تجربة استفدت منها و حبيت افيدكم

[الهما]

السلام عليكم احلى الامهات
اللهم اعنا و قدرنا على حسن التربية
و الهمنا الرشد و الحكمة
بنات انا لله الحمد عندي اطفال اثنين
تدرون مع لوية الحياة اليومية نواجه مشكلات وقت النوم وقت التبديل وقت الحمام و انتو بكرامه
شفت ان جدامي حلين ...اما اني استخف و اقعد اصرخ 24 ساعه
او ارتاح و اريحهم .... و اربيهم باسلوب ممتع و مريح

وانا اتمشى في مركز التعلمي المبكر (مكاني المفضل) لقيت عندهم لوحه مغناطيسية فيها ايام الاسبوع و معاها نجوم و ملصقات ثانية للثواب و العقاب...

شريت ثنتين و خليت لوحة للطفل الاول مع صورته الشخصية الكبيرة
و الثانية للطفل الثاني
وتبدأ المنافسه
فهمتهم ان عندنا 5 ايام عمل اللي يجمع اكثر النجوم يختار شيسوي بالعطله
و بدأ السباق
ما قمت انادي و اتعب نفسي ....كل اللي اقوله فلان وقت النوم يروح يركض و هوا مشتط و يقولي ماما تحطين لي ستار اقوله طبعا وهكذا ....جدا جدا جدا مفيده
الله يخليلكم ما عطاكم الرحمن​

:eh_s(7):

 

[M!SS.LOBY]

الله يحفظهم لج ويفرحج فيهم

 

[ام الحلوااات]

مـــاشــــآء اللــــه عــلــيــج طــررريــقــتـــج وااايــــد عــجـبـتــنــي
الللـــه يــحــفــــظ عــــيــااالـــج ويـخـلـيـهـم لـج
كــم اعــمـــااارهـــم

 

[قسي قلبك تعيش]

ممكن صوره للوحه واكون شاكره لج

 

[Toffeeya]

حبيت الفكره
ربي يسخرهم لج و يطرح فيهم البركة ان شاء الله و يرزقج برهم
و مشكوره

 

[orange blossom]

فكرتج واايد حلوه
و نفعت حق وايد امهات سمعت انهم جربوها
الله يخلي لج عيالج انشالله

 

[فجوره]

تنفع لعمر سنتين

 

[أمـ مبارك]

وينه مكانه هالمركز ؟؟


وربي يحفظلج عيالج


وجم اعمارهم ..؟

 

[أم يزيد &سديم&]

أنا عيالي من سنة مطبقة معهم هالنظام
وما شاء الله ما شيين مثل الألف
لا صراخ ولا نباح

 

[هدوءالبحر@]

ماشاء الله
فكره روعه
الله يصلحهم ويخليهم لك يارب

 

[فجوره]

انزين بس نحصلها بالمركز العلمي

وبجم ؟؟


بستخدمها مع عيالي

 

[M!SS.LOBY]

طريقتج حلوووووة

 

[MzOoOn 22]

ماشاءالله عليج الله يحفظلج ماعطاج

 

[.. BNT ..]

ماشاء الله ربي يتمم عليهم ويحفظهم لج
بس هذي تنفع حق ناس يفهموون

 

[أم بتول*]

ممكن صورة اللوحة لو سمحتي ووين هالمركز

 

[Dana2012]

خووووووش طريقه
راح اطبقها مع بنتي ان شاءالله
شكرااااا

 

[ناتشوو]

الله يجزاج خير
ويعيننا ع تربية العيال

 

[بنت الاحلام]

فعلا انا سويتها مع عيال اخوي وايتانسو حيييل

 

[الهما]

السلام عليكم
عزيزاتي اعتذر عن التاخير في الرد
اللوحة من ...
مركز التعليم المبكر
early training center
موجود فرعهم في الافنيوز و جمعية الروضة
انا رحت لهم قبل امس كان عندهم خصومات و ماحصلت اللوحه ....
تقدرون تطبقون الفكرة
تاخذون لوحه من ايكيا سعرها دينارين او دينارين و نص و تتعلق باي مكان واضح في البيت و تقسمونها كجدول و على راس كل خانه صورة الاطفال و النجوم تشترونهم من اي مكان او الام تسويهم ..ورق مقوى أصفر و تقصصونهم و تخلون عيالكم يشاركونكم بالمهمة هذي :eh_s(15):

خوااتي مو مهم اللوحه المهم الفكرة و الفكرة تطبق بطرق كثيرة ....
كل أم و ابداعها
الله يقدرنا على حسن التربية
اللهم آمين

اتمنى لك التوفيق:aha:​

 

[Nokia N95]

مشكوووووورة واااااايد والله يعطيج العافية