انقل لكم التجربه بتفاصيلها
*السعر حسب الوزن وبما ان وزني وقتها كان 92 حسب ميزانهم
مع ان وقتها وزني بميزاني 89 !!!!!
طلبوا مبلغ وقدره 140 دينار داحرتهم وقلت لهم ميزانكم مو مضبوط
نزلوا لي القيمه الى 130 دينار للكورس
والكورس 10 جلسات يوميه
*****
الغرف عاديه جدا وهي بمضرب الشمس وماعندهم ستاير عازله للشمس
يعني يتم المساج باضاءه خافته شوي
*******
*السرير جدا عادي ومافيه فتحه للراس خاصة لما يصير مساج بالظهر تتوهقين براسج يروح يمين او يسار او تنقمتين
******************************
ملاحظه يوجد جناح غرف بنفس الشقه ....جناح بالشقه المقابله ....جناح فوق الشقه المقابله
جربتهم كلهم
الغرف اللي بالشقه مزعجه جدا بسبب الزباين وموظفات الريسبشن ...اما الاجنحه الاخرى فكويسه
********************
نجي عاد للشغل فهو 100% بس مو كل البنات
ملاحظه البنات صينيات بس اسمائهم كويتية لزوم السهوله بالنطق
يعني دلال شيماء اميمه لطيفه لولوه ..........
انا افضل دلال وشيماء كتجربتي الخاصه
*****************************************
الزيت ماله ريحا مال الجسم
ولكن الزيت الثاني للي يلفونج عقبه بنايلون ريحته فكس وحار
**********************************************
المواقف مافي ولكن في الحارس ياخذ السيارة ويصفطها لج
مواعيدهم مضبوطه وبالتايم
نتايج التنحيف واضحه من اول جلسه ويعمل شد للجسم مع الريجيم
فوفو
