تجربتي بين د ناهض حماديه و رويال حياه { هيومان فاطمي }

[سلمـــى]

السلام عليكم ورحمة الله وبركاته
شلووونكم امهات المستقبل ان شاء الله تكونون بخير وعافيه , انا للامانه استفدت منكم وايد عشان جذي حابه انقلكم تجربتي واتمنى انها تفيدكم
انا في بداية زواجي وبعد الفحوصات عرفنا اني زوجي عنده مشكه فماحبينا نضيع الوقت ومرينا على 4 اطباء كان عندهم نفس الرأي , وبدون تردد سويت عملية اطفال الانابيب عند الدكتور { هيومان فاطمي } التابع للفريق البلجيكي في مستشفى رويال حياة , والحمدلله على كل حال فشلت العمليه.
وبعد 9 اشهر قررت اسوي العمليه مره ثانيه عند الدكتور { ناهض حماديه } في مستشفى المواساه ونجحت العمليه بفضل الله اللهم لك الحمد والشكر.
بس خلوني اقارن التجربتين عشان اوضحلكم الفايده
في العمليه عند الكتور فاطمي :
1- للاسف الدكتور ماعنده اي احساس بالمسؤوليه مع مرضاه لدرجه انه يسافر وقت العمليه , اقسم بالله يابنات ان وقت ترجيع الاجنه كان مسافر والمصيبه ماعطوني خبر , ولما وصلت المستشفى وقت العمليه قالولي الكتور مسافر ولا تخافين د حفصه راح تسويلج العمليه وهم نفس الشغل
بس شلوووووون انا ملفي عند الدكتور فاطمي وهو الي متابع حالتي ؟؟؟؟؟؟؟؟؟؟؟؟
2- نتائج التلقيح ومستوى البويضات يبلغونعا المرضه وهي على سرير العمليه بكل بساطه , واذا حاولتي تدقين قبلها عشان تعرفين شنو وضعج مايعطونج اي معلومه ولا يراعون مشاعر الخوف الي عند المريضع وقت العمليه
3- بعلاج الدكتور فاطمي ماسحب الا 9 بويضات فقط لا غير مع العلم اني صغيره في العمر.
4 - كان الدكتور فاطمي تجاري لابعد الحدود مع الاسف اقسم بالله اني كنت اسوي تحاليل عالفاضي والمليان بشكل كبير .
5 - لم يتم تجميد اي بويضه مخصبه لي , وكانت هناك بويضه واحده فقط من الدرجه الاولى .
6 - بعد فشل العمليه لايمكن مقابلة الدكتور لمناقشة فشل العمليه والخطوه القادمه الا بعد فتره

في العمليه الثانيه عند الدكتور ناهض حماديه :
1 - اقسم بالله اني ماشفت دكتور بصدقه واخلاصه في شغله , كان متابع لحالتي باهتمام على كثرة الضغظ عنده ماشاء الله .
2 - بعد عملية سحب البويضات يبلغني الدكتولر اني لازم اتابع تلقيح بويضاتي مع دكتوره المختبر على عكس رويال حياه الي يخلون المريض زي الاطرش بالزفه.
3 - بعلاج الدكتور ناهض تم سحب ماشاء الله تبارك الله 14 بويضه .
4 - كان الدكتور فاطمي بعيييييد كل البعد عن التجاريه في التعامل , والله العظيم يابنات طلب تحليل واحد فقط خلال فترة العلاج , وطلب تحليل الامراض المعديه عشان تجميد الاجنه وقالي هذا التحليل سووه بالحكومه .
5 - جمد الدكتور ناهض 7 اجنه لي , وكانت هناك اربع اجنه من الدرجه الاولى ولله الحمد والمنه .
6 - النتيجه حامل ولله الحمد .
الله يجزاك خير الجزاء عني وعن كل من حملت بعد قدرت الله على يدك يادكتوووور ناهض , وفقك الله يادكتوووور ناهض والي الامام دائما .
اتمنى انكم تستفيدون من تجربتي والله يرزقكم بالذريه الصالحه السليمه المعافاه اللهم اميييييييين .

