تجربتكم مع التقاعد

[أطول قصيره]

السلام عليكم خواتي
بما اني ناوية اتقاعد من التدريس ابي اعرف تجربتكم مع التقاعد وهل كان قرار صحيح وشنو نظامكم اليومي​

 

[أم نواف غير]

مووووفقه يارب

 

[bnt_kwt]

كان ودي افيدج بس وراي مشوار طويل

بس اتوقع راح تملين من القعده بالبيت

من رايي سوي لج مشروع تجابلينه وتلهين عمرج فيه

والله يوفقج

 

[أطول قصيره]

مشكورة حياتي

 

[نعم كويتية]

انا السنة تقاعدت
والله شفت العافية وراحة البال بالتقاعد
نظامي....
اصلي الفجر /قرآن / ادعية الصباح الى صلاة الشروق بكذا ضمنت حجة وعمرة بإذن الله
انزل بعدها لابو العيال يكون توة جاي من الصلاة بالمسجد ونقعد ع التلفزيون نشوف الحرم ومرات نتريق
اي والله ياحلو الريوق بهالوقت وتسمعين هالعصافير وتشمين الهوا العليل
ارجع انام للساعة 11 او لصلاة الظهر يعني ما اح بوقت الدوام ( جوعانين نوم )
اشوف المطبخ وتحين بعادة لما توكلين عيالج من ايدج ولا منة الخدم انا الحين مو مثل قبل احاتي الخدم وهروبهم وعنفصتهم صار عندي عادي .
العصر اخلص اشغالي الخارجية او اسير على امي ثمن ارجع للبيت نزهب العشا واقعد ع تويتر او النت
وقبل لا انام اصلي جم ركعة قيام الليل والحمد لله ثم الشفع والوتر
راااااااااااحةالتقاعد
بلا مشاكل هالمدارس ، مشغولة بنفسج وبس

 

[نووووونا]

ما شاءالله تبارك الله احلى حياة نعم كويتيه الله يبارك لج ويرزقنا



صاحبة الموضوع موفقه توكلى على الله الدوام لله بس

 

[أطول قصيره]

يعطيج العافية نعم كويتية000
انا معاج التقاعد راحة بال الوحد ة تقدر تتفرغ للعبادة وتتفرغ لعيالها ولزوجها ولبيتها
مشكورةنووونا على الدعوة الحلوة
جزاكم الله الف خير​

 

[أم سيف وسلطان]

كان ودي افيدج بس وراي مشوار طويل

بس اتوقع راح تملين من القعده بالبيت

من رايي سوي لج مشروع تجابلينه وتلهين عمرج فيه

والله يوفقج

 

[غير كل الناس]

والله تصيرين ام بمعني الكلمه

كفايه مرتاحه واذا رجعو العيال من المدرسه لج خلق تدرسينهم

قبل راده من المدرسه او الدوام تعبانه غدا صراخ تعب نوووووووووووووووووووووم مثل المصروعه وتقومين قبل المغرب بشوي النفسيه صفر واركض اركض اكتب الواجب احفظ هذا غير اذا كان عندج روحه او مكتبه او شغل لدوامج او طلبات عيالج

قرار 100% لام العيال

بلا مدرسه بلا هم بلا استئذان

واللي ينقص من الراتب بال".............................................................
وكان رايح علي حطات وعبي وريوق وخرابيط


كنت احس انتي مستهلكه ايام الدوام ومغبره

الحين مرتاحه حتي وجهي تغير وطلعت اشاعه اني طاقه ابر تفخ خددود


تقاعدي وارتاحي راح العمر وان لبدنك عليك حق

واللي تقول مجتمع الدوام يعلم

انا اقول الله يعافي النت كل شي يعلم

 

[james546613]

للرفع وايد استانست على سوالفكم وخبراتكم

 

[asma]

الله يوفقكم عقباااااااااااااالي يااااااااااااااااااااااااااااااااارب

 

[AVE.NJ]

لا يقولون لج ملل
يكفي الدوام هذي قالت وهذي حطت واشمنا هذي والقيل والقال
يكفي مرتاحه
انه متقاعده بالنسبه لجدولي
يختلف عن اي احد لانه عندي ياهل
اقعد الصبح اريق ولدي وانه بعدين والعب معاه ونطالع صباح الوطن
وبعدين تكون خدامتي مزهبه كل شي اروح اطبخ وبعدين انوم ولدي واصلي الا يا ابونا يلعب مع ولدي ونتغدا
وننام الظهر العصر عاد نطلع او نقعد نلعب او اشوف شنو ناقص حق الجمعيه او اساعد الخدم
وبعدين واجبات اجتماعيه اشكثر ماتخلصين
ياحلاة الراحه
الله يوفقج وافضي حق نفسج روحي صالونات ويمعات استانسي
بلا مشاريع بلا كلام فاضي اللي ياي نفس اللي رايح

 

[أطول قصيره]

مشكوووريين ع الررفع ومااقصرتواا ع الردوود اللي ترييح الباال
انشالله ابششركم بتقااعدي قريباا ويعطيكم العافيييه