تجربتي بنادي لافام

[my7neen]

السلام عليكم

بنات انا مسويه تكميم من شهرين تقريبا وقبل امس كان اول يوم لي بنادي لافام الخالديه
رايي فيه
هدوء وراقي ونظييييييف والفلبينيات يهبلوون نفسيتهم اتيننن وايد حبيتهم
فيه كافيه لو فات
وفيه صالون
اول يوم مشوني عالجهاز نص ساعه وقالتلي يلا الحين الغزال 20 دقيقه طبعا انا حدي حدي وصلت دقيقتين وزين ماوقف قلبي:eh_s(16)::eh_s(16)::eh_s(16): جان اقولها بس ماقدر ماقدر ابي غيره قالتلي روحي القاري يلا نص ساعه رحت القارلي ربع ساعه جان انحاش ارد البيت ههههههههههه ثاني يوم يتلي الدوره
الحين ان شاء الله باجر بروح وبشوف الكلاسات

انصحكم فيه بنات الاجهزه وايد وفيه اجهزه جدامها تلفزيونات
وفيه تعليم سباحه والحوض كبير يهبل

 

[مس استي لودر]

مشالله الله يتمم عليج يارب

 

[my7neen]

تسلمين يالغاليه

 

[sweet lady]

عليج بالعافيه
بجم الاشتراك ووين مكانه بالخالديه اي صوب بالضبط

 

[my7neen]

الاشتراك الشهر اب 100 وال 3 اشهر اب 200 مكانه تقريبا يم نادي الفتاة ما اعرف ادلي للأسف

 

[آنسه مسلمة]

وعليكم السلام

الله يعطيج العافيه
يه بوقته الموضوع
انا سمعت وايد عنه والكل يمدحه وانه مرتب وزين

بس عندي جم سوال والله يعطيها العافيه الي تجاوب عليهم
هل في كلاسات بالصبح لان انا اذا اشتركت بروحله بالصبح مابين 9-12


وانا حسب مافهمت من كلمج ان في مدربه تشرف عليج صح
اذا فيه فتنصحوني باي وحده​

 

[دحملية]

في نادي الاطفال

 

[أبلة فاتن]

هههههههه نادي الحسودات مادري اللي يحسدون فيه وايد رفيجتي هجت من خزهم بجسمها

 

[my7neen]

يفتح ٨يصكر١٠ وفي وايد مدربات انا بس جربت يوم واحد ومافيه نادي اطفال ومالاحظت انه. فيه حسودات بالعكس البنات ذربين ومح له شغل باحد وحياكم

 

[AFRoDiT]

السنه الي طافت كنت مشتركه والحين بعد التكميم ابي اجدد اشتراكي
وفي نادي اطفال عند الباب اول ماتدخلين باب قاعة الاطفال يمينج

واذا ع الحسد
الناس اجناس وفي كل مكان
بالنسبه لي يكفيني ان الناس الي هناك راقيه مافي مراهقات و بويات وزحمه نفس أغلب النوادي الكبيره
والمسبح وااايد نظيف ماشاءالله

انا دوامي بالخالديه كنت اروح فترة الظهر عقب الدوام على طول
كان الوضع وايد هادي و حلو

اتمنالج التوفيق my7neen
وديريبالج لاتقطعين النادي

 

[عسل مرت قيمر]

اممم يعني تنصحين فيه


قعد ادورلي نادي زين

 

[ام خدود ورديه]

خوش نادي يهبل

 

[Lourdez]

شوقتووووووني !!

 

[Lourdez]

انزين بنات بليل زحمة؟

 

[Angel_store]

وين مكانه؟

 

[WAAAW]

رفيجتي مشتركه فيه تمدحه والله

 

[Miss Cherry]

اهو يم نادي الفتاة بالضبط

زين ونظيف بس النادي صغير ومرات زحمه انا كنت مشتركه فيه وخلص اشتراكي من شهر ما جددت .. عيبهم حمام السباحة صغير ومو عميق يمكن متر وشوي واتذكر ماكان فيه مدربه مادري اذا الحين تغير الوضع .. بس اغلب الوقت اكون انا بروحي بحمام السباحة بس كنت اتضايق انه مو عميق هذا العيب الوحيد عندهم

 

[ام خدود ورديه]

يهبل النادي كلاساتهم عجيبه عندهم كلاس مخصوص حق الخلفيه اسمه الخلفيه البرازيليه
وكلاس يوقا ورقص شرقي وزومبا وغيره والاكوا اللي بالماي يوميا من الصبح لي الليل والمدربات يهبلوووووووون

 

[blue ocean]

الله يتمم عليج اختي

كنت مسجله فيه وخوش نادي نظيف وحبيت حوض السباحه نظيف ومرتب

بس مشكلته الوحيده كانت بنظري انه مو كبير
​

 

[ام سعود ديكسون]

خوش نادي راقي