 

[reem1987]

مشكوووووووووووووووووووووره يا سلمي علي تجربتج استفدت منها وشجعتني وااااااايد الله يتمم عليج يارب ويوفقج يارب

بسالج جم جنين حطيتي ٢ او ٣ اجنه؟؟؟ انا محتاره ياليت تفيديني

 

[الزيـــــ^^ـــــن]

ماشااءالله تبارك الرحمن الف الف مبروووووك
والله يثبته لج يااارب ...ويرزق كل من تتمنى الضنا
مشكوره على طرح تجاربج*

 

[reem1987]

وممكن تعطينا نصايح عن الابر شنو كنتي تحسين وانتي تاخذينهم ها وزنج زاد؟ هل تحسين بتعب وخمول؟هل كنتي تشربين ماي وايد؟

وشنو حسيتي بعد عمليه السحب ؟في عوار ؟ وعقب العمليه مارستي حياتج عادي ولاكنتي تعبانه؟

وبالترجيع يعور ولا عادي؟ عقب الترجيع جم ساعه قعدتي بالمستشفي؟ وشلون مارستي حياتج؟
سامحيني يا سلمي علي الاطاله وكثره الاسئله بس مالي غيرج اسالج وانا وايد خايفه واحاتي

بي لا تذرني فردا انت خير الوارثيييييييييييييييييييييييييييييييييييييييييين
ربي هب لنا ذريه طيبه انك سميع الدعااااااااااااااااااااااااااء

 

[سلمـــى]

الله يبارك فيكم حبايبي والفال لكم ياااااااارب
راح اجاوب على كل الاسئله ان شاءالله ,, والله العظيم اني اتمنالكم الخير كثر مااتمناه لنفسي وربي يعلم

 

[reem1987]

فيج الخير يا سلمي ويعلم الله اني فرحتلج من كل قلبي وافرح حق كل وحده الله رزقها

ومشكووووووووره جزاج الله الف خير

 

[سلمـــى]

بالنسبه لترجيع الاجنه رجيع 2 لان القانون عندنا بالكويت الي عمرها تحت ال 35 جنينين فقط
والي عمرها فوق ال 35 ثلاث اجنه
بس ريم حبيبتي لا تشغلين نفسج بهالموضوع اذا رب العالمين كاتبلج حمل بتحملين لو بجنين واحد بس
اهم شي حبايبي تكون ثقتكم برب العالمين كبيره وكوني نتاكده انه راح يرزقج ,,
قال الله سبحانه وتعالى في الحديث القدسي {{ انا عند حسن ظن عبدي بي فان خيراً فخير وان شرً فشر }}

 

[قلب وردي]

الف مبرووووووووك الحمل وعسى الله يتمم عليج ياااارب
وجزااااااج الله خير على نقلج التجربه وناااااطرين ردج على اسألة رييييم عشان كلنا نستفيد

 

[قلب وردي]

سلمى ياقلبي نبي شلوووون مارسي حياتج عقب الترجيع ونبي نصااااايح الدكتووور عقب ترجيع الاجنه وكل شي قاله لج ممكن يفييييد واااايد من البنات وجزاااااااااج الله الف خييييير ياااارب

 

[سلمـــى]

ريم حبيبتي اسمحيلي باخذ اسالتج واحد واحد عشان مااتخربط ,,
بالنسبه للابر الحمدلله سهالات من رب العالمين ماكانت بذاك الصعوبه الي انا متخيلته ,, والله العظيم اني في كل ابره اخذها احس بمتعه ,, تدرووون ليش لاني احس انها تقربني من حلمي الي اتمناه وهو الامومه عسى ربي يرزق كل محرووومه
وبالنسبه للماي صراحه انا مو ذاك الزود معاه مع ان الدكتور كان يقولي كثري من السوائل الماي والعصاير الفرش وكنت كل يوم اشرب عصير برتقال

 

[سلمـــى]

بالنسبه للوزن للامانه زاد لاني سويت عميلين بسنه وحده بس صدقيني مو مهم الاهم ان النتيجه تفرح بالنهايه عسى الله يفرح قلوبكم جميعاً .
والعوار بعد العمليه ,, اكيد راح يكون فيه عوار بس مو الي مكبرينه بعض البنات الله يهديهم يعني الم خفيف لمدة يوم واحد ,, وبعد العمليه بيوم الم خفيف لدلرجة اني داومت عادي الحمدلله

 

[زينة الهيلا]

