادري هالريايل يعلون القلب :eh_s(10):

مشكوره نورتي صفحتي بزيارتك

 

[سعودية!!!]

السؤال الي انا ابي اجابه عليه وابي اعرف رايكم فيه هو لما الزوجه تجي تتجاهل خيانه زوجها لها هل

تشوفونه ضعف منها ولا حكمه منها ولا وش الموضوع بالضبط وهل الزوج اللي يدري ان حرمته تدري عنه انه يخون ويستمر بخيانته لها هل هذا عدم اهتمام ولا ان خلاص دام تدري وساكته انا اجي افتح الموضوع ليه ؟

تعتمد ع خيانتوه لها علنااا او سراااا

اذا علنااا اعتبرها ضعف بشخصيتها وين هي كرامتها @!@ اهم شيء وفوق كل شيء

واذا سرااا حكمة ...ليه؟! علاجها ماهو بيدها بيده

وبكل الاحوال علاجها واحد تشوف اي جانب بشخصيتوه اقوى وتعززوه فيه لنفرض الجانب الديني فيه مرتفع تحاول قد ماتقدر كل ماجتمعت معه سوااا خيانته له سرا او علن تشوف برنامج تتكلم عن الخيانه واضرار ها النفسيه والجسمانيه بادله وبراهين دينيه تبين عظم حرمانيتهااا
واذا كان عادات وتقاليد هو اكثر مايهزه وخوفه من الفضيحة تجيه من هالجانب او اذا كان مادي تجيه منه بمختصر تعددت الاسباب والنتيجة وحدة الاهم الزوجة الذكيه من تفهم رجلها زين تعرف تعالج مشكلة الخيانه له اولاااا وثانيااا لهم لاحظي قلت لهم لانها ماهي مشكله لهااا سوااا كانت هالخيانه سر او علن

 

[سعودية!!!]

8
8
8













راي الشخصي من واقع غير تجربة الله لايكتبوه علينااا


بعدني انسه :$

 

[tolay]

ضعف منها

او خوفها انها تخسره

او خوفها من كلام الناس

او ماتعرف تواجه وتتصرف

 

[حـوريـه]

أللي يخون .. مايحبج ولآ يبيج
لو يحبج ويبيج .. مايخونج ويحترم العلاقة اللي بينكم
لكن لاكنتي انسانه عادية بقلبه .. راح يخون ويلعب ويخربط
يعني لاخانج اعتبري قدرج قليل بقلبه !
ولو جكته المره .. راح يتأسف ويعتذر
ويشتري تلفون ثاني ويدسّه بالسياره !! ولامن شاف ولا من دري
..
ماقول الا الله يصلح الازواج لزوجاتهم
ويجعلهم قرة أعينهم ومايشوفون غير بعض يارب
..

والله يكفينا شر الخيانات يارب

 

[ضايعه بهدنيا]

ويييع طفارتي طفارتي اسمع وحده ساكته عن ريلها شنو ماكو كرامه

انا اذا تزوجت ودريت ان خاني ولا تزوج علي بنسحب من حياته بدون تردد وسكاتي وبكرامتي










ويمكن اطرشله الي يغسل شراعه

 

[katko0ota]

صباح الخير حبوبه

بالنسبه لموضوعج له جوانب وايده و اسباب وايده بعده و مختلفه كل حاله لها ظروفها

بالنسبه لموضوع الخيانه ما تصير الا لما يكون هناك تقصير ما اقول من الزوجه بس لا من الطرفين (المراه و الريال موووو طايقين بعض) و لكن المراه لما تتغاضى بعض الحيان هذي اعتبرها حكمه منها و ليس ضعفا و لكن بشرط ان الموضوع ما يزيد عن حده و في هالحاله كل واحد منهم يروح بحاله ابرك

و على كلامج انه ريل صديقتج بيتزوج عليها من وجهه نظري الشخصيه يتزوج عليها اهون من الخيانه ( ليش ان الزواج شرع الله صج الوحده تتضايق بس بالنهايه هذا مسموح له و لكن الخيانه ابد كلش ما استحملها احس انيه يستغفلني و موووتي احد يستغفلني)


تقبلي مروري

 

[وجدان الكويت]

على حسب الريال حبيبتي

في رياييل يخون مرتة جدامها وتسكت لا هذا اسميها ضعف وفي رياييل يحترم وجودها بالبيت وحركاتة مايسويها جدامها كلش

وعلى فكرة مو شرط الريال اذا يخون يكون مايحب مرتة نفس ماقالت وحدة من الخوات والله سمعت بناس يخونون يموتوووون على بيتوهم وحريمهم بس هذا الله بلاه بهالشر والا صحبة السوء والا البنت قطت روحها عليه ويظل بالنهاية ريال مو ملاك

انا بالنسبة لي لو بتعرض لهالموقف بواجهة بالبداية اذا حسيت انة مانفعت وياه صليت ودعيت له باخر الليل لان محد ينفعني بهالحزة الا ربي

واخر شي اسويه اخذ اغراضي وعيالي واروح بيت اهلي واخلي لبنت الناس

 

[Marka Store]

دفعت مردي والهوا شرجي

 

[هــدوء]

اذا تحبه لا يعتبر ضعف