تجربتي الفاشله بالمطعم اليديد ( planet hollywood )

[tmtmt]

السلام عليكم
بقولكم عن تجربتي بالمطعم اليديد

مكان المطعم : مجمع اولمبيا \ مقابل المركز العلمي بالضبط
نوع المطعم : امريكي
نسبة المطعم : 4\10


قبل شوي عشانا
بأفشل مطعم
توه فاتح ( بلانيت هليوود )

السيرفس فاااااااااااااااشل بمعنى الكلمه
يعني صارلنا شي مو طبيعي
ما يابوا الشوربه الا بعد ساعه من طلبنا تخيلوا
والاكل تاخروا فيه وااااااااااااااااايد
والطلب اغلبه غلط وناسين اي طاوله الي طالبه

ومو بس احنا هم الي هناك يزفزنهم على الطلب ونسمعهم يقولون ساعه صارلنا طالبين
بس مادري شسالفته لن توه مبطل يمكن !!

المهم طلبنا الي قدرت اصوره
لني كنت متنرفزه

المنيو + الورقه الي تحت كلها الممثلين ايام اول

​

انقر هنا لمشاهدة الصوره بحجمها الطبيعي. الحجم الاصلي لهذه الصوره هو 800x600 177kb
​

​

​

انقر على هذا الشريط لمشاهدة الصوره بحجمها الطبيعي.
​

​

​

انقر على هذا الشريط لمشاهدة الصوره بحجمها الطبيعي.
​

​

هذا العصير اهما اييبونا اول ما نقعد ...

​

انقر على هذا الشريط لمشاهدة الصوره بحجمها الطبيعي.
​

​

عصير تفاح حق نور + المشروبات
وعصير البرتقال حماي طالبه يقول مو حلوووو

​

انقر على هذا الشريط لمشاهدة الصوره بحجمها الطبيعي.
​

​

​

انقر على هذا الشريط لمشاهدة الصوره بحجمها الطبيعي.
​

​

شوربة المشروم
بالقاعه مادري ليش جنه طارينها منهم
حلوه بس ماااالحه
والكل انصدم اني قلت مالحه لني اموت على الملح
فلما اقول مالحه يعني بحر

​

انقر على هذا الشريط لمشاهدة الصوره بحجمها الطبيعي.
​

​

يتبع ...


​

 

[tmtmt]

السلطه ريلي يقول حلوه


انقر على هذا الشريط لمشاهدة الصوره بحجمها الطبيعي.


اصابع الجبن عادي


انقر على هذا الشريط لمشاهدة الصوره بحجمها الطبيعي.


طبق مقبلات مخلوط


انقر على هذا الشريط لمشاهدة الصوره بحجمها الطبيعي.


طبقي


انقر على هذا الشريط لمشاهدة الصوره بحجمها الطبيعي.



باستا المفروض مع دياي
يابوها خاليه !!

انقر على هذا الشريط لمشاهدة الصوره بحجمها الطبيعي.





ستتيك وربيان
طبعا خلصنا واهما لي الحين مايابوه وزفهم ريلي
يوم خلصنا يابوه بالغصب ولا
كله دم :\

قالهم ريلي كنسلوه مانبيه وطبعا كنسلوه


انقر على هذا الشريط لمشاهدة الصوره بحجمها الطبيعي.


والحساب طلع

48

وهذا كل الي عندي عنه

وسلامتكم

 

[الحورية الصغيرة]

امبييييييييييه حدي مصدومة

و أنا صار لي ساعات أحن على أمي وديني وديني

الصور كللللللش ما تشوق

يمكن لانه توه فاتح

 

[الـجـادل]

آآشوا اننا مرحنا
ولا احنا من الناس الي اول مايتبطل شي بالكويت نقص شريط الافتتاح ههههه
بس ليش ماصورتي ديكورات المطعم
وعليكم بالعافيه ان شالله

 

[tmtmt]

الحوريه الصغيره

اييييي وانا داشه على موقعهم شحلاااته
واحن على ريلي بروح وبروح
بس نطري عليه شوي بعدين جربيه وشوفي

حتى ريلي سأل الي هناك يقوله شمشكلتكم
يقول الشيف الاريكي سافر ومادري شنو تعذرله
امداه ايي عشان يسافر توه المطعم صارله 5 ايام !!!

واوكي مو بس عن الاكل الستاف الله لا يوريج دايخين مايدرون الطلبات حق اي طاوله
ومحتاسين حدهم

معنى مو زحمه ترا كلش

الجادل

ما قدرت هذا الي قدرت اصوره
لن المكان صغير مو كبير وايد فشله
جربيه بعد فتره احسن

 

[شيخة الحلوة]

وي ام نووور

يا الله تعيشين وتاكلين غيرها لوووول
وهاردلك

 

[ReeM ^ Style]

على كثر ماتشوقت له
حسيت بيكون فاشل بما تعنيه الكلمه من معنى
مجرد احساس
والحمدلله طلع في محله
ويلا الله يعوضكم
شكثر اكلنا مواقف من هالمطاعم

 

[catwiti]

واااااااااااااااااااااااي حرام عليهم تبين الصراحه الاكل من الصور ماتشوقت له ويفشلون شنو الباستا بدون دياي @@ امبييه والحساااب مو هيييييييييييييين على ولا شي
توقعته نفس طقة شيليز وفرايديز بس طلع اردى منهم
المهم جربتوا وعرفتو

 

[f-a-r-m-l]

عليكم بالعافيه

 

[عنووشه]

كنت متشوووووووووووووقه له

بس الحين حطيت عليه اكس


الاكل مااااااااااااااايشوق

 

[7noOna]

خـيـرهـآ بـغـيـرهـآ !

بـس غـريبـه تـصـدقـيـن توقـعـتـه حـلـو لآن سـتـآيـلـه يـديـد ويـشـووق

 

[LAW_GiRL]

امبيه عاد ما لندن وااااو اينن صج الي يبونه الكويت اكل بوطقه حتى هارد روك الي عامل عمايل بره اهني طايح حظه

 

[كول سلو]

مشكوووره على نقل تجربتج حياتي

 

[@فطفوووطه@]

يالله خيرها بغيرها الحياة تجارب


بس زين قلتي تجربتج كنت متحمستله وايد بس خلاص اثق في رايج تمتوما ​

 

[LuLiTa]

حسافه كنت مخططة ارووح له مع رفيجاتي,, اشوه جان انقص ويهي معاهم

 

[++The DuchesS++]

يمكن عشان توه مبطل !!
احس جوه من داخل يشووق حده
عوافي عليكم بكل الاحوال

 

[ام كوشه منكووشه]

يا حياتي الله يعوض عليكم ان شاءالله

 

[دانة بعين بحاري]

عاد كنت متشوقه اروح له بس شكلي هونت
اذا اولها جذي !!

 

[Killer^Girl]

حسافه كنت متشوقه له

 

[SILVER ROSE]

عليكم بالعافية ماحب المطاعم اول ماتفتح
زحمة ولوية واحس الاكل اييني مو مطبوخ