تجربتي الفاشلة مع المطبخ اليوم

[كهرمانة]

اليوم اشتهيت اسوي لقيمات وخبز عروق
ودورت بالمنتدى على طريقتهم

وطبقت نفس اللي كاتبينه

لكن

فشلت فشل ذريع :eh_s(16):

القيمات طلعت عجينة من داخل وعلى شكل حيوانات :eh_s(4):
مع انه البنت اللي خذيت الطريقة منها قايلة انها تطلع مقرمشة وهشة

اما خبز العروق طلع ياااااابس وشرب زيت واااااايد
والله تفشلت جدام اهلي :eh_s(11):

آآآااااآآآآآه ضيعت ثلاث ساعات بالمطبخ ع الفاضي
لو مستغلته بقراءة القرأن احسن

بس حاشني احباط وقررت ما ادخل المطبخ مرة ثانية

مادري هل انا فاشلة بالطبخ او الاكلات اللي سويتها صعبة ومو اي احد يضبطها
او الناس ما يكتبون المقادير مضبوطة؟؟؟

 

[dnyay_mll]

يعطيج العافيـه
شدعوه احنا دخلنا المطبخ وظبطنا الاكل على طول
والله اني ماكنت اظبط اللقيمات كلش اول هالسنه ظبطتها
من عمري 14 وانا اطبخ وتوني اظبط اللقيمات تخيلي
وخبز العروق مرات يشرب زيت بسبب الزيت حرارته مو مظبوطه او مخليه النار هاديه او الزيت غزير
شدي حيلج وضغطي على نفسج ولا تحبطين نفسج وتكرهين المطبخ

 

[بابونج]

بالعكس هذه بدايه النجاح
لا تيأسين
والعمل في بيتج أيضا عباده
مافي عمل يضيع من الله كل شي بأجره انشالله

 

[AVE.NJ]

تصير دايما بس لا تياسين
شوفي خبز عروق مالتي حطي جزر مبشور-بصل جوانح-بصل اخضر-طماط-كزبره-اشبنتوالطحين حطي الطحين ابيض اكثر من الطحين النخي وقفشه طحين عيش ووماي كركم وفلفل اسود وكمون وفلفل احمر وقليها
وحبيبتي خبز العروق حلاته يقرمش

 

[قطوووة]

عادي عادي

كلنا جذي اول التجارب نحرق ونجرب

 

[zarax]

يا حليلك يا ما كبينا اجل شلون نتعلم لكن اللي م تعرف شي كان قبل رمضان تسوي بروفات انا وانا طباخة والحمدلله جربت كم وصفة بالاسبوع الاخير من شعبان .

 

[كراميل--82]

عادي حبيبتي يالله تعيشين وتاكلين غيرها​

 

[جارة القمر]

أنا صارلي أكثر من 12 سنة اطبخ

من كم يوم قاطه عجينة وجربته 3 مرات باليوم


ومأخذه الطريقة من المنتدى وكل العضوات يمدحونهم وصج تندمت أني سمعت كلامهم وجربته



قلت يمكن الخلل بالعجن أو المقادير طلع الخلل بالعجينة وهذا الشي متأكده منه






حبيبتي يا يصير أخطاء



ما يخالف كرري التجربه

 

[اللهم الجنة]

مو اي عضووة اطبقين طريقتهاا كلش كلش اسالي المشرفاات جاارونه وهمبوش ما يقصرووون

 

[لاند كروزر]

حتى انا اليوم سويت خبز عروق وطلع محروق وماااااالح

 

[noynoy]

وي عادي ياما بخربطين يا مالج من التجارب الفاشله
بس شوي شوي تتعلمين لما تضبطين هالشغلات
القلي بالدهن الغزير صعب شوي لانه لازم درجه حراره الزيت تكون مضبوطه
ابتدي بشغلات اسهل مثل باستا و لا صواني الفرن و شوي شوي لما تتمكنين