سلمي الف مبروك وعساه ربي يثبته وتشيلينه بيدينح يارب الدكتور ناهض انسان عظيم بالاخلاقه رائع بتعامله بعيد عن الماده والله العظيم ان من دخلت عيادته وانا مرتاحه نفسيا اسلوبه احترامه المريضه يريح اعصابج حتي الطاقم اللي معاه من سكرتاريه وممرضات بشوشين يارب توقيعك كلهم وتبارك فيهم كلهم سلمي أتمني لج التوفيق وشهادتي شخصيا بدكتور ناهض مجروحه سلمي اسدحي لنا تجربتج خل نستفيد بما أني مقبله علي العمليه مع دكتور ناهض ومشكوره يالغاليه

 

[زينة الهيلا]

أسفه بدلياتي واحد كله من الفون هههههه

 

[سلمـــى]

اما بالنسبه للترجيع سهالاااااات الحمدلله ماكو اسهل ولا اسرع منها
وتدروووون الحلو بدكتولر ناهض شنو ,, بعد مايسويلج الترجيع يوريج اجنتج وهم برحمج بالسونار عشان تتاكدين صرحه هالدكتور عنده امانه وذمه وضمير ماشفت بحياتي مثلها .
وبعد العمليه المفروض اقعد ساعه بس انا طبت من الممرضه اني اقعد ساعتين وخلوني على راحتي
ومن كثر العنايه والاهتمام بهالعياده شوفوا شنو صار معاي وقت الترجيع : المثانه لازم تكون متروسه وقت العمليه سبحان الله لان الرحم يصير سيده مافيه اعوجاج لما تكون المثانه متروسه فيكون سهل عملية نقل الاجنه وادخالها في الرحم
المهم بعد ماخلصت العمليه بعشر دقايق بغيت اروح الحمام خلاااص مااقدر وقلت حق الممرضه بروح جان تقول لا مايصير تخيلوا بنات راحت وجابتلي قيصريه تكرمون مع ان الدكتور ماقالها ولا شي اهي من نفسها .

 

[سلمـــى]

بالنسبه للوضع بعد الترجيع راح اقولكم كل شي بالتفصيل لا تحاتون وخليكم دايماً متفاءلين ياامهات المستقبل

 

[الأميرة جوري]

الف مبرووووووووك..والله يتمم عليج وتولدين بالسلامه...ويرزق كل محرووووومه انا عنيت من العقم بس الف الحمد الله ربي رزقنى احلا كتااااااااكيت بدنيا.

 

[سلمـــى]

1 - العطر ممنوع منعاً باتاً من ترجيع الاجنه الي وقت التحليل.
2 - المنظفات القويه مثل الكلوركس والديتول ممنوع لانه سبحان الله يقتل الاجنه .
3 - اول 5 ايام راحه تامه تاااامه على السرير ,, وباجي الايلم حركه خفيفه .
4 - ممنوع التربع على الارض .
5 - الجاي والقهوه ممنوع للامانه انا وقفتهم قبل المليه بشهرين تقريباً ,, والاعشاب طبعاً ممنوعه .
6 - وطبعاً اكيد انكم تاخذون الفولك اسد قبل العمليه بشهرين ثلاثه .
هذا الي اذكره حالياً حبايب قلبي واول مااذكر سي راح اكتبه لكم , طبعاً كل هالمعلومات عطونياها ستاف الدكتور ناهض
اما عمليتي الاولى مع الدكتور هيومان فاطمي بمستشفى رويال حياه الله يسامحه ماكنت اعرف شي ولا عطاني اي معلومه مفيده

 

[reem1987]

واااااااااااااي سلمي ماقصرتي طمنتيني والله يطمنج يارب ويجزاج الف خييييييييير ويفرح قلبج يااااااااااااااااارب
:*

 

[reem1987]

الحمدلله يا سلمي استفدنا من تجربتج واااااااااااااايد يعطيج العافيه سلمي كنتي تاكلين من الفاست فود يوم رجعتي الاجنه؟؟

الاميره جوري الحمدلله والله يخليهم لج يارب ممكن تقوليلنا تجربتج او نصايح وعند منو سويتيها؟

 

[reem1987]

بقيت اقول من المطاعم ولا اقول من الفاست فود لووول؟